1 Pyɛr 5:3 - Kálara Zyɛ̌m Edwán é mpʉ̌n

³ Alɛʼle bʉr o b'a timlɔ bɨn ɨ, mpel é bebebebe. Dɨʼe kœʼ ga e be mpʉ yé lé ejala e be e.

Kálar Nzyɛ̌m : Ejwán é Sáá

³ Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

1 Pyɛr 5:3 ပူးပေါင်းရင်းမြစ်များ

2 Tesalonika 3:9

Dam be no, bɨh bé ó e nkul mojwɨ̀ʼa ndɨ ó, bɨh biʼe bɨsa bin, de. Byé ó dɔɔ. Sa gwar, bɨh bé a be ó lé ekpɛl lɛʼle bɨn mpaŋ ebò e cyen, laa bɨn bé a jala le ekœʼ œ.

Filipi 3:17

Obɨɔ ga bam aa! Nʉŋa ga dweʼle tiʼ yam mpʉ bʉʉ bʉr mu lé esa ɛ. Bɨh bɨ lɛʼle bɨn ebò e cyen tɔɔ dweʼle. No ó, bɨʼɨ ga mih mɨn é bʉr o ndɨ ekœʼ ebò e cyen laa ɛ.

2 Korɛnt 1:24

Bɨh bé alɛʼle bɨn mpel é nko paʼ buʼo. Bɨna ga bé ó é l'empomo e syɛɛ egwar é l'efu ó, bɨn soha é buobuo. Taa buʼo bɨn bé a jyɛʼ boo Zyɛm ɨ, yé ó ndɨ esa ó, bɨn cyɛba é nkʉʼʉ.

Títos 2:7

Kœʼœ ebò e cyen empa, lé esa mɨmpaŋ bɨsyɛɛla é buobuo. Sikʉlʉ yo, yé beʼ l'abe mbaʼra e bɨkʉʉŋʉ, ó bʉr beŋɨ go nteme e modile.

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Filipi 4:9

Duʼo ga sikʉlʉ bɨn bé a jwɨʼ boo me e. Duʼo ga mɨlɔb mimyɛh bɨn bé a joʼo me lé elɛɛ, myaa bɨn mu lé emɛʼle e. Ebò e cyen bɨn bé a bee me lé ekœʼ œ, kœʼœ ga le. Zyɛm, waa lé egba bɨna ga motala é mɨleme e, nye ódi é bɨn.

2 Korɛnt 4:5

Ebe, bɨh bé alɛɛ lɔɔ wih, bɨh bʉr o tɨ. Lɔɔ bɨh ndɨ elɛɛ ɛ, wé etiibe ó, e Da Yesʉs-Krɨst. No ó, é wih paʼ, bɨh bɛɛ ó ndɨ osyɛl o mosa bɨn é l'efu mo Yesʉs.

1 Korɛnt 11:11

Sa ndɨ tɨʼ yé ó, Da a si tiile etie ó, bʉba e bʉrʉm, bé ejala le enwɨɨla tiʼ paʼra wɔɔ; nuu mʉr tɨʼ l'adi e tiʼ é nye mʉr tɨ.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

1 Korɛnt 3:9

Ebe, bɨh e Zyɛm ó ndɨ é l'empomo e syɛɛ egwar. No ó, bɨn bɛɛ ó ndɨ peme mo Zyɛm. Bɨn nteme, bé ó mbɛr mo Zyɛm.

1 Korɛnt 3:5

Zé nyɛɛ ndɨ Apolos? Zé ndɨ Pol? Bɨh bé ó ofuʼa bɨn, bʉr o b'a be bɨn e nyɔm ó, bɨn jyɛʼɛ taa buʼo yin boo Krɨst ɨ. Mʉr nyiwɛh, nye esa ó, syɛɛ-Zyɛm Da Yesʉs a lomo nye ó, nye saʼ ɛ.

Yʉanes 13:15

Me edwe bɨn ó, dweʼle, ó bɨn nteme nkʉʼ dɨ sa mpʉ me sa bɨn ɨ.

1 Tesalonika 1:7

Ebe no ó obuʼla bɨbɛh ndɨ é mɨlal mɨ Masedwan ndwe e Akayi ɨ, bé mu ó lé egwɨm ó, mpa bé mu nteme ó lé enʉa dweʼle bɨtiʼ bin.