1 Pyɛr 5:1 - Kálara Zyɛ̌m Edwán é mpʉ̌n

¹ Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.

Kálar Nzyɛ̌m : Ejwán é Sáá

¹ Me ó lɨ́ sɔ́má ótyɛ̂b bé ésôʼ ɨ́ Mbɛ̌r-Nzyɛ̌m. Me ntémé, me ó mboʼlo á bee mitúú mé Krîst nyá. Me ntémé, me ó mʉr ngá bi nkɔ̂b líʼe ɨ́ mentyɛnwa múo nzě nyɨ̂n ɨ́ kpɛŋlɛm má nyá. Mě cɛmá ɨ́ báánâʼ ó, bʉ́ʉ́ ótyɛ̂b bé ésôʼ ɨ́ Mbɛ̌r-Nzyɛ̌m bɨ́bɛ̂h, lɨ́ epihle bɨ́n egwǎl ó:

1 Pyɛr 5:1 ပူးပေါင်းရင်းမြစ်များ

Lʉkas 24:48

Bɨn ó ndɨ oboʼla o lɔb waa.

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

2 Yʉanes 1:1

Mɛm, cyɛb efoʼ Mbɛr-Zyɛm ó lé etile bɨn. Me etile ó, tamamʉma Zyɛm a pɛh ɛ, bé e bwan be. Me ekpɛl bɨn é l'ocyecye. Ntʉʼ me ome lé ekpɛl bɨn; yé nteme, yé ó bɨh e bʉr bɨbɛh ndɨ ekpɛl ocyecye e.

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

Mɨlʉmlʉ 14:23

É gumo yiyɛh, bé a be ó lé ecyel ocyɛb be efoʼ é mɨmbɛr mɨ Zyɛm mimyɛh, bé osi pa sa ti mode ndwe le ejwɨʼla e Zyɛm. Bé ze liʼe be é mobo mo Da, mʉr bé a jyɛʼ taa buʼo yɔɔ boo nye e.

Mɨlʉmlʉ 11:30

Bé ntɔʼ sa nteme no. Bɨmɔn byaa, byé a lomlɔ ocyɛb be efoʼ o Mbɛr-Zyɛm ó, é zi mo Sol bé e Barnabas.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

Filemɔŋ 1:9

Dam be no, me alwib e go é mbi waa, ebe, me ekpɛl go. Me ejwɨʼla e go ó, jwɨʼla. Me ó lé elwib e go, mɛm Pol, ndɨ tamamʉr e go e. Me ó bananaʼ é mbʉʼ ó, é lɔb buʼo lé etiibe e Yesʉs-Krɨst ɨ.

Títos 1:5

Me a liʼe go tina Krɛt ó, go nkʉʼ fwahle syɛɛ yé a buʼo gʉʼ ɨ. Syɛɛ yaa, yé a be ó, go pɛhɛ ocyɛb be efoʼ é mɨmbɛr mɨ Zyɛm, lé ecyel-cyel be é bɨnkana bibyɛh, lé esa mpʉ me a lomo go e.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

1 Timotɛ 5:19

Ajoʼo, nkʉ nʉa nkɔb é bɨtoora bʉr lé etooro ocyɛb be efoʼ o Mbɛr-Zyɛm ɨ. Fuo ka mɛʼle njɨ é jɔʼ oboʼla mu oba, nkʉ olɛl ɨ.

1 Timotɛ 5:1

ǃGo si kœb ó, tamamʉr, nyi sa gwìh nɛʼɛ, anyamle lɨl twii é jɔʼ go lé elɛʼle nye bɨgwìh nye sa ɛ. Go ejala le etɨe nye mpʉ sa cɨŋɔ ó, nye ó sɔŋ go e. É nko paʼ dor lo, tɨa be mpʉ sa cɨŋɔ ó, bɨbɛh, bé ó bɨɔ bo.

Filipi 1:19

ebe, me egʉa ó, me ótiʼɔ ebe mɨnjwɨʼla min ndwe e Sisim mo Yesʉs-Krɨst lé eze me é nkɔm ɨ.

2 Korɛnt 5:1

Bɨna bé egʉa ga ó, monyʉl ga mɨna, mé ó mpʉ bɨsaʼ. ǃMe si dwihɔ é saʼ yam, ndɨ nyʉl wam nwaʼ nɛʼɛ, me óbi odia ofih, waa óduho boo Zyɛm, ndɨ é jobo kʉ ɨ. Ntʉʼ bʉr bé a fumo odia waa. Wé ó ngo di njʉmdia e njʉmdia,

Mɨlʉmlʉ 21:18

É mɛn tɨ, bɨh e boo Pol, bé ze to mbɛr mo Jacques. Ocyɛb be efoʼ o mbɛr Zyɛm waa, bé ntɔʼ ze gwɨhla nteme tɨ.

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Mɨlʉmlʉ 20:17

É jɔʼ Pol a be é Miletos ɨ, nye a si lomlo mbɛr Zyɛm ndɨ ɨ Efɛɛz ɨ, mompaŋla, lé ebaŋle ocyɛb be efoʼ o mbɛr Zyɛm waa ó, bé toʼ, to bee nye.

Mɨlʉmlʉ 15:6

Mɨlʉmlʉ bé e l'ocyɛb be efoʼ o Mbɛr-Zyɛm, bé ze syɛŋa gumo gwar, lé ejɨ timle lɛa wɔɔ nɨ.

Mɨlʉmlʉ 15:4

É jɔʼ bé a pyal Yerʉsalɛm ɨ, mbɛr Zyɛm wé a be tɨʼ ɨ, wé a si bɨlan e be, bé e mɨlʉmlʉ ndwe e l'ocyɛb be efoʼ o Mbɛr-Zyɛm. Bé e Pol ze taŋle be sa yiyɛh Zyɛm a sa é zi wɔɔ ɛ.

Mɨlʉmlʉ 2:32

Pyɛr ze ko tɨʼ ó: «Mʉr Zyɛm a pɛ̀h é foo nɨ, ó ndɨ Yesʉs. No ó, bɨh bɨbɛh, bé ó oboʼla o lɔb we waa.

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

2 Korɛnt 5:8

Me ekʉ lɛɛ ó, bɨna bɨ tʉm ga monyʉl. Bɨna bé ebee ga embɨa lé etwaʼ é nyʉl bɨpuno nwa é l'efu ó, bɨna toʼ, to fil ga é mbɛr mo Da Yesʉs.

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

1 Pyɛr 4:13

Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

3 Yʉanes 1:1

Mɛm, cyɛb efoʼ Mbɛr-Zyɛm ó lé etile go. Me esoho go, mɨɔ kpɛl wih Gaywis. Me nteme, me ekpɛl go é l'ocyecye.