1 Pyɛr 5:5 - Kálara Zyɛ̌m Edwán é mpʉ̌n

⁵ Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

Kálar Nzyɛ̌m : Ejwán é Sáá

⁵ Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

1 Pyɛr 5:5 ပူးပေါင်းရင်းမြစ်များ

Jacques 4:6

To kœb ó, Zyɛm, nye esʉ bɨna ga mocyɛʼ mo mpom é buobuo. Yé ó mpʉ yé ndɨ tila é Kalara Zyɛm ɨ. Yé ó tila ó: «Zyɛm, nye esa bʉr o ndɨ enkɛɛ monyʉl ɨ, mongan. Baa lé efil monyʉl si e nye e, bɛɛ, nye esʉ be mocyɛʼ mo mpom.»

Éfɛsɔs 5:21

Filɨ ga monyʉl si paʼra win, ebe, bɨn bé edwaabe Krɨst.

Rôm 12:10

Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

Rôm 13:14

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

1 Pyɛr 4:5

Bé ófuʼla kar mɨlɔb myɔɔ é l'empom e dia tiʼà mɨlɔb mo Zyɛm. Jɔʼ nye óze tiʼe mɨkubla le odwè mɨlɔb ɨ, yé mu ó kunokuno le epyal.

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

1 Pyɛr 4:1

Ebe no ó Krɨst a sia e mɨtuu é nko paʼ nyʉl ɨ. Bɨn bɛɛ, bé ejala le ebɛa bi mbi pɛhla ngwar we, ebe, mʉr mu si sia e mɨtuu é bɨpuno bye e, nyi gwaʼ lé eka sa syem.

Lʉkas 22:26

Sa gwar, paʼra win, mʉr lé elaa bɨn bɨbɛh ɛ, nye abe no. Laa ó, nye lɛʼla mpel, nye fuo di yɛɛ ó mpʉ mancyom. Bʉr o ndɨ ejwɨʼ bɨn ɨ, bé ejala le enyin mpʉ baa lé esea e bʉʉ ɨ.

1 Timotɛ 5:1

ǃGo si kœb ó, tamamʉr, nyi sa gwìh nɛʼɛ, anyamle lɨl twii é jɔʼ go lé elɛʼle nye bɨgwìh nye sa ɛ. Go ejala le etɨe nye mpʉ sa cɨŋɔ ó, nye ó sɔŋ go e. É nko paʼ dor lo, tɨa be mpʉ sa cɨŋɔ ó, bɨbɛh, bé ó bɨɔ bo.

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.