1 Timotɛ 2:7 - Kálara Zyɛ̌m Edwán é mpʉ̌n

⁷ Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

Kálar Nzyɛ̌m : Ejwán é Sáá

⁷ Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

1 Timotɛ 2:7 ပူးပေါင်းရင်းမြစ်များ

Mɨlʉmlʉ 9:15

No ó Da Yesʉs a lɛɛ e nye ó: «Toʼ, ebe, me a si pɛh mʉr nɨ. Lɔɔ wam, wé óto lɛɔ boo bʉr o ndɨ abe oYʉden ó, é zi we. Nye ólɛɛ nteme mɨnjwɨɨbʉr mɨ bʉr baa, bé e bwa b'Ɨzraɛl.

2 Timotɛ 1:11

Mbɨambɨa Lɔɔ waa ó me lé etuno e, ebe, Zyɛm a si cyel me é dia cyela mɨtuno, le yaa lʉmlʉ, le yaa yeʼle.

Rôm 9:1

Me ekʉ lɛɛ ocyecye é zyɛŋa wih boo Yesʉs-Krɨst. Me alɛɛ mpʉl. Mɨpɛhla mɨ leme wam, myé ekʉ boʼlo lɔɔ waa é zi mo Mbɨambɨa Sisim.

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

Galásia 2:9

Jacques bé e Sefas ndwe e Yʉanes, bé ó b'a bul nyin é mih ó, bé ó ndɨ modwii mo sɔŋ é Mbɛr-Zyɛm tʉŋlʉ. Bé a si gʉa é l'ocyecye ó, Zyɛm a si lɛʼle me ncwɨncwɨa we, bé ntɔʼ bara e bɨh e Barnabas, lé elɛʼle bʉr ofih ó, bɨh e boo nɔɔ, bé a kʉ be ó e mpaʼra osyɛl o mosa mpwar. Bɨh ntɔʼ twe twii ó, bɨh bé óto boo bʉr o ndɨ abe oYʉden ɨ, bɛɛ, lé eto boo oYʉden.

Galásia 1:20

(Sa me tile nɨ, yé ó cyecye. É mih mo Zyɛm, me ebâʼle lɛɛ ó, me asa mpʉl.)

Galásia 1:16

Nye a bee embɨa é nko paʼ we nteme ó, nye lɛʼla me Mwan we, le elomo me ó, me lɛŋɨ Mbɨambɨa Lɔɔ we boo bʉr o ndɨ abe oYʉden ɨ. Me a baadî mʉr bɨpuno le motié ó, nye dweʼ me motɨɨ me tɨ.

Rôm 11:13

Banana, me mu ó lé eze lwib e bɨn, bʉr o ndɨ abe oYʉden ɨ, mɛm lʉmlʉ Zyɛm a lomlo bɨn ɨ. Me ekʉ bul doʼo e syɛɛ me lé esea é l'efu lɨn ɨ.

2 Pyɛr 2:5

Zyɛm a baakamle nteme e bʉr omya. Nye a si ntɨh mpɨɨ nɨnɨ é si nwaʼ lé ejʉ bʉr o b'a baadwaabe nye e. Nye a kʉ ka kamle ó njɨ e tiʼ mo Noe bé e bʉʉ bʉr tambɛl, ebe, nye ó b'a dwe-dwe bʉr bɨsikʉlʉ byé a be cɨcyel ɨ.

Galásia 3:9

Abraham ze jyɛʼ taa buʼo ye boo Zyɛm. Ebe no ó Zyɛm a sʉ nye mocyɛʼ mo mpom me e. Jwɨʼ gwar e gwar yaa nteme e bʉr bɨbɛh lé ejyɛʼ taa buʼo yɔɔ boo nye e: Zyɛm ósʉ be mocyɛʼ mo mpom me.

2 Korɛnt 11:31

Zyɛm, waa ndɨ Sɔŋ mo Da Yesʉs ɨ, nye egʉa ó, me alɛɛ mpʉl. Nye e kum njʉmdia e njʉmdia.

Rôm 10:14

Sa gwar, bé e nkul ejwɨʼla e waa bé a baajyɛʼ taa buʼo yɔɔ boo nye e, wáa mbi? No ó, bé e nkul ejyɛʼ taa buʼo yɔɔ boo mʉr bé a baajoʼo die le e, wáa mbi? Bé ó e nkul ejoʼo die laa, abe e mʉr lɛɛ be la nyá ɛ?

Mɨlʉmlʉ 26:20

Me a kʉ ka taare ó njɨ e tuno Mbɨambɨa Lɔɔ, taare é bʉr o Damas bé e baa o Yerʉsalɛm, ndwe e baa bɨbɛh ndɨ é lal Yʉda ɛ, to pyal é mɨlal mɨ bʉr o ndɨ abe oYʉden ɨ. Me a lɛɛ e bɨbɛh ó, bé gwɨma mobebe mɔɔ, dwir mɨleme, le ejyɛʼ taa buʼo yɔɔ boo Zyɛm. Bɨsyɛɛla byɔɔ, byé óbe ó bɨdweʼle, sa lé elɛʼle ó, bé mu ó ocɨcyel o bʉr, le mɨleme mɨndwira ɛ.

Mɨlʉmlʉ 22:21

No ó Da Yesʉs a ka lɛɛ e me ó: “Toʼ, ebe, me muno ze cen go é l'ejaa, gumo bʉr o ndɨ abe oYʉden ndɨ ɨ.”»

Mɨlʉmlʉ 14:27

É jɔʼ bé a pyal Antios ɨ, bé ze baŋle bʉr o mbɛr Zyɛm waa, lɛɔ be bɨsa bibyɛh Zyɛm a sa é zi wɔɔ ɛ. Bé a lɛɛ nteme ó, Zyɛm a si cwɨa nteme e bʉr o ndɨ abe oYʉden ɨ, le edib be zi ejyɛʼ taa buʼo yɔɔ boo nye.

Yʉanes 7:35

OYʉden ze taare lé edîila paʼra wɔɔ ó: «Nye óto wâʼ yɛɛ nko, é mbi ndɨ ó, bɨna bé aŋa ka bee ga nye e? Zê nye óto le eyeʼle oYʉden mu si myɛʼa, jala lal Grɛs ba ɛ? Zê nye óyeʼle nteme bʉr o Grɛs ɛ?

Galásia 2:16

To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.

Rôm 1:9

É jɔʼ yiyɛh, me ejwɨʼla e nye é l'efu lɨn. Zyɛm nye mʉr tɨ, nye egʉa ó, me elɛɛ ó ocyecye. Nye waa ó me lé esea syɛɛ ye e leme wam wiwɛh ɛ. Me esea ye ó, é zi elɛɛ Mbɨambɨa Lɔɔ lé etiibe e Mwan we e.

1 Korɛnt 9:1

Zê me abe mʉr ndɨ é dia otî ɨ? Ntʉʼ me ndɨ lʉmlʉ mo Krɨst ɛ? Zê me a baasi bee Da Yesʉs ɛ? Ntʉʼ bɨn ndɨ mpumo a gumo, duho é syɛɛ me a sea é zi Tî ga wina ɛ?