1 Pyɛr 5:2 - Kálara Zyɛ̌m Edwán é mpʉ̌n

² Kobla ga daa e bɨntœme Zyɛm a timle bɨn ɨ, abe e moyemla nkʉ tina, njɨ ebe, mʉr tɨʼ, nye ekʉ gbaa. Saʼ ga no é pɛhla ó, bɨn bé esea ó Zyɛm syɛɛ. Mʉr beʼ l'abaʼle bʉr o Mbɛr-Zyɛm ebe bɨgwɨma bɨ ebi bɨsa tɨ. Nye saʼ no ebe mbɨambɨa gwɨma leme we.

Kálar Nzyɛ̌m : Ejwán é Sáá

² Baʼlaa gá daa e bínteme mé Nzyɛ̌m nyé á tímle bɨ̌n lɨ́. Kʉ́ gwá pála gá Mbɛ̌r-Nzyɛ̌m, abe yɨ́ɛ mpʉ̌ sá lɛ́ɛ́, bɨ̌n bé ó lɨ́ bi ó, bɨ̌n séaa syɛ́ɛ́ yaá. Kamaa gá syɛ́ɛ́ mpɔ̂ʼlʉ yɨ́n ɨ́ lɔ̌b gwɨ́má mílémé mín. Séáá gá nó e jwɨʼ ó, bɨ̌n séá ó Nzyɛ̌m syɛ́ɛ́. Mʉ̌r sá abaʼlě Mbɛ̌r-Nzyɛ̌m lɨ́ esú lé élóŋlo bígwɨ́má bímɔnɨ́ ɨ́ menzɨ̌ me dí onzyɛ́h ónzyɛ́h má. Nye sâʼ nó ɨ́ gwɨ́má lémé wé.

1 Pyɛr 5:2 ပူးပေါင်းရင်းမြစ်များ

Títos 1:7

Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

1 Timotɛ 3:8

Jwɨʼ gwar e gwar yaa nteme, odiakɔn, bé ejala le etiʼe é modile, abe e l'alwiblwib. Bé ajala le elɔʼba é monwoʼ, nkʉ saa bɨmɔn byɔɔ é mozi ndɨ ozyɛhozyɛh ɛ.

Títos 3:1

Jɨmɨ bʉr bɨtoŋla é mɨlɔb mi: bé filɨ monyʉl mɔɔ si é mih mo bʉr o ndɨ e nkul mojwɨ̀ʼa ɛ. Bé saʼ be mojoʼo. Mɨleme, myé diʼe be é ntɨɨɨŋ ó, bé sa ó be bɨsyɛɛla bɨ ncwɨncwɨa mɨmbi mimyɛh.

1 Timotɛ 3:3

abe nunwoʼ, nkʉ mʉr ndɨ é feha ɛ. Nye ejala le ebe ó é tala njwɨr. Nye abe mʉr bɨtom. Nye alaʼ lʉ é kpɛl mɔn.

1 Korɛnt 9:7

Wáa mʉr bɨzima ndɨ esea syɛɛ bɨzima, nyɛɛ lé ejɛna nye mʉr tɨʼ mɔn ngɔn ɨ? Wáa mbèl motin mo orezɛŋ ndɨ ebè peme, ntɔʼ tìne mpumo ndɨ eka cyèl é motin maa ɛ? Wáa mʉr ndɨ ekoblo daa e bɨntœme mo nuu mʉr, ndɨ anʉa modibe monyaŋ, de me e? Yé abe e mʉr!

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

Ebrœ̂ 12:15

Diʼe ga ncye, ó mʉr ayi fib nkɔb é leme ncwɨncwɨa mo Zyɛm. Kaale lɨ ndɨ é dwie dwie e, bɨntoʼdu, byé amu pah, lé eduho tɨ. Byé óka lœʼ buobuo bʉr é mih mo Zyɛm.

Títos 1:11

Yé ekʉ jala ó, go dibla be mɨnʉm. Bé egomlo mɨmbɛr mɨ bʉr é bebebebe zi, ndwe le eyeʼle sa ndɨ ajala ɛ. Bé esa no ó, é l'efu ó, bé biʼe myɛna ndɨ ambɨa ɛ, é zi sikʉlʉ yaa. Yé é bul sa yɛɛ fwon lé ebi myɛna no!

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Filemɔŋ 1:14

Sa gwar, me agwɨm sa no, to pyal é jɔʼ go mʉr tɨʼ ómɛʼle e. Me akpɛl yɨm go e nkul ó, go saʼ me embɨa laa. Me ekʉ ka gwɨm sɔʼɔ ó njɨ go kɛmɨ me ebe kpɛl yo.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Rôm 1:15

Ebe no, me egwɨm ó, me lɛŋɨ nteme we bɨn ye, bɨn bʉr o Rom.

Mɨlʉmlʉ 21:13

Nye a bɨha ó: «Ebe yé bɨn lé ejɨ, le esaa ó, me tʉlɨ e l'edwe ɛ? Ebe, é nko paʼ wam, mɨ mɛʼle sa yaa yiyɛh, abe njɨ ekaʼɔ monkara. Me ó é car ó, me dwèʼ ɨ Yerʉsalɛm é l'efu e die mo Da Yesʉs.»

Mɨlʉmlʉ 20:29

Me egʉa ó, é jɔʼ me óbe si laa ɛ, bʉr lé enwɨɨla e l'otir o monyan ɨ, bé ópyal-pyal gumo bɨn ndɨ ɨ. Bé aŋa pɨm daa e bɨntœme mo Zyɛm l'asaŋɔ bye ebebe.