1 Timotɛ 3:2 - Kálara Zyɛ̌m Edwán é mpʉ̌n

² Ebe no, yé ejala ó, nye diʼe mʉr bé ndɨ abe e nkul etɛɛ ɛ. Yé ejala ó, nye diʼe njɨ e mʉma ngwar. Yé ajala ó, mbɔʼlʉ mbɛr Zyɛm, nye fwaʼa monwoʼ. Nye kœʼœ ebò e cyen é mpaŋ pɨʼ. Nye diʼe mʉr ndɨ e modile e. Nye diʼe mʉr lé ebɨlan e l'ojyoo, waa lé egʉa dwe bʉr sikʉlʉ ɨ,

Kálar Nzyɛ̌m : Ejwán é Sáá

² Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

1 Timotɛ 3:2 ပူးပေါင်းရင်းမြစ်များ

2 Timotɛ 2:24

To kœb ó, yé ajala ó, syɛl mosa mo Zyɛm gœa. Nye ejala le edi é zɔhba-zɔhba é nko paʼ bʉr bɨbɛh, le edwe bʉr mɨmpaŋ mɨyeʼla, le egʉa edihbe nteme ebebe.

Rôm 12:13

Dweʼ ga mɨsaŋ mɨ bʉr mo Zyɛm bɨsa lé esa be sɔɔlʉ ɨ. Dɨʼe bɨlan ga e l'ojyoo lé epyal bɨn ye e.

1 Timotɛ 5:9

Go ótile mʉma die é kalara mɨkuho mɨ bʉba ó, waa mu e mɨmbu mowʉm tobo e. Kuho waa, wé beʼ nteme waa wé a baʼle njʉm ngwar ɨ.

1 Pyɛr 4:9

Dɨʼe bɨlan ga e bʉʉ obuʼla. Atʉʼra ga é jɔʼ bɨn lé esa no e.

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

Ebrœ̂ 13:2

Ajɨha ga lé ebɨlan e l'ojyoo lé epyal bɨn ɨ. Bʉʉ bʉr, bé a si baʼle ojyoo mbɨmbɨa, bé ntɔʼ kœb ó, mpa yé a be ó beengles, bɛɛ l'agʉa.

Títos 2:2

Lɛŋɨ otamabʉr o Mbɛr-Zyɛm ó, bé ajala le efwaʼ monwoʼ. Bé diʼe e modile, lé ekœʼ ebò e cyen é mpaŋ pɨʼ. Bé beʼ baa lé ejyɛʼ taa buʼo yɔɔ boo Zyɛm, du mpʉ mpaŋ sikʉlʉ bɨna lé ejwɨʼ ga ɛ, ndɨ ɨ. Bé diʼe bʉr o ndɨ ecwɨa e bʉʉ bʉr ɨ, e baa ndɨ é bihbe e.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

1 Timotɛ 4:3

Bé ekamle bʉrʉm lé eba bʉba! Bé enyiŋ bʉr ó, bé gwaʼa lé ede mʉʉ mode. To kœb ó, Zyɛm a bɛa cye bɨsa byaa ó, é l'efu ó, byé ó mode jala le edɨɨ ɨ! Bʉr o ndɨ egʉa ocyecye é kpɛhla, le ebuʼla we e, bé óde mode maa ó, de-de deʼ, lé edwe Zyɛm ekiba tɨ,

Lʉkas 1:6

Bɨbɛh oba, bé a be ó ocɨcyel o bʉr é mih mo Zyɛm, lé edu mɨtiila ndwe e mompene mo Da. Ebò e cyen lɔɔ, alɨŋa ba.

Lʉkas 2:36

Nuu mʉma ngwiha mɨlɔb, a be nteme ó tɨ, die le Ana, sile mo Fanuɛl, é l'eveh mo Aser. Nye a be ó, nye mu si bul jwɨm. É jɔʼ nye a be, nye dina ndu esehe e, nye a si to é l'eba boo nuu mʉrʉm. Bé e njʉm we waa di njɨ mɨmbu tambɛl,

1 Timotɛ 3:8

Jwɨʼ gwar e gwar yaa nteme, odiakɔn, bé ejala le etiʼe é modile, abe e l'alwiblwib. Bé ajala le elɔʼba é monwoʼ, nkʉ saa bɨmɔn byɔɔ é mozi ndɨ ozyɛhozyɛh ɛ.

1 Timotɛ 3:12

Diakɔn diʼe njɨ e mʉma ngwar. Odiakɔn, bé ejala le egʉa jwɨ̀ʼ nteme bwan bɔɔ, le ekœʼ e mɨmbɛr mɨ bʉr myɔɔ mbɨmbɨa.

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

1 Timotɛ 5:22

Akpahbe kɛl mʉr mobo é lʉ, nkʉ sʉ nye mocyɛʼ mo mpom, ó nye cyelɔ é dia ɨ Mbɛr-Zyɛm tʉŋlʉ. ǃGo óbe si sa no nɛʼɛ, go amu jaa tœb mɨsyem myoonkan é zi waa. é nko paʼ ebò e cyen go lé ekœʼ œ, lé diʼe é pememe.