1 Pyɛr 5:12 - Kálara Zyɛ̌m Edwán é mpʉ̌n

¹² Bɨh e Silas ó lé etile bɨn kalara nwaʼ titia mpʉ. Mbea wam, wé ó, nye ó mbuʼla ndɨ mʉr ebuʼla ɛ. Me etile bɨn ó e gwɨma egba bɨn nkul é monyʉl. Me eboʼlo nteme ó, buʼo bɨn mu e ye e, yé ó mpʉ Zyɛm lé elɛʼle ncwɨncwɨa ɛ. Cyɛba ga é nkʉʼʉ é ncwɨncwɨa waa.

Kálar Nzyɛ̌m : Ejwán é Sáá

¹² Bɨ̌h e Silâs ó dí ecɛma bɨ́n bwá mékaná mâ. Mɛ̌m bee ó, nye me ó mʉr ebúʼlɔɔ. Mě cɛmá bɨ́n ó e gwɨ́má égbâ bɨ́n nkul ɨ́ miléme. Mě boʼlo ntémé ó, mpam bɨ́n mû lɨ́ ebi ɨ́ nzɨ̌ mé Yésʉs nyɨ́, nye ó mpam mpâ mé Nzyɛ̌m.

1 Pyɛr 5:12 ပူးပေါင်းရင်းမြစ်များ

Ebrœ̂ 13:22

Obɨɔ ga bam aa! Me etile bɨn ó, me gbaʼ bɨn nkul é monyʉl. Me etile ó, bwa mokan abuo. No ó, me ejwɨʼla e bɨn ó, bɨn dihba mokan maa lé ejoʼo!

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

2 Korɛnt 1:19

ebe, Mwan mo Zyɛm—no yé ó Yesʉs-Krɨst—a baabe lé elɛɛ ó «Eee!» ndwe e «Hɨʼɨ!» Lwib ye, yé a bɛa be ó njɨ «Eee!» Nye ó mʉr mpaŋla we bɨh e Silas ndwe e Timote bé a cen bɨn ɨ.

1 Korɛnt 15:1

Obɨɔ ga bam aa! Me mu ó lé eze jɨm bɨtoŋla bin é nko paʼ Mbɨambɨa Lɔɔ me a tuno bɨn, waa bɨn bé a joʼo e. Wé nteme, wé ó waa ndɨ bɨn cɨma é mɨleme e.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

2 Tesalonika 1:1

Mɛm Pol ó lé etile bɨn kalara nwa, bɨh e Silas, ndwe e Timote. Bɨh bé etile ó, bʉr o mbɛr Zyɛm ndɨ ɨ Tesalonika ɛ. Bɨn bé ó baa mo Zyɛm Sɔŋ bé e Da Yesʉs-Krɨst.

1 Tesalonika 1:1

Mɛm Pol ó lé etile bɨn kalara nwa, bɨh e Silas ndwe e Timote. Bɨh bé etile ó, bʉr o mbɛr Zyɛm ndɨ ɨ Tesalonika ɛ. Bɨn bé ó baa mo Zyɛm Sɔŋ bé e Da Yesʉs-Krɨst. Mocyɛʼ mo mpom le motala, mé swɨŋɨ é bɨn.

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

3 Yʉanes 1:12

Bʉr bɨbɛh, bé eboʼlo, tiibe e Demetrios ó, nye ekʉ gʉa sa. Ocyecye wé mʉr tɨ, ndwe e mboʼla bɨh bɛɛ lé eboʼlo e, byé ó lé eboʼlo, tiibe e nye. Go egʉa ó, mboʼla wih, wé ó cyecye.

2 Pyɛr 2:15

Bé a si liʼe cɨcyel zi, gʉmla é bebebebe zi, ntɔʼ dim lé edu zi mo Balam, mwan mo Bosɔr. Nye ó b'a kpɛl myɛna nye a bi pie bɨsyɛɛla bɨ ozyɛhozyɛh nye a dɨ sa ɛ.

2 Pyɛr 1:12

Me egʉa ó, bɨn mu ó lé egʉa mɨlɔb mɨ ocyecye mɨnɨ. Me egʉa nteme ó, myé ó ndɨ esa ó, bɨn cyɛba é nkʉʼʉ, apɨŋla. Me dam gʉa no, me ódɨ jɨm bɨn bɨtoŋla bɨ tɨʼ é jɔʼ yiyɛh.

Kolosi 4:9

Me ebuulo nteme Onezimos, ndɨ mɨɔ kpɛl ga wina le mʉr ebuʼla ɛ. Nye ó mʉr a taare duho bɨn ye, ze kaʼ ɛ. Bé ótaŋle bɨn sa yiyɛh lé esyɛɛlɨ kaʼ ɛ.

Kolosi 4:7

Bɨsa bibyɛh lé etiibe e me e, Tisikos óka lɛɛ bɨn bya, nyɛɛ mʉr ndɨ mɨɔ kpɛl ga wina, le syɛl mosa mo Da Yesʉs ɨ. Nye ó mʉr ebuʼla, nye nteme mʉr bɨh e nɔɔ ndɨ é l'empomo e syɛɛ egwar ɨ.

Kolosi 1:7

Lɔɔ waa, wé ó bɨn bé a joʼo boo Epafras ɨ. Nye ó mɨɔ kpɛl wih, mʉr bɨh e boo nɔɔ ndɨ é l'empomo e syɛɛ egwar ɨ. Nye ó syɛl mosa Krɨst a ntɨh bɨn, waa ndɨ mʉr ebuʼla ɛ.

Éfɛsɔs 6:21

Mɨɔ kpɛl ga wina Tisikos, ndɨ syɛl mosa é zyɛŋa wɔɔ boo Da Yesʉs ɨ, nye nteme mʉr ebuʼla. Nye ólɛɛ bɨn sa yiyɛh lé etiibe e me e, le é lɔb syɛɛ me mu lé esea ɛ.

Éfɛsɔs 3:3

Nye a be ó si gwih me lwib odim ye ó, me gʉŋa ye, mpʉ bɨn mu lé ebee é zi bwa mokan me mu si tile bɨn ma.

2 Korɛnt 1:24

Bɨh bé alɛʼle bɨn mpel é nko paʼ buʼo. Bɨna ga bé ó é l'empomo e syɛɛ egwar é l'efu ó, bɨn soha é buobuo. Taa buʼo bɨn bé a jyɛʼ boo Zyɛm ɨ, yé ó ndɨ esa ó, bɨn cyɛba é nkʉʼʉ.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Yʉanes 21:21

Mbea Pyɛr a bee nye lé edu be e, nye e Yesʉs ó: «Da! A waa nwaʼ nyɛɛ, nye ósa nyá ɛ?»

Mɨlʉmlʉ 15:22

No ó mɨlʉmlʉ, bé e l'ocyɛb be efoʼ o Mbɛr-Zyɛm ndwe e bʉr o Mbɛr-Zyɛm bɨbɛh, bé a si bee embɨa ó, bé pɛhɛ bʉʉ bʉr é sama yɔɔ, bé òlomo be Antios, bé e boo Pol, ndwe e Barnabas. No ó bé a pɛh Yʉda, waa bé ndɨ ejebe nteme ó, Barsabas ɨ, bé e Silas. Bʉr baa bɨbɛh oba, bé a be ó ocyɛb be efoʼ é l'obuʼla tʉŋlʉ.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

1 Pyɛr 4:10

Mpʉ mʉr nyiwɛh é l'esama ga lɨna a bi we mbi ndwɛa ɛ, nye bɨlana e ndwɛa we waa é l'efu le efuʼo bʉʉ bʉr o mbɛr Zyɛm win. Dɨʼe sa ga no, ebe, bɨn bé ó obɔʼlʉ o mɨlɔb mo Zyɛm, lé ekab bʉr mocyɛʼ mo mpom mo Zyɛm mɨmbi mɨmbi.