1 Pyɛr 4:8 - Kálara Zyɛ̌m Edwán é mpʉ̌n

⁸ Sa efoʼ, yé ejala ó, bɨn kpɛla paʼra win kpɛl apurapura, ebe, kpɛl, yé esa ó, bɨna pɛʼɛ ga buobuo bɨbaa bɨna bé a dɨ niʼla paʼra ga wina é lɔb mɨsyem ɨ.

Kálar Nzyɛ̌m : Ejwán é Sáá

⁸ Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

1 Pyɛr 4:8 ပူးပေါင်းရင်းမြစ်များ

Kolosi 3:14

É bɨsyɛɛla byaa bibyɛh, kpɛla ga, ebe, kpɛl ó ndɨ elar bɨn, ó bɨn diʼe mɨlɛra é mɨpaʼ mimyɛh.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Jacques 5:20

gʉŋa ga ó, mʉr lé ebee mɨɔ we lé esa syem, ze dwih mʉr waa é l'ebò e cyen le laa, bana cyel nye é mpaŋ zi ɨ, nyi sa ó, sisim mo mʉr waa bula bi tiʼ molu mo mpoʼ mɨmɛh. Nyi sa nteme ó, Zyɛm pɛʼɛ buobuo bɨbaa nye a niʼe é lɔb mɨsyem ɨ.

1 Korɛnt 13:1

Me dam lwib bɨlwib bɨ bʉr, nkʉ byaa beengles. ǃMe baabe e kpɛl nɛʼɛ, kʉ gʉa ó, me mu ó mpʉ tuʼ engʉŋa lé eduo e, nkʉ mpʉ bɨnkala lé elwaŋla ɛ.

1 Tesalonika 3:12

Da Yesʉs cyɛba bɨn é mɨleme, ó leme ncwɨncwɨa bɨn ndɨ e we e, wé nyinɨ. Nye saʼ nteme ó, bɨn kpɛlɨ nteme bʉr ofih é buobuo, kpɛl yaa, yé nkʉʼ bwaʼ. Yé syɛŋɨ no, bɨn kpɛlɨ be mpʉ bɨh lé ekpɛl bɨn ɨ.

Ebrœ̂ 13:1

Kpɛl obuʼla, yé toʼ dolo lé egwɨe.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

3 Yʉanes 1:2

Mɨɔ kpɛl wam, me ejwɨʼla e Zyɛm ó, go kœʼœ mbɨmbɨa ebò e cyen é nko paʼ tiʼ nyʉl bɨpuno, alɨn syɛl, abɨm ebɔʼ, jwɨʼ gwar mpʉ go lé ekœʼ mpaŋ ebò e cyen é nko paʼ sisim go e.

Jacques 5:12

Obɨɔ ga bam aa! Yé dam be nyá, anyamle de ga mɨnkɛla. Agba ga die e «jobo» é mɨnkɛla, nkʉ die e «si», nkʉ guu mbi sa fih. Lɛŋɨ ga jɔʼ yiyɛh ó: «Eee!» é jɔʼ yé ndɨ «Eee!» e, nkʉ ó: «Hɨʼɨ!» é jɔʼ yé ndɨ «Hɨʼɨ!» ɨ, lé ekpɛɛ ó, bɨn bé amu nʉa mobe é mih mo Zyɛm.

1 Korɛnt 13:4

Kpɛl, yé e bihbe le ncwɨncwɨa. Kpɛl, yé abe e l'egu. Yé ákwoʼ seʼle yé mʉr tɨ. Yé abe e nkɛa nyʉl.