1 Pyɛr 5:10 - Kálara Zyɛ̌m Edwán é mpʉ̌n

¹⁰ Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Kálar Nzyɛ̌m : Ejwán é Sáá

¹⁰ Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

1 Pyɛr 5:10 ပူးပေါင်းရင်းမြစ်များ

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

2 Tesalonika 3:3

Sa gwar, Da Yesʉs, nye ó mʉr ebuʼla. Nye ódwe bɨn nkul, le ekamle e bɨn é nko paʼ mo Bɨbla-mʉr.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

2 Tesalonika 2:17

Nye cyɛba bɨn é mɨleme, ó bɨn saʼ bɨsyɛɛla bɨ ncwɨncwɨa, le elɛɛ mɨlɔɔ mɨmpa, mɨmbi mimyɛh.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

1 Korɛnt 1:9

Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

1 Pyɛr 1:15

Zyɛm, waa a jebe bɨn ɨ, nye ó ndɨ ti. Ebe no ó bɨn lé ejala le edi mɨsaŋ mɨ bʉr be, baa ndɨ elɛʼle no é nko paʼ ebò e cyen lɨlɛh bé lé ekœʼ œ.

Filipi 4:13

Me ó e nkul esa bɨsa bibyɛh no é Krɨst, mʉr lé edwe me nkul ɨ.

2 Timotɛ 2:10

Ebe no ó me ndɨ edihbe mɨtuu mimyɛh ɛ. Yé ó é l'efu e bʉr o Zyɛm a pɛh ɛ, ó bé biʼe tiʼ molu mo mpoʼ mɨmɛh ndwe e kum é zyɛŋa wɔɔ boo Yesʉs-Krɨst.

2 Tesalonika 2:14

Zyɛm a si jebe bɨn é zi syɛɛ bɨh bé a sa lé elɛɛ bɨn Mbɨambɨa Lɔɔ ɛ. Nye a sa no ó, bɨn nkʉʼ dwiibɔ, duu yaa lé ejala e nkɔb win, é jɔʼ Tî ga wina Yesʉs-Krɨst ónyin é dia taʼa ye e.

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Kolosi 2:7

Buʼo bɨn ndɨ e ye e, yé paha mɨkaale. Yé toʼ dolo lé egwɨe le ebwaʼ. Jyɛʼɛ ga taa buʼo yin boo nye, mpʉ bé a dwe bɨn sikʉlʉ tɨʼ ɨ. Toʼ ga dolo lé edwe Zyɛm kum.

Rôm 15:5

Zyɛm ó ndɨ esa ó, bɨna saʼ ga bihbe. Nye nteme ó lé egba bɨna ga nkul é monyʉl. Nye cyɛba bɨn é mɨleme, ó bɨn diʼe e mbi pɛhla ngwar, waa Yesʉs-Krɨst ótɨe bɨn ɨ,

1 Yʉanes 2:25

No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Rôm 9:11

Zyɛm a lɛɛ nye ó: «Tʉl óbe ó syɛl mosa mo ncyom we.» É jɔʼ Zyɛm a lɛɛ no e, lʉʉ egbah, lé a baapa byɛl, apa sa syɛɛla gwar, nkʉ mpaŋ syɛɛla ngwar, nkʉ syɛɛla ebebe gwar. Zyɛm a sa no ó, lé elɛʼle ó, nye esa bɨsa bye ó mpʉ nye lé ekpɛl ɨ. Nye epɛh mʉr, le ejebe nye ó, lé edu mɨtiʼa mɨ leme we nye mʉr tɨ. Nye apɛh mʉr é dɔɔ mɨmpaŋ bɨsyɛɛla mʉr waa a taare sa ɛ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Rôm 9:24

Sama bʉr baa, bé ó baa Zyɛm a pɛh ɛ. Nye a baapɛh-pɛh njɨ é kul bʉr oYʉden tʉŋlʉ. Nye a pɛh bʉr ó, é bɨkul bɨfih!

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

1 Pyɛr 4:10

Mpʉ mʉr nyiwɛh é l'esama ga lɨna a bi we mbi ndwɛa ɛ, nye bɨlana e ndwɛa we waa é l'efu le efuʼo bʉʉ bʉr o mbɛr Zyɛm win. Dɨʼe sa ga no, ebe, bɨn bé ó obɔʼlʉ o mɨlɔb mo Zyɛm, lé ekab bʉr mocyɛʼ mo mpom mo Zyɛm mɨmbi mɨmbi.