1 Tesalonika 2:3 - Kálara Zyɛ̌m Edwán é mpʉ̌n

³ É jɔʼ bɨh bé a baŋle bɨn ɨ, bɨh bé abe asyɛŋ mpaŋla waa e bɨgwìh, nkʉ e sa lé elœʼ mʉr é mih mo Zyɛm ɨ, nkʉ lé ecwɨɨ é mozi bɨkʉʉŋʉ.

Kálar Nzyɛ̌m : Ejwán é Sáá

³ Mpʉ bɨ́h dí edwe bɨ́n nkul ɨ́ nzɨ̌ Mbɨambɨa Lɔ́ɔ́ wé yɨ́, yé á bé abě gwǐh ɨ́ wɨ́h pâʼ. Yé á bé aduho ɨ́ lémé mpîr, nkʉ̂ ɨ́ mikóo mé nyʉ́ʉ́ mʉ̂r.

1 Tesalonika 2:3 ပူးပေါင်းရင်းမြစ်များ

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

2 Korɛnt 7:2

Saŋa ga zi ó, bɨn kpɛlɨ bɨh. Bɨh bé a baasa nuu mʉr ebebe. Bɨh bé a baagomlo nuu mʉr é bebebebe zi. Bɨh bé a baakpah nuu mʉr sɔʼɔ é zi bɨkʉʉŋʉ.

2 Korɛnt 4:5

Ebe, bɨh bé alɛɛ lɔɔ wih, bɨh bʉr o tɨ. Lɔɔ bɨh ndɨ elɛɛ ɛ, wé etiibe ó, e Da Yesʉs-Krɨst. No ó, é wih paʼ, bɨh bɛɛ ó ndɨ osyɛl o mosa bɨn é l'efu mo Yesʉs.

2 Pyɛr 1:16

Bɨh ó b'a sa ó, bɨn gʉŋa mpʉ Tî ga wina Yesʉs-Krɨst a nyin e buobuo nkul ɨ. Yé a baabe ebe pɨʼ bɨh bé a nʉa, duho é bɨkɨkɛna bɨ mpʉl ɨ. Sa yé a sa ó, bɨh lɛʼla bɨn no e, yé a be ó bɨh bé a si bee mpwaʼ we e mih mɨh.

2 Tesalonika 2:11

Ebe no ó Zyɛm óze sa ó, bé buʼla bɨkʉʉŋʉ ndɨ é bul nyan ɨ. Nye a sa no ó, bé buʼla mɨlɔɔ mɨ mpʉl.

1 Tesalonika 2:11

Bɨn bé ekʉ gʉa nteme ó, bɨh bé a si cwɨa e mʉr nyiwɛh é l'esama lɨn mpʉ sɔŋ lé ecwɨa e bwan be e.

2 Korɛnt 11:13

Mɨmbi mɨ bʉr myaa, myé ó mɨmpʉmpʉl mɨlʉmlʉ, osyɛl o mosa o bɨkʉʉŋʉ. Bé eliŋ bé bʉr o tɨʼ mɨlʉmlʉ mo Krɨst.

Mɨlʉmlʉ 4:36

Nuu mʉr a sa no e, a be die ó Yoseb, mʉr eveh mo Levi, waa a byɛl Siprʉs ɨ. Mɨlʉmlʉ, myé a ka jwɨr nye lʉʉ die ó, Barnabas. (No yé edwirɔ ó: «Mʉr lé egba bʉr nkul é monyʉl ɨ».)

Mɨlʉmlʉ 13:15

É jɔʼ ojwɨɨ o mpah mɨnjwɨʼla waa, bé a láa motie mo Moyiz ndwe e sikʉlʉ ogwiha o mɨlɔb bé a dwe e, bé ze jebe be, ze lɛɔ e be ó: «Obɨɔ ga! Yé be ó, nuu mʉr é sama yin, nye e mokan mo egba bɨh nkul é monyʉl nɛʼɛ, nye óbɛm lɛɛ bɨh ma é banana.»

2 Korɛnt 6:8

Bɨh bé elɛʼle bɨn bɨdweʼle bɨ cye lʉmlʉ yih ó: é jɔʼ bé lé edwiibɨ bɨh, nkʉ sa bɨh pyeh e, é jɔʼ bé lé efœʼ bɨh nkʉ gumlo bɨh ɨ, é jɔʼ bé lé enʉa bɨh mpʉ mɨmpʉmpʉl, bɨh bɛɛ yɛɛ lé elɛɛ ocyecye e,