1 Pyɛr 5:4 - Kálara Zyɛ̌m Edwán é mpʉ̌n

⁴ É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

Kálar Nzyɛ̌m : Ejwán é Sáá

⁴ Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

1 Pyɛr 5:4 ပူးပေါင်းရင်းမြစ်များ

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

1 Korɛnt 9:25

Bʉr o ndɨ efwɛmla ɛ, bé emɛr mɨleme é mɨlɔb é buobuo é l'efu ó, bé ntaŋa, bœrɔ mopʉʼlʉ ndɨ elaa mpʉ ngul mpaa ɛ. No ó, bɨna bɛɛ, bé esaa ga ó, bɨna biʼe ga myɛna mé ódi njʉmdia e njʉmdia ɛ.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

1 Pyɛr 1:4

Nye a bya bɨna ga jɔʼ mba nteme ó, é l'efu le edwe bɨna ga tiʼ molu mo mpoʼ mɨmɛh mu koma é jobo kʉ ɨ. Sa ndɨ koma é l'efu lɨn ɨ, yé aŋa bo, nkʉ lœʼ mʉr é mih mo Zyɛm, nkʉ kuna.

Mɨngwiha 3:11

Me mu ó kunokuno le eze. Mɛrɨ ga sa bɨn ndɨ e ye e, é kpɨɨɨ, ebe, nuu mʉr amu jaa kpah mopʉʼlʉ bɨn lé ejala le ebwar ɨ.”

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

1 Pyɛr 2:25

ebe, bɨn bé a be-be ó, mpʉ bɨntœme byé a pɔhba ɛ. No ó, banana, bɨn bɨ ze fiʼ, to kœb Kobla bɨntœme. Nye nteme ó ndɨ Mbɔʼlʉ mɨsisim min.

1 Pyɛr 5:2

Kobla ga daa e bɨntœme Zyɛm a timle bɨn ɨ, abe e moyemla nkʉ tina, njɨ ebe, mʉr tɨʼ, nye ekʉ gbaa. Saʼ ga no é pɛhla ó, bɨn bé esea ó Zyɛm syɛɛ. Mʉr beʼ l'abaʼle bʉr o Mbɛr-Zyɛm ebe bɨgwɨma bɨ ebi bɨsa tɨ. Nye saʼ no ebe mbɨambɨa gwɨma leme we.

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!

Yʉanes 10:11

«Me ó mpaŋ kobla bɨntœme. Mpaŋ kobla bɨntœme, nye edwe tiʼ ye é ziila e bɨntœme bye.