1 Pyɛr 5:9 - Kálara Zyɛ̌m Edwán é mpʉ̌n

⁹ Saʼ ga nye mongan lé ecyɛb é nkʉʼʉ é buʼo ga yina. Bɨn bé à gʉa ó, obuʼla ndɨ é si nwaʼ nyiwɛh ɛ, bé edihbe mbi tuu ngwar waa.

Kálar Nzyɛ̌m : Ejwán é Sáá

⁹ Dyɛ́ʼwáá gá e Nzyɛ̌m. Lwímláá gá e Sátan. Bɨ̌n e gʉ́á ó, bɨ́ɔɔ́ gá bɨ́ná dí ɨ́ sí yɨ̂ʼ yɨ́yɛ̂h bá, bé lɨ́ edûhwǒ mbǐ túú ngwár waá.

1 Pyɛr 5:9 ပူးပေါင်းရင်းမြစ်များ

Jacques 4:7

Ebe no, filɨ ga monyʉl si é mih mo Zyɛm. Saʼ ga Njwɨɨ moleme mongan. Nye ókpɛɛ bɨn.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

1 Pyɛr 2:21

Zyɛm a jebe bɨn ó, bɨn saʼ nye syɛɛla yaa, ebe, Krɨst nye mʉr tɨʼ a si sia e mɨtuu é l'efu e nyɔm win. Nye a lɛʼle bɨn tɨʼ ó, dweʼle bɨn lé ejala le edu ɨ. Nye a sa no ó, bɨn nkʉʼ du mobò me. Yé ó tila ó:

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

2 Timotɛ 3:12

Mʉr nyiwɛh lé ekpɛl dwiibɨ Zyɛm, waa ndɨ é zyɛŋa wɔɔ boo Yesʉs-Krɨst ɨ, nye ótíilɔ.

Éfɛsɔs 6:16

Buʼo yin, yé diʼe tɔɔ nkuo dɔm lé etwin mokʉa mo dɔm mo Bɨbla-mʉr, le edime mɨnjʉl mɨ siʼe mɨ tɨ.

1 Pyɛr 3:14

ǃBɨn si sia yɛɛ e mɨtuu ebe mɨmpaŋ bɨsyɛɛla bɨn lé esa nɛʼɛ, Zyɛm ósʉ bɨn mocyɛʼ mo mpom tɨ. Ajoʼo ga bʉa e bʉr. Mɨleme beʼ l'akolo bɨn tɨ.

Ebrœ̂ 11:33

É zi buʼo yɔɔ ó bé a lwimla e mɨlal mɨfih, bana ntaa mye e. Bé a si tiʼe bʉr mɨlɔb é l'ocɨcyel é zi buʼo yɔɔ. Bé a si bi nkɛʼ mo Zyɛm é zi buʼo yɔɔ. Bé a pɨr mɨngbampwɨɨ mɨnʉm nteme ó, é zi buʼo yɔɔ.

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

1 Tesalonika 3:3

Mpʉ bʉr mu lé edwe bɨn mɨtuu e mɨndɛl é bananaʼ ɛ, bɨh bé a lomo nye ó, bɨn beʼ l'adimle buʼo, duho tɨ. Bɨn bʉr o tɨ, bɨn bé egʉa ó, bɨntɨʼa bɨnɨ, byé ó sa Zyɛm a bɛa tiile é leme we ó, nye ókab bɨna ga ɛ.

Éfɛsɔs 4:27

Mʉr beʼ l'anee Njwɨɨ moleme zi é nye mʉr tɨ.

Mɨngwiha 6:11

No ó nye a nʉa bɨdur é pumo-pumo, bœr bɨbɛh, le elɛɛ e be ó, bé dihba ba titia, to pyal é jɔʼ bɨɔ bɔɔ ndɨ é l'empomo e syɛɛ egwar ɨ, bé taara jʉŋɔ nteme mpʉ be. Ebe no ó bé e boo nɔɔ, bé ósa sama ntinɨ ɨ.

1 Pyɛr 4:13

Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

1 Pyɛr 1:6

Bɨn mu ó lé ekʉ bul soho sa yaa é banana, bɨn yɛɛ lé elɛŋ ba ma jɔʼ lé ebɔma e mɨmbi mobʉbla mimyɛh. Myé ó sa ndɨ eliʼe bɨn é gœʼra-gœʼra e mocyɛʼ mo nyʉl ɨ.

Kolosi 2:5

Yé cyecye ó, me ó é ncɛra e bɨn é nko paʼ nyʉl bɨpuno. No ó, é nko paʼ sisim, me yɛɛ ó kunokuno e bɨn. Me ó kʉ be é l'esama lɨn tʉŋlʉ, lé esoho lé ebee mpʉ bɨn dina lé ecyɛb é nkʉʼʉ ɨ. Me esoho nteme lé ebee mpʉ bɨn lé ejyɛʼ taa buʼo yin boo Krɨst ɨ.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Mɨngwiha 7:14

Me e nye ó: «Da, gwɔɔ ó lé egʉa.» No ó nye a lɛɛ me ó: «Bʉr ba, bé ó baa b'a sia e ntɨʼa nɨnɨ pihe e. Bɨ sohlo bɨdur byɔɔ e motié mo Ma Ntœme. Ebe no ó mɨkan myɔɔ ndɨ é puum ɨ.

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

2 Timotɛ 4:7

Mɨ fwɛmla, tɛl mbɨmbɨa. Mɨ sa jwɨʼla mɨkam mokʉ, to pyal é l'odumo. Mɨ jyɛʼ taa buʼo yam boo Zyɛm, kʉ be mpʉ buʼo yina lé elɛɛ ɛ.

Ebrœ̂ 12:8

Zyɛm, nye eturo-turo bwan be bɨbɛh mɨlʉ ó no. Yé be ó, nye aturo bɨn mɨlʉ nɛʼɛ, lɛɛ ó, bɨn bé abe bwan be. Bɨn bé ó njɨ bwan ndɨ agʉa osɔŋ ɨ.