1 Timotɛ 2:8 - Kálara Zyɛ̌m Edwán é mpʉ̌n

⁸ Ebe no ó me lé ekpɛl ó, é gumo yiyɛh, bʉrʉm puba bé bʉr o tɨ. Bé òjwɨʼla, abe e l'empime é mɨleme. Bé beʼ l'asa mosono paʼra wɔɔ.

Kálar Nzyɛ̌m : Ejwán é Sáá

⁸ Sá tɨ̂ʼ ó mé dí ekpɛl ó, ɨ́ gúmó yɨ́yɛ̂h, bʉrʉ̂m díʼee tí yɨ́. Bé jɨ̂ʼlaa e Nzyɛ̌m, lɨ́ ebɨ̂r mébó mé tí kʉ́, abe e nkpaa nkʉ̂ mesónó ɨ́ miléme.

1 Timotɛ 2:8 ပူးပေါင်းရင်းမြစ်များ

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Títos 3:8

Lɔɔ nɨ, wé ó lɔɔ ebuʼla. Me ekpɛl ó, go boʼla e bʉr ó, wé ó tɨʼ cyecye. Yé ó ngo sa ó, bʉr o b'a jyɛʼ taa buʼo yɔɔ boo Zyɛm ɨ, bé dɨʼe sa mɨmpaŋ bɨsyɛɛla ɛ. Bɨsyɛɛla byaa, byé e nyɔm é nko paʼ bʉr bɨbɛh.

Jacques 4:8

Dihla ga kunokuno e Zyɛm, nye nteme óze gʉʼ bɨn ye kunokuno. Jwɨ̀ŋɨ ga mobo mɨn, bɨn osyɛl o mɨsyem. Puba ga mɨleme min, bɨn bʉr o ndɨ kʉ kwɨh ɨ.

Lʉkas 24:50

Yesʉs ze duho nkana, ze to e l'ompʉn be kunokuno e Betani. Nye ntɔʼ bɨn mobo, sʉ be mocyɛʼ mo mpom.

1 Pyɛr 3:7

Bɨn bɛɛ ojʉm, jyeʼla ga bʉba bɨn ndwe le edwe be duu, ebe, bɨn bé egʉa mpʉ bé ndɨ é cyɛʼ ɛ. Bé ejala le ebi tiʼ molu mo mpoʼ mɨmɛh mpʉ bɨn bɛɛ. ǃBɨn si be, asa no nɛʼɛ, yé ógba bɨn mokɔbla é mɨnjwɨʼla.

1 Timotɛ 5:14

Ebe no ó me lé etɨe mɨkuho mɨ bʉba dina mompɨh ó, myé toʼ é moba ɛ. Myé nkʉʼ bya bwan, le ebaʼle mɨmbɛr mɨ bʉr myɔɔ. Mʉr lé esa bɨna mongan ɨ, nye amu jaa kœb ó, mɨkuho myaa, myé edib nye zi ó, bʉr o dɔm bɨna, bé fœʼœ bɨna ga tɨ.

Mɨlʉmlʉ 21:5

Dam be no, é jɔʼ sono ntinɨ bɨh e boo nɔɔ, bé a di ɨ, a be, nye mu si laa ɛ, bɨh ze mʉa, to e cyen yih dolo. Bɨbɛh ze liʼle bɨh, taare é l'ompʉn o bʉrʉm, to pyal é baa o bʉba, bé e bwan bɔɔ, to bɔma e bɨh é l'odumo o nkana. Bɨh ze kur moboo si é l'ebʉm e maŋ, lé ejwɨʼla e Zyɛm.

Mɨlʉmlʉ 10:4

Nye ze dwɛʼ engles waa é tʉʉʉŋ e bʉa. Nye e nye ó: «Yé mu nyá, Da?» Engles ntɔʼ bɨha e nye ó: «Zyɛm, nyi bɨha mɨnjwɨʼla myo mbɨmbɨa. Nye etoŋlo go ó, ebe ngula go lé egul baanteʼenteʼe e.

Mɨlʉmlʉ 10:2

Bé e mbɛr bʉr we wiwɛh, bé a be-be ó lé edwaabe Zyɛm. Nye a be nteme ó lé ebul gul baanteʼenteʼe o bʉr oYʉden, le ejwɨʼla e Zyɛm jɔʼ yiyɛh é buobuo.

Mɨlʉmlʉ 7:60

Nye ntɔʼ ze kur moboo si, ntɔʼ lwib lé eyɨm twii ó: «Da, aniʼe be baa é lɔb syem wi.» Jɨh tɨʼ nye a kʉ lɛɛ ekan laa, nye ntɔʼ fil mɨswɨh mɨ epihe.

1 Korɛnt 7:7

Me mʉr tɨ, me egwɨm ó, mpa bʉr bɨbɛh, bé ó mpʉ me. Sa gwar, mʉr nyiwɛh, nye e bye bɨntɔɔ Zyɛm a nol nye e. Nwaʼ mʉr e bye; nuu, e bye.

Mɨlʉmlʉ 10:31

Nye e me ó: “Kɔrnɛl! Zyɛm, nyi joʼo mɨnjwɨʼla myo mbɨmbɨa! Nyi toŋlo mbi go lé egul baanteʼenteʼe e.

Yʉanes 4:21

Yesʉs, nye e nye ó: «Buʼla me: ewala lé ópyal é jɔʼ bɨn bé óbe, aka to Yerʉsalɛm, nkʉ é l'ecwɨʼ lɨ, ó bɨn dwiibɨ Zyɛm.

Lʉkas 23:34

Yesʉs ntɔʼ lɛɛ ó: «Da, pɛʼɛ be baa ebebe go niʼe be e, ebe, bé agʉa sa bé lé esa ɛ.» Bɨzima ntɔʼ kabla mɨkan mye, doŋɔ mye ebya.

Mataos 21:21

Yesʉs ze bɨha e be ó: «Me elɛɛ bɨn cyecye ó nɛɛ: ǃbɨn si jyɛʼ taa buʼo yin boo Zyɛm, asoŋlo é bɨn bʉr o tɨʼ nɛʼɛ, sa bɨn bé ósa ɛ, yé ólaa sa saŋɔ lɨ figye e. ǃBɨn si lɛɛ e l'ecwɨʼ lɨʼ ó: “Mʉŋa naa. Toʼ, to nkaŋa é maŋ” nɛʼɛ, lɔɔ win, wé ókʉ bana dira cyecye.

Mataos 5:44

No ó, mɛm, me elɛɛ bɨn ó nɛɛ: kpɛlɨ ga bʉr o dɔm bɨn. Jwɨʼla ga é l'efu e bʉr o lé etíile bɨn ɨ.

Mataos 6:12

Pɛʼɛ bɨbaa bɨ ebebe bɨh go di eniʼe é lɔb mɨsyem mɨh ɨ, mpʉ bɨh lé epɛʼ byaa bɨ bʉr o ndɨ esa bɨh ebebe e.

1 Korɛnt 1:2

Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

2 Korɛnt 2:14

Bɨna dweʼ ga Zyɛm ekiba. Yesʉs-Krɨst, nye ó lé eliʼle bɨna ga é jɔʼ yiyɛh é l'ebʉʼ e bɨsʉhʉ, lé esoho onkɔɔ we. Bɨna ga ó ndɨ edu ga nye é koo pihe é l'asisia we. Nye nteme ó lé esa ó, bɨna dweʼ ga bʉr sikʉlʉ lé esa ó, bé gʉŋa nye e. Nye esa bɨna ga no ó, é gumo yiyɛh. Bɨna ga mu ó mpʉ motwina mo ndwam lé epyɛl mbɨambɨa monumo e.

Filipi 1:12

Obɨɔ ga bam aa! Me egwɨm ó, bɨn gʉŋa ó, sa yé a pyal me e, yé ó b'a tine Mbɨambɨa Lɔɔ ó, wé bâʼla myɛma.

1 Tesalonika 1:8

Lɔɔ lé etiibe e Da Yesʉs ɨ, bɨn ó b'a sa ó, wé myɛma, lé eto jaabe! É bɨgumo bibyɛh, bʉr, bé mu ó lé ejoʼo mpʉ bɨn lé ejyɛʼ taa buʼo yin boo Zyɛm ɨ. Lɔɔ waa, wé a baafiʼ é lal Masedwan, nkʉ é lal Akayi. Wé elaa naa. Bɨh bé aka bâʼle nʉa tuu mbɛh lé elɛɛ bʉr yʉʉ sɔʼɔ é lʉ win.