1 Timotɛ 1:16 - Kálara Zyɛ̌m Edwán é mpʉ̌n

¹⁶ Ebe no ó Zyɛm a jwɨʼ me nkoo e, ebe, me ó b'a bul sahle é nko paʼ esa mɨsyem. Yesʉs-Krɨst a taare lé elɛʼle mpuo bihbe we ó, é jɔʼ nye a dihbe me e. Yé ó dweʼle nye lé elɛʼle bʉr bɨbɛh bé ójyɛʼ taa buʼo yɔɔ boo nye é molu lé eze e. Bé ójyɛʼ taa buʼo yɔɔ boo nye, ntɔʼ bi tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

¹⁶ Me ó b'á jɨ́ʼɔɔ nkoó, ebě, me ó b'á bu sahle. Yésʉs-Krîst á taare elɛ̂ʼle mpuo bíhwó nyé ó, ɨ́ jɔʼ nyé á dûhwo me yɨ́. Yé ó mveʼle nyé dí elɛ̂ʼle bʉ̂r bɨ́bɛ̂h o ngá dyɛ̂ʼwo e né ɨ́ melû me dí enze má bá. Bé ódyɛ̂ʼwo e né, ntɔ̂ʼ bǐ twǐʼ njʉ̌m dǐ.

1 Timotɛ 1:16 ပူးပေါင်းရင်းမြစ်များ

1 Timotɛ 1:13

mɛm yɛɛ mʉr a pyeh-pyeh Zyɛm é molu pihe e, le etíile bʉr be, ndwe le ebul pyeh bʉr. Dam be ó, me a si kʉ sa no, Zyɛm a si bana jwɨʼ me nkoo, nyɛɛ lé egʉa ó, bɨsyɛɛla me a sa-sa ɛ, byé a kʉ duho-duho ó, é l'egʉʼla lam, ndwe e l'abuʼla wam.

Éfɛsɔs 2:7

Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Lʉkas 7:47

Ebe no, me elɛɛ go ó nɛɛ: é mpʉ nye ndɨ si lɛʼle mpwaʼ kpɛl no e, yé elɛʼle ó, Zyɛm, nyi pɛʼ nye bɨbaa bibyɛh nye a niʼe é lɔb mɨsyem mye e. Myé nteme, myé a be ó é bul buo! No ó, é jɔʼ Zyɛm lé epɛʼ bɨbaa bɨ ebebe ba bim ɨ, mʉr pɛʼɔ bɨbaa byaa ɛ, nye ókpɛl Zyɛm ó ba bim.»

2 Pyɛr 3:15

Cye yiyɛh bɨn dina lé ebee ó, Da Yesʉs, nye akpahbe ze e, dɨʼe lɛɛ ga é bɨjɔʼ byaa ó: «Nye é buo bihbe é nko paʼ bʉʉ osyɛl be ebebe é l'efu ó, nye dweʼ be tiʼ molu mo mpoʼ mɨmɛh.» É mbi waa ó mɨɔ kpɛl ga wina Pol a tile bɨn ɨ. Nye a tile no ó, é l'ocyoo Zyɛm a dwe nye e.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

1 Pyɛr 3:20

Molu pihe, bé a taare be-be ó, bʉr o pyeh, lé esa lɔɔ Zyɛm ebɨh. É til molu yaa, Zyɛm a bono-bono ó e bihbe, to pyal é jɔʼ Noe a sil kpaʼ ntwaŋ byɛl ɨ. É til molu yaa yiyɛh, yé a kʉ be ó njɨ ma dœh e bʉr, agum buo, njɨ bʉr mwom, ó b'a tiʼe é byɛl waa tʉŋlʉ ɨ. Bé a tiʼe ó, gumo bé a ngbaa dwè é modibe e.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Yʉanes 3:36

Mʉr lé ejyɛʼ taa buʼo ye boo mwan waa ɛ, nye ó ngo bi tiʼ molu mo mpoʼ mɨmɛh. No ó, waa ndɨ esa Mwan mo Zyɛm ebɨh ɨ, nye aŋa bi tiʼ molu mo mpoʼ mɨmɛh yaa, ebe, Zyɛm ókpaa empime e nye.»

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Mɨlʉmlʉ 13:39

Bʉr bɨbɛh ndɨ ejyɛʼ taa buʼo yɔɔ boo nye e, bé óbi mokebe é mih mo Zyɛm. Mʉr, nye epɛʼɔ bɨbaa bɨ ebebe bibyɛh, dam be byaa motie mo Moyiz, mé a baakoʼo epɛʼ ɛ.

Yʉanes 6:54

Mʉr nyiwɛh lé ede bɨpuno byam le ebɛble motié mam ɨ, nye ó ndɨ ebi tiʼ molu mo mpoʼ mɨmɛh. Me ópɛ̀h nye é foo é moho epihe, ntible-bɨkaŋa,

Yʉanes 6:40

ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

2 Tesalonika 1:10

Nye óze sa be no é dobo le etiʼ e mɨlɔb, é jɔʼ mɨsaŋ mɨ bʉr be, bé ódwe nye kum ɨ. Bʉr bɨbɛh bé óbe si jyɛʼ taa buʼo yɔɔ boo nye e, bé ójehe nye é l'epyal le. Bɨn nteme bé óbe ó tɨʼ é sama yaa, ebe, bɨn bé a si buʼla mboʼla wih.

Éfɛsɔs 1:12

Nye a kpɛl ó, bɨna dwiibɨ ga nye ebe mpwaʼ kum we, ebe, bɨna ga ó ndɨ bʉr o b'efoʼ nye a loŋlo mɨleme e mbɛla dumo e Krɨst ɨ.

Éfɛsɔs 1:6

Bɨna dwiibɨ ga nye ebe mocyɛʼ mo mpom we nye sʉ bɨna ga é zi Mwan kpɛl we e.

2 Korɛnt 4:1

É mpʉ yé ndɨ ó, Zyɛm, nyi jwɨʼ bɨh nkoo lé etimle bɨh syɛɛ yiʼ ɨ, bɨh bé adimle nkul é monyʉl.

Rôm 15:4

Sa yiyɛh ndɨ tila é Kalara Zyɛm ɨ, yé a tilɔ no ó, é l'efu ó, bɨna jwɨʼɨ ga bɨsikʉlʉ ndɨ tɨʼ ɨ. Kalara waa, nye egba bɨna ga nkul é monyʉl. Nkul waa, ndwe e bihbe bɨna lé ebi ga ɛ, byé esa ó, mɨleme ga mina, myé lwɨŋlɨ e mbɛla.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Lʉkas 23:43

Yesʉs, nye e nye ó: «Me elɛɛ go cyecye ó nɛɛ: é muh é dobo lɨ, bɨna e go bé ódi ɨ Paradis!»

Lʉkas 15:10

Me elɛɛ bɨn ó, jwɨʼ gwar yaa nteme ó bé lé esoho é mih beengles mo Zyɛm é jɔʼ syɛl mɨsyem ngwar ndɨ si gwɨma mobebe me, le edwir leme e.»

1 Korɛnt 7:25

É lɔb mɨloʼo dina apa be e motie ó, bé óbɛa ɛ, me abe e guu tiʼa Da Yesʉs a nʉa é wɔɔ paʼ. Dam be no, me elɛɛ yɛɛ ó, wam pɛhla é cye mʉr Da Yesʉs a jwɨʼ nkoo, waa ndɨ mʉr ebuʼla ɛ.