1 Timotɛ 1:4 - Kálara Zyɛ̌m Edwán é mpʉ̌n

⁴ Bé ayi joʼlo bɨsa mɨlɔɔ, nkʉ bɨláa-ntan ndɨ abe e l'esie e. Bɨsa byaa ó lé edulo ziila motwii é Mbɛr-Zyɛm. Byé abe e nyɔm é nko paʼ eloŋlo syɛɛ mo Zyɛm. Bɨna bé esa ga nye syɛɛ yaa ó, é zi buʼo ga yina.

Kálar Nzyɛ̌m : Ejwán é Sáá

⁴ Go e lɛ́ɛ́ bé ó, bé ayɨ́ dû nzɨ́ bikɨkɛna. Bé sá ajóʼo ólɔ́ɔ o bíntán ó mímbɛ̌r mi bʉ̂r, sá dí abe le odumo yɨ́. Bisâ byaá, byé dulo ó nzyɛ́ɛ́lá mecwíí. Ɨ́ páʼ mé Nzyɛ̌m, byé abe e nyɔm. Mɨná nyɨɛ́ lóŋló syɛ́ɛ́ yé ó, ɨ́ nzɨ̌ búʼó yɨ́ná.

1 Timotɛ 1:4 ပူးပေါင်းရင်းမြစ်များ

Títos 3:9

Cɛra e bʉr o ndɨ epere motwii mpʉ bɨgʉ, le edî motia ndɨ abe e nyɔm ɨ. Bé ajala le epu mɨlɔb si é lɔb bɨláa-ntan nkʉ é lɔb motie mo Zyɛm, ebe, mɨlɔb mɨnɨ, myé ó mbɛh e mbɛh.

Títos 1:14

Bé gwaʼa lé ejoʼlo bɨsa mɨlɔɔ mɨ oYʉden. Bé kaʼ gwaʼ lé edu motie le mompene, maa ndɨ eduho é bʉr o b'a bɛa bene ocyecye e.

1 Timotɛ 4:7

Go ajala le ejoʼo bɨsa mɨlɔɔ, myaa otamabʉba lé esa-sa ɛ. Pɨʼɨ go mʉr tɨʼ é l'efu ó, go dwaaba Zyɛm.

2 Timotɛ 4:4

Bé aŋa ka joʼo ocyecye. Bé ógʉmla é bebebebe zi, ntɔʼ to laʼ mɨlʉ é bɨsa mɨlɔɔ.

2 Pyɛr 1:16

Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.

1 Timotɛ 6:20

No ó, Timote ɛɛ! Baʼla sikʉlʉ Zyɛm a timle go e. Go à syɛhle baalwibalwiba o bʉr o ndɨ esa lɔɔ Zyɛm ebɨh ɨ, baa bʉr lé ejwɨʼ ó, bé ó «mpaŋ ngwɨa» ɛ.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

2 Timotɛ 2:14

Jɨmɨ bʉr bɨtoŋla é mɨlɔb mɨnɨ. Go à ntɛŋ be mɨnkɛla é mih mo Zyɛm ó, bé gwaʼa le elɨr bʉr é zi mogo mɔɔ, lé egœa njɨ é lɔb mokan. Mogo maa, mé abe e nyɔm.

2 Timotɛ 2:22

Gʉa kʉ cɛra e bɨgwɨma bɨ oncyom. Duʼo njɨ bɨsa ndɨ cɨcyel ɨ. Buʼla Zyɛm. Lɛʼla bʉr ncwɨncwɨa. Gbaʼ motala paʼra bʉr e bʉr. Dɨʼe sa no, bɨn e bʉr bɨbɛh ndɨ ejwɨʼla e Da Yesʉs e mɨpɛhla mɨ leme ndɨ é pyɛɛɛ ɛ.

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Éfɛsɔs 3:2

Zê bɨn bé a baasi joʼo mpʉ Zyɛm a sa ó, me diʼe syɛl mosa we e? Nye a si kʉ lɛʼle me ncwɨncwɨa we, me nkʉʼ be bɨn e nyɔm lé eloŋlo jwɨʼ ye.

2 Timotɛ 2:23

Gʉa kʉ cɛra e bʉr o ndɨ epere motwii mpʉ bɨgʉ le mɨmiʼ ɨ. Go ejala le egʉa ó, mɨlɔb myaa, myé ebya sɔʼɔ ó, njɨ bɨtom.