1 Timotɛ 2:3 - Kálara Zyɛ̌m Edwán é mpʉ̌n

³ Zyɛm, Tiʼbʉr ga wina, nye ebee syɛɛla yaa mbɨmbɨa.

Kálar Nzyɛ̌m : Ejwán é Sáá

³ Nzyɛ̌m, Tiʼbʉr gá wɨ́ná, nye lɨ́ ebeě syɛ́ɛla yaá mbɨ̂mbɨá; nye lɨ́ ekpɛl yê.

1 Timotɛ 2:3 ပူးပေါင်းရင်းမြစ်များ

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

1 Pyɛr 2:20

ǃBɨn si sa syem, bɨn ntɔʼ dihbe ebiʼe nɛʼɛ, ebe yé bɨn lé enkɛɛ monyʉl ó, bʉr seʼla bɨn ɨ? To kœb ó, bɨn bé ósʉŋɔ mocyɛʼ mo mpom mo Zyɛm é jɔʼ bɨn bé ócwɨa e bʉr, bɨn ntɔʼ sia e bɨntɨʼa le bihbe e.

Rôm 14:18

Ebe, mʉr lé esea e Yesʉs-Krɨst é mbi waa ɛ, Zyɛm, nye ebee nye mbɨmbɨa, bʉr nteme seʼle nye.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

1 Tesalonika 4:1

Ebe no, obɨɔ ga bam aa! Sa me lé eka tile bɨn é l'epihe e, yé ó nɛɛ: bɨh bé a si tɨe bɨn mpʉ bɨn lé ejala le ekœʼ ebò e cyen Zyɛm lé ekpɛl ó, bʉr kœʼœ œ. Bɨn nteme mu ó lé esa no. Dam be no, bɨh bé ejwɨʼla e bɨn, le etɨe bɨn é die mo Da Yesʉs ó, bɨn toʼ le esa no é buobuo.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Lʉkas 1:47

Leme wam, wé ó lwɨŋla e bɨsʉhʉ, ebe Zyɛm, Tiʼbʉr wam,

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

1 Timotɛ 5:4

ǃƗ guu kuho, wé be e bwan, nkʉ onta nɛʼɛ, bwan be baa, bé ejala le etaare jwɨʼ lé esa syɛɛ-Zyɛm ó, é mbɛr bʉr wɔɔ tʉŋlʉ, le ebaʼle nyɔŋ wɔɔ, nkʉ nyɔŋ mpam wɔɔ. Bé nkʉʼ jɛna e l'osɔŋ le onyɔŋ ndwe e bɨmpam byɔɔ mpɔla é l'efu e bɨsyɛɛla bɛɛ, bé a pa sa be e, ebe, sa yaa, yé é mbɨa é mih mo Zyɛm.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

1 Timotɛ 4:10

Zyɛm wina ndɨ kublakubla ɛ, a si kʉ gba bɨna mbɛla é mɨleme. Nye ó waa ndɨ Tiʼbʉr é l'efu e bɨkul bibyɛh, kʉ bul be baa ndɨ obuʼla ɛ. Lɔɔ waa wé ome ó lé esa ó, bɨh jaʼra e mɨtuu bɨsyɛɛ, ndwe le efwɛmla ɛ.