1 Timotɛ 1:3 - Kálara Zyɛ̌m Edwán é mpʉ̌n

³ Diʼe Efɛɛz, mpʉ me a tɨe go é jɔʼ me a be, me mu kunokuno le eto Masedwan ɨ. Cyelɨ bʉr o mbɛr Zyɛm win mpene ó, bé l'anyamle bâʼle dwe guu mbi sikʉlʉ fih.

Kálar Nzyɛ̌m : Ejwán é Sáá

³ Diʼeě Éfɛsɔs mpʉ mé á tɨ́e go, ɨ́ jɔʼ mé á be, me mû kúno etô sí Masedónia yɨ́. Diʼee náǎ, go e tɨ́é bʉ̂r ó, bé sá adweela gúú mbǐ lɛ́ʼlá swîh.

1 Timotɛ 1:3 ပူးပေါင်းရင်းမြစ်များ

1 Timotɛ 6:3

Tî ga wina Yesʉs-Krɨst a si kʉ dwe bɨna ga mpaŋ sikʉlʉ lé eyeʼle bɨna ga mpʉ mʉr jala le edwaabe Zyɛm ɨ. Yé be ó, mʉr fih mʉr kɛ̀l, nye amɛʼle sikʉlʉ nɨ, nkʉ du ye, bula to dwe bʉr bɨsikʉlʉ bɨfih nɛʼɛ, lɛɛ ó, nye mu ó lé enkɛɛ nyʉl.

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

1 Timotɛ 4:11

Lɛŋɨ bʉr ó, bé duʼo mɨlɔb mɨnɨ. Go à dwe be sikʉlʉ tɨ.

1 Timotɛ 4:6

ǃGo óntɛŋ-ntɛŋ obuʼla sikʉlʉ yiʼ nɛʼɛ, go óbe ó mpaŋ syɛl mosa mo Yesʉs-Krɨst! Go óyeʼle mɨlɔb mɨ buʼo ga yina é zi waa, le edwe mpaŋ sikʉlʉ go a bɛa jwɨʼ é jɔʼ go a be é l'oncyom go e.

Mɨngwiha 2:20

Sa gwar, mɨ niʼe bɨn baa ebebe. Baa yaa, yé ó: bɨn bɨ nee Yezabɛl zi é l'esama lɨn. Nye egomlo bɨn é bebebebe zi é jɔʼ nye lé elɛɛ ó, nye ó mʉma ngwiha mɨlɔb ɨ. Nye edwe osyɛl o mosa bam sikʉlʉ bɨkʉʉŋʉ, ó bé saʼ bɨmala. Nye enyiŋ be ó, bé deʼ tir a pa bàŋɔ é mpah bé ndɨ edwiibɨ ozyɛm bé a dɨ kpaʼ ɛ.

Mɨngwiha 2:14

Sa gwar, mɨ niʼe bɨn bɨbaa bɨ ebebe. Byé etiibe ó e motɨɨ bʉʉ bʉr o mbɛr Zyɛm win lé edu ɨ. Bé edu sikʉlʉ mo Balam. Nye ó waa a gomlo Balak é bebebebe zi, tɨe nye lé ekol ebɔʼ bwa b'Ɨzraɛl, bé óbɨm é mɨleme e. Ebe, nyɛɛ Balak a sa ó: nʉa tir a pa bàŋɔ é mpah bé ndɨ edwiibɨ ozyɛm bé a dɨ kpaʼ ɛ, ze timle nye bwa b'Ɨzraɛl. Bɛɛ ntɔʼ de nye, ze saŋɔ nteme bɨmala.

1 Timotɛ 6:17

Cyelɨ obil o bɨsa é mbi jɔʼ yiʼ mpene ó, bé l'ankɛɛ monyʉl. Mɨleme myɔɔ, myé l'ayi loŋlo e mbɛla é lɔb okum e l'ogbaa, sa ndɨ elaa mpʉ ngul mpaa ɛ. Bé jyɛʼɛ taa buʼo yɔɔ njɨ boo Zyɛm, waa lé epa dwe bɨna ga bɨsa byaa é ntuʼ-ntu-ntuʼ, lé egba bɨna ga bɨsʉhʉ é mɨleme e.

1 Timotɛ 6:10

ebe, kpɛl mɔn, yé ó etin e bɨsa bɨ ebebe bibyɛh. Bʉʉ bʉr o b'a taare buʼla Zyɛm ɨ, bé a si bi gwɨma ebi bɨmɔn, bé ntɔʼ gʉmla é bebebebe zi waa. Bɨ daʼre mɨtuu é buobuo é monyʉl mɔɔ.

1 Timotɛ 5:7

Lɛŋɨ be nteme ó, bé duʼo mɨlɔb mɨnɨ mimyɛh, é mbi ndɨ ó, bʉr, bé aŋa be e nkul etɛɛ be é yʉʉ sɔʼɔ.

Filipi 2:24

Da Yesʉs, nyi loŋlo leme wam e mbɛla ó, me ókpahbe ze gʉʼ bɨn ye.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Mɨlʉmlʉ 18:19

To kœb ó, titima yaa, yé a taare cyɛb ó, nkana Efɛɛz. Pol bé e sama cyen ye ze fulo tɨ. (Tɨʼ ɨ Efɛɛz ó Priska bé e Akilas, bé a ka liʼ ɨ.) Fula Pol a fulo tɨʼ ɨ, nye ze to é mpah mɨnjwɨʼla. Bé e l'oYʉden, bé ntɔʼ taare lé etimle mɨlɔb mo Zyɛm.

Mɨlʉmlʉ 18:21

No ó, é jɔʼ nye a mʉa é l'esama lɔɔ, to e, nye a lɛɛ ó: «ǃƗ Zyɛm si kpɛl nɛʼɛ, me óbula ze.» No ó nye a ze kable é yʉʉ titima ɨ Efɛɛz, ze tɨ cyen, ntɔʼ to pyal ɨ Sezare.

Rôm 15:26

ebe, obuʼla o bɨpeh bɨ si bɨ Masedwan ndwe e Akayi, bé a tiʼe é mɨleme ó, bé syɛŋ ó bɨmɔn lé egul mɨsaŋ mɨ bʉr mo Zyɛm mu é l'enteʼe ɨ Yerʉsalɛm ɨ.

Rôm 16:17

No ó, obɨɔ ga bam, me ejwɨʼla e bɨn ó nɛɛ: bɨn bé à di ncye é nko paʼ bʉr o b'a tɨ mɨlɛa mih é jɔʼ bɨh bé a dwe bɨn sikʉlʉ ɨ. Bé esa mpɔʼa monkɔm lé ekol obɨɔ bɔɔ ebɔʼ bé óbɨm é mɨleme e. Cɛra ga e be!

2 Korɛnt 11:4

Bɨn sa ó, bana kʉ dihbe ó, nuu mʉr ntaʼ, ze lɛɛ bɨn lɔɔ mo Yesʉs fih, Yesʉs yaa abe mʉr mpaŋla we bɨh bé a cen ɨ. Bɨn nteme bé é car lé emɛʼle sisim fih le guu lɔɔ fih, abe Sisim le Mbɨambɨa Lɔɔ bɨh bé a tuno e.

2 Timotɛ 1:18

Go ekʉ gʉa nteme mpʉ nye a sea e bʉr o Efɛɛz ɨ. Da Yesʉs saʼ ó, nye biʼe njwɨʼa-nkoo é mih me é dobo nye óbula ze e.