1 Timotɛ 1:5 - Kálara Zyɛ̌m Edwán é mpʉ̌n

⁵ Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

Kálar Nzyɛ̌m : Ejwán é Sáá

⁵ Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

1 Timotɛ 1:5 ပူးပေါင်းရင်းမြစ်များ

1 Timotɛ 1:19

Go óbaʼle buʼo yo e mɨpɛhla mɨ leme ndɨ é pyɛɛɛ ɛ. Bʉʉ bʉr, bé a si tine buʼo yina, buʼo yɔɔ yaa ntɔʼ lɨra, mpʉ titima lé edɨ é modibe, dim ɨ.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

2 Timotɛ 2:22

Gʉa kʉ cɛra e bɨgwɨma bɨ oncyom. Duʼo njɨ bɨsa ndɨ cɨcyel ɨ. Buʼla Zyɛm. Lɛʼla bʉr ncwɨncwɨa. Gbaʼ motala paʼra bʉr e bʉr. Dɨʼe sa no, bɨn e bʉr bɨbɛh ndɨ ejwɨʼla e Da Yesʉs e mɨpɛhla mɨ leme ndɨ é pyɛɛɛ ɛ.

2 Timotɛ 1:5

Me esa nteme ó, toŋlo-toŋlo buʼo yo ndɨ eduho é mo si ɨ. Yé ó mbi buʼo ngwar e ngwar nyɔŋ mpam go Lɔyis bé e nyʉŋ Enike, bé a be e ye e. Mɨ kʉ gʉa nteme ó, mbi buʼo waa ó ndɨ go nteme é leme.

2 Timotɛ 1:3

Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

2 Pyɛr 1:7

É l'edwaabe Zyɛm, kɛlɨ ga efo paʼra obɨɔ e l'obɨɔ. É l'efo paʼra obɨɔ e l'obɨɔ, kɛlɨ ga kpɛl.

Rôm 10:4

Me elwib no ó, ebe, Krɨst a si gba nkati é zi edu motie. Bʉr, bé aŋa ka bi mokebe lé edu zi waa. Bʉr o ndɨ ejyɛʼ taa buʼo yɔɔ boo Zyɛm ɨ, bé ó ndɨ ebi mokebe boo nye.

Títos 1:15

Sa yiyɛh, yé mu ó mpuban é l'efu e bʉr mu si pubɔ ɛ. Sa gwar, é bʉr o b'a lœʼ monyʉl mɔɔ, baa dina l'apa jyɛʼ taa buʼo yɔɔ boo Zyɛm ɨ, yé abe e sa gwar ndɨ mpuban é nko paʼ wɔɔ. Bɨsa bibyɛh, byé ó be é lwaʼbe lwaʼbe, ebe, bé a si lœʼ ocyoo wɔɔ, ndwe e mɨpɛhla myɔɔ.

1 Timotɛ 3:9

Yé ejala ó, bé gʉa baʼle lwib odim o buʼo ga yina e mɨpɛhla mɨ leme ndɨ é pyɛɛɛ ɛ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

1 Pyɛr 4:8

Sa efoʼ, yé ejala ó, bɨn kpɛla paʼra win kpɛl apurapura, ebe, kpɛl, yé esa ó, bɨna pɛʼɛ ga buobuo bɨbaa bɨna bé a dɨ niʼla paʼra ga wina é lɔb mɨsyem ɨ.

Jacques 4:8

Dihla ga kunokuno e Zyɛm, nye nteme óze gʉʼ bɨn ye kunokuno. Jwɨ̀ŋɨ ga mobo mɨn, bɨn osyɛl o mɨsyem. Puba ga mɨleme min, bɨn bʉr o ndɨ kʉ kwɨh ɨ.

Mɨlʉmlʉ 23:1

No ó, Pol a dwɛʼ bʉr o Bʉm Nɨnɨ é tʉʉʉŋ. Nye ó: «Obɨɔ ga bam aa! Me e leme é mo é pyɛɛɛ lé etiʼe é mih mo Zyɛm, ze pyal é muh é dobo lɨ.»

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

1 Korɛnt 13:1

Me dam lwib bɨlwib bɨ bʉr, nkʉ byaa beengles. ǃMe baabe e kpɛl nɛʼɛ, kʉ gʉa ó, me mu ó mpʉ tuʼ engʉŋa lé eduo e, nkʉ mpʉ bɨnkala lé elwaŋla ɛ.

Rôm 14:15

Yé be ó, mɨɔ go óbɛm liʼ é gœʼra-gœʼra e mocyɛʼ mo nyʉl ebe sa ede yo nɛʼɛ, lɛɛ ó, gɨ bɔʼa e mpaŋ zi é jɔʼ go lé ede sa yaa ɛ. Go alɛʼle nye leme ncwɨncwɨa é zi ebò e cyen go lé ekœʼ œ. Asa ó, mʉr Krɨst a dwè, jala e nye e, nye dimɨ é nkɔb bʉr ebe mbi mode go lé ede e.

Rôm 9:1

Me ekʉ lɛɛ ocyecye é zyɛŋa wih boo Yesʉs-Krɨst. Me alɛɛ mpʉl. Mɨpɛhla mɨ leme wam, myé ekʉ boʼlo lɔɔ waa é zi mo Mbɨambɨa Sisim.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

Mɨlʉmlʉ 15:9

Nye agba mbɛʼ paʼra ga wina boo nɔɔ. Nye a be ó si pubo mɨleme myɔɔ ebe taa buʼo bé a jyɛʼ boo Krɨst ɨ.

Mataos 12:35

Mʉr ndɨ é mbɨa ɛ, nye enʉa-nʉa bɨsa bɨ embɨa bye ó, é leme we, ndɨ mpʉ mbɨambɨa ekʉm le e, ntɔʼ pyɛl bye kʉl. Mʉr ndɨ é bebe e, nye enʉa bɨsa bɨ ebebe bye ó, é leme we, ndɨ bebebebe ekʉm le e, ntɔʼ pyɛl bye kʉl.

Mataos 5:8

Mocyɛʼ mo mpom e bʉr o ndɨ e mɨleme é sɔɔɔ ɛ, ebe, bé ó ngo bee Zyɛm!

1 Yʉanes 3:23

Etie nye a tiile é l'efu ga lɨna ó lɨ: Bɨna jyɛʼɛ ga taa buʼo ga yina boo Mwan we Yesʉs-Krɨst le ekpɛla paʼra ga wina mpʉ nye a tɨe bɨna ga ɛ.

Ebrœ̂ 13:18

Dɨʼe sa ga mɨnjwɨʼla é l'efu lɨh. Bɨh bɨ kʉ gʉa ó, mɨpɛhla mɨleme mih, myé ó njɨ myaa ndɨ é pyɛɛɛ ɛ. Bɨh bé e gwɨma ó, bɨna kœʼœ ga ebò e cyen ndɨ cɨcyel ɨ, é bɨcye bibyɛh.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Rôm 12:9

Kpɛl, yé duha bɨn é mɨmo si. Bena ga sa yiyɛh ndɨ é bebe e. Kpɛlɨ ga sɔʼɔ, njɨ yaa ndɨ é mbɨa ɛ.

1 Timotɛ 1:18

Mwan wam Timote, me edwe go motɨɨ maʼ ó, lé edu lɛa ogwiha o mɨlɔb bé a lɛɛ, tiibe e go e. ǃGo si baʼle motɨɨ maa nɛʼɛ, go ógʉa lwimla dɔm.

1 Yʉanes 3:10

Ebe, mbɛʼ, wé enyin paʼra bwan mo Zyɛm e baa mo Njwɨɨ moleme ó, é mbi wi: mʉr nyiwɛh ndɨ asa mɨmpaŋ bɨsyɛɛla ɛ, nkʉ waa ndɨ akpɛl mɨɔ we e, nye a baabyɛl é zi nkul mo Zyɛm.