1 Pyɛr 5:8 - Kálara Zyɛ̌m Edwán é mpʉ̌n

⁸ Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

Kálar Nzyɛ̌m : Ejwán é Sáá

⁸ Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

1 Pyɛr 5:8 ပူးပေါင်းရင်းမြစ်များ

Éfɛsɔs 6:11

Biʼe ga mokʉa mo dɔm mɨmɛh Zyɛm lé elulo bɨn ɨ, é mbi ndɨ ó, é jɔʼ Njwɨɨ moleme óze bɛŋ bɨn ɨ, bɨn cyɛba é nkʉʼʉ, nyɛɛ l'antaa bɨn é pɨʼ.

Jacques 4:7

Ebe no, filɨ ga monyʉl si é mih mo Zyɛm. Saʼ ga Njwɨɨ moleme mongan. Nye ókpɛɛ bɨn.

Éfɛsɔs 4:27

Mʉr beʼ l'anee Njwɨɨ moleme zi é nye mʉr tɨ.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Lʉkas 21:36

Diʼe ga nkehe. Jwɨʼla ga é jɔʼ yiyɛh, ó bɨn nkʉʼ syɛhle bɨsyɛɛla bɨ moho waa bibyɛh. Jwɨʼla ga nteme ó, bɨn nkʉʼ be e nkul ecyɛb é mih mo Mwan mo Mʉr.»

Lʉkas 22:31

Yesʉs ntɔʼ lɛɛ Pyɛr ó: «Simɔn, Simɔn! Paʼ bee: Satan, nyi gban bɨn! Nye elɛɛ ó, nye óboblo bɨn. Nye egwɨm syɛʼre bɨn mpʉ mʉma lé esyɛʼre fufu ble e.

Títos 2:12

Ncwɨncwɨa waa ó ndɨ edib bɨna ga zi egwɨma ebɨh é nko paʼ mo Zyɛm ndwe le ebene bɨgwɨma bɨ nyʉl bɨpuno, é l'efu le ekœʼ ebò e cyen lé ódwe bʉr mɨmpaŋ mɨpɛhla ɛ. Ebò e cyen laa, lé ó cɨcyel, le yaa ndɨ edu mpʉ Zyɛm lé ekpɛl ɨ, dam be é mbi jɔʼ yi.

Mɨngwiha 12:12

Ebe no, bɨn, bʉr o ndɨ é jobo kʉ ɨ, soha ga. A vwaʼ e bʉr o ndɨ é si ndwe e maŋ ɨ! Bé óbul tíile bɨn, ebe, Njwɨɨ moleme, nyi ze gʉʼ bɨn ye, nyɛɛ e l'empime é leme, ebe, nyi ka gʉa ó, jɔʼ ye, yi liʼ njɨ ba titia.»

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Mataos 13:39

Mʉr dɔm mo mʉr peme a ze bè bɨka ndɨ abe e mpi ɨ, nye ó Njwɨɨ moleme. Mya mɨngol wɛɛ, wé ó dweʼle, sa lé elɛʼle esie e mbi jɔʼ yiʼ ɨ. Bʉr ô ze é mɨngol ɨ, bɛɛ, bé ó beengles.

Mataos 24:42

Ebe no, diʼe ga nkehe, ebe, bɨn bé agʉa dobo Tî win óbula ze e.

Mɨngwiha 20:10

No ó, Njwɨɨ moleme, mʉr a kʉ gomlo bɨbɛh é bebebebe zi ɨ, nye ómɛrɔ, guhɔ é Bɨ-siʼe. Tɨʼ ó pir lé eduo, adime-dime e. Bé óguho nye ó, é gumo bé a taare guho tir nɨ bé e mpʉmpʉl ngwiha mɨlɔb ɨ. Bé ósia e siʼe yaa tɨ, moho e pum mɨcye, njʉmdia e njʉmdia.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Títos 1:8

Yé ejala ó, nye beʼ mʉr lé egʉa bɨlan e l'ojyoo e. Leme we, wé duʼo njɨ embɨa. Nye kœʼœ ebò e cyen é mpaŋ pɨʼ. Nye diʼe cɨcyel, e leme é sɔɔɔ é mih mo Zyɛm. Nye gʉŋa emɛr leme.

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.

Títos 2:6

Tɨa mɨsoho ó, myé gʉŋa nteme lé ekœʼ ebò e cyen é mpaŋ pɨʼ.

Títos 2:2

Lɛŋɨ otamabʉr o Mbɛr-Zyɛm ó, bé ajala le efwaʼ monwoʼ. Bé diʼe e modile, lé ekœʼ ebò e cyen é mpaŋ pɨʼ. Bé beʼ baa lé ejyɛʼ taa buʼo yɔɔ boo Zyɛm, du mpʉ mpaŋ sikʉlʉ bɨna lé ejwɨʼ ga ɛ, ndɨ ɨ. Bé diʼe bʉr o ndɨ ecwɨa e bʉʉ bʉr ɨ, e baa ndɨ é bihbe e.

1 Timotɛ 2:15

Nye óbi yɛɛ tiʼ molu mo mpoʼ mɨmɛh é l'ebya nye lé ebya ɛ, nkʉ nye ójyɛʼ taa buʼo ye boo Zyɛm, le ekpɛl bʉr, ndwe le ebaʼle bé bʉr o tɨʼ ti. Bé diʼe e pɨʼ é lɔb waa.

Mɨngwiha 20:2

Nye a si to mɛr kʉʼrʉ myɔɔ ndɨ e die Njwɨɨ moleme, nkʉ Satan ɨ. Engles waa ntɔʼ naʼ nye mobo é nyʉl, kaʼ nye e kʉkob. Nye ódi kɛʼa e kʉkob ó, tɔɔ tɔɔyin mɨmbu.

Títos 2:4

No ó bé ólɛʼle mosehe mo bʉba mpʉ mé kpɛlɨ ojʉm bɔɔ, ndwe e bwan bɔɔ ɛ.

1 Timotɛ 3:11

Bʉba bɔɔ nteme, bé ejala le ebe ó e modile, abe lé efœʼ bʉr. Bé ajala le efwaʼ monwoʼ. Bé ejala le ebe ó bʉr be ebuʼla é mɨpaʼ mimyɛh.

1 Timotɛ 2:9

Me ekpɛl nteme ó, bʉba bwara mompor mompa, lé efol ofwah wɔɔ. Bé diʼe e pɨʼ é lɔb waa. Bé ajala le ebe e mɨsine mɨ jaale, nkʉ e bɨnkoho bɨ gol mɨfwama é mpine, nkʉ e mɨkan le mɨndwe ndɨ é buo tɔɔ ɛ.

Mataos 4:1

Mbɨambɨa Sisim ntɔʼ to e Yesʉs é feha si. Nye a to e nye gʉʼ ó, Njwɨɨ moleme bobla nye.

1 Timotɛ 3:2

Ebe no, yé ejala ó, nye diʼe mʉr bé ndɨ abe e nkul etɛɛ ɛ. Yé ejala ó, nye diʼe njɨ e mʉma ngwar. Yé ajala ó, mbɔʼlʉ mbɛr Zyɛm, nye fwaʼa monwoʼ. Nye kœʼœ ebò e cyen é mpaŋ pɨʼ. Nye diʼe mʉr ndɨ e modile e. Nye diʼe mʉr lé ebɨlan e l'ojyoo, waa lé egʉa dwe bʉr sikʉlʉ ɨ,

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Mataos 4:11

Pie tɨʼ ó Njwɨɨ moleme a bir nye, laa ɛ. Beengles ze pyal, bé ntɔʼ taare lé esea e Yesʉs.

Markus 4:15

Maʼ mompœʼ, mé a kur ó, é nkpah mpaʼa, gumo lɔɔ waa, wé a kur ɨ, sa nɨ lé edweʼle bʉr o b'a joʼo lɔɔ Zyɛm ɨ. Satan ntɔʼ ze, ze dɛʼ mpœʼ yé a bèŋɔ be é mɨleme e.

2 Korɛnt 2:11

Bɨna sa ga no ó, Satan nkʉʼ be, akpah bɨna ga sɔʼɔ é zi bɨkʉʉŋʉ, ebe, bɨna bé ajeʼe ga mopɨʼ me.

Mɨngwiha 12:10

Pie tɨ, me a si joʼo bwaʼbwaʼ twii é jobo kʉ. Twii waa a lɛɛ kʉ kʉ ó: «Banana Zyɛm, nyi lɛʼle ó, tiʼ njʉmdia, le nkul, le jwɨɨ, byé ó bɨsa bye. Lœma mulo mo Zyɛm, nyi lɛʼle ó, nye ó ndɨ e nkul mojwɨ̀ʼa, ebe, bɨ fo waa a nwahle obuʼla jɔʼ yiyɛh é mih mo Zyɛm moho e pum ɨ. Bɨ guho nye si!