1 Timotɛ 2:2 - Kálara Zyɛ̌m Edwán é mpʉ̌n

² Saʼ Zyɛm mɨnjwɨʼla nteme é l'efu e mɨnjwɨɨbʉr ndwe e baa bɨbɛh ndɨ e nkul mojwɨ̀ʼa ɛ. Ebe no ó bɨna bé ódi ga é motala, abe e ntɨʼa ɛ. É bɨtiʼ ga bina, bɨna bé ódwaabe ga Zyɛm le edwiibɨ nye.

Kálar Nzyɛ̌m : Ejwán é Sáá

² Jɨʼlaa ntémé lɨ́ esú lé ójwɨ́ɨ, ndu e baá bɨ́bɛ̂h dí e nkul jwɨ́ɨ bá. Sá tɨ̂ʼ ó mɨ́ná ódû gá kʉ̌ tyen dí abe e ntɨ́ʼá wɨ́, le edi ntémé ɨ́ puuu yɨ́. Ɨ́ bicwiʼ gá bíná, mɨná bé ódwáawǒ Nzyɛ̌m le edwe ményʉ́l mɨ́ná medile.

1 Timotɛ 2:2 ပူးပေါင်းရင်းမြစ်များ

1 Tesalonika 4:11

Cyelɨ ga efoʼ ó, bɨn tiʼa é motala tʉŋlʉ. Mʉr dwɛʼa njɨ bɨsyɛɛ bye nye mʉr tɨ. Nye sea bɨsyɛɛ bye e mobo me é dwiii. No ó me a lɛɛ bɨn ɨ.

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Rôm 12:18

Yé bana bɨn nɛʼɛ, saʼ ga mbi wiwɛh é nko paʼ win ó, bɨn e bʉr bɨbɛh, diʼe é motala.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

Mɨlʉmlʉ 10:22

Bé ntɔʼ bɨha ó: «Bɨh ze ó, é lʉmlʉ mo njwɨɨ nter bɨzima wih, die le Kɔrnɛl. Nye ó cɨcyel mʉr lé edwaabe Zyɛm ɨ. Nye é bul jwɨ̂ʼlɨ e bɨsyɛɛla bɨ ncwɨncwɨa nye lé elɛʼle oYʉden bɨbɛh ɛ. Nuu engles mo Zyɛm tɨe nye ó, nye baŋla go, go toʼ, to pyal nye ye, ó nye joʼla sa go ólɛɛ nye e.»

Lʉkas 2:25

To kœb ó, yé a be ó e nuu mʉr ɨ Yerʉsalɛm, die le Simeɔn. Nye a be ó cɨcyel mʉr le ebul dwaabe Zyɛm. Nye a di-di ó, lé ebono mʉr ódwaŋle bwa b'Ɨzraɛl mɨleme e. Mbɨambɨa Sisim a be ó é nye.

Lʉkas 1:6

Bɨbɛh oba, bé a be ó ocɨcyel o bʉr é mih mo Zyɛm, lé edu mɨtiila ndwe e mompene mo Da. Ebò e cyen lɔɔ, alɨŋa ba.