1 Pyɛr 5:13 - Kálara Zyɛ̌m Edwán é mpʉ̌n

¹³ Mbɛr Zyɛm ndɨ ɨ Babilɔn, waa Zyɛm a pɛh mpʉ nye a pa pɛh bɨn ɨ, wé esoho bɨn bɨbɛh. Mwan wam Markus, nye esoho bɨn.

Kálar Nzyɛ̌m : Ejwán é Sáá

¹³ Mbɛ̌r-Nzyɛ̌m dí ɨ́ Babilɔ̂n, waá Nzyɛ̌m á twâr mpʉ nyé á pa twâr bɨ̌n yɨ́ wɨ́, wé lɨ́ esoho bɨ́n bɨ́bɛ̂h. Mwân wǎm, Marc, nye lɨ́ esoho bɨ́n.

1 Pyɛr 5:13 ပူးပေါင်းရင်းမြစ်များ

Mɨlʉmlʉ 12:12

É jɔʼ nye a gʉa no e, nye ze to mbɛr mo Maaria, nyɔŋ mo Yʉanes, waa ndɨ e lʉʉ die ó, Markus ɨ. Ɨ tɨʼ ó bʉr é buobuo, bé a gwɨhla, lé ejwɨʼla e Zyɛm ɨ.

Mɨlʉmlʉ 12:25

Jɔʼ Barnabas bé e Sol, bé a sil to gul obuʼla o Yerʉsalɛm ɨ, bé ze bula, bé e Yʉanes, waa ndɨ e lʉʉ die ó, Markus ɨ.

Mɨngwiha 18:2

Nye a si lwib lé eyɨm twii ó: «Babilɔn, nkana nɨnɨ, yi duma ɔɔ! Yé mu ó gumo moleme lé edi yi ɔɔ, gumo bɨbɨbla mɨsisim ndɨ edi yi ɔɔ, yaa ndɨ é l'efu e bɨnɔn ndɨ é lwaʼbe, byaa bé lé ebul nwim bi ɔɔ!

Mɨngwiha 17:5

Nye nteme a be ó e die le nye mʉr tɨʼ cɨma ɨ nceʼe ye. Die laa, lé a be ó é lwib odim. Lé a be ó: Babilɔn, Nkana ebeɔ! Nyɔŋ a bya mɨmbambama mimyɛh ɛ! Mʉma a kuhlo sa ndɨ é lwaʼbe yiyɛh Zyɛm lé ebene e!

2 Yʉanes 1:13

Bwan mo mɨɔ go, bʉr o Zyɛm a pɛh ɛ, bé nteme, bé esoho go.

Mɨlʉmlʉ 15:37

Barnabas nyɛɛ a be e gwɨma ó, bé toʼ é cyen yaa e Yʉanes, waa ndɨ e lʉʉ die ó, Markus ɨ.

Mɨlʉmlʉ 15:39

No ó bé a ze bul gœa é gœa gœa, ze bɔʼa mosama, nwaʼ aka syɛŋa zi ngwar e nuu. É mpʉ bé a sa no e, Barnabas a ze nʉa Markus, bé e nɔɔ ze toŋɔ Siprʉs.

Kolosi 4:10

Aristarkus, mʉr nwan yam ndɨ é mbʉʼ wâʼ ɛ, nye esoho bɨn. Markus, mɨɔ mo Barnabas, nye esoho bɨn nteme—bɨn mu ó si bɛa bi kalara me a tile, tiibe e nye e. ǃNye si ze gʉʼ bɨn ye nɛʼɛ, bɨn bé à gʉa bɨlan e nye.

Filemɔŋ 1:24

Markus bé e Aristarkus e Demas ndwe e Lʉkas nteme, bé esoho go. Bɨbɛh, bé ó bʉr o nwan yam bɨh e boo nɔɔ ndɨ é l'empomo e syɛɛ egwar ɨ.

2 Yʉanes 1:1

Mɛm, cyɛb efoʼ Mbɛr-Zyɛm ó lé etile bɨn. Me etile ó, tamamʉma Zyɛm a pɛh ɛ, bé e bwan be. Me ekpɛl bɨn é l'ocyecye. Ntʉʼ me ome lé ekpɛl bɨn; yé nteme, yé ó bɨh e bʉr bɨbɛh ndɨ ekpɛl ocyecye e.