1 Pyɛr 4:7 - Kálara Zyɛ̌m Edwán é mpʉ̌n

⁷ Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Kálar Nzyɛ̌m : Ejwán é Sáá

⁷ Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

1 Pyɛr 4:7 ပူးပေါင်းရင်းမြစ်များ

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

2 Timotɛ 4:5

Sa gwar, gwɔɔ, mɛrɨ leme é bɨjɔʼ bibyɛh. Dihba mɨtuu. Sea syɛɛ mo lɛa Mbɨambɨa Lɔɔ. Gwɔɔ syɛl mosa mo Zyɛm, sea empomo e syɛɛ ndɨ laa lo e.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Ebrœ̂ 10:25

Mʉr aliʼe ga obɨɔ ga bɨna é jɔʼ bé lé egwɨhla lé edwe Zyɛm kum ɨ. Bʉʉ bʉr bɛɛ, bé mu ó lé esa no. Laa ó, bɨn saʼ no, fuo gba ga bʉʉ obɨɔ nkul é monyʉl. Saʼ ga no é buobuo, ebe, dobo Da Yesʉs óbula ze e, lé mu ó lé ekunbo, é mpʉ bɨna mu lé ebee ga ɛ.

Kolosi 4:2

Diʼe ga nkehe, lé esa Zyɛm mɨnjwɨʼla é jɔʼ yiyɛh, le edwe nye ekiba.

Títos 2:12

Ncwɨncwɨa waa ó ndɨ edib bɨna ga zi egwɨma ebɨh é nko paʼ mo Zyɛm ndwe le ebene bɨgwɨma bɨ nyʉl bɨpuno, é l'efu le ekœʼ ebò e cyen lé ódwe bʉr mɨmpaŋ mɨpɛhla ɛ. Ebò e cyen laa, lé ó cɨcyel, le yaa ndɨ edu mpʉ Zyɛm lé ekpɛl ɨ, dam be é mbi jɔʼ yi.

Rôm 12:12

Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

Filipi 4:5

Me ekpɛl ó, bɨn lɛʼla bʉr bɨbɛh mpʉ bɨn ndɨ é tala njwɨr ɨ. Da Yesʉs, nye mu ó kunokuno le ebula.

Lʉkas 22:46

Nye ze jɨm be, le elɛɛ e be ó: «Ebe yé bɨn lé eja bɨdwo e? Mʉŋa ga si, saʼ ga mɨnjwɨʼla. Bé amu jaa boblo bɨn, bɨn duma.»

Mɨngwiha 16:15

Tî ga wina, nye elɛɛ ó: «Mbe ga, me ó ma ze nɨ! Me ópyal bɨn ye ó, mpʉ ndiblʉ, mʉr abuʼla. Mocyɛʼ mo mpom, mé óswɨɨ é waa ndɨ edi nkehe, mɨkan mɨmbœra é nyʉl ɨ. Nyɛɛ, nye aŋa nyin fufwah, nkʉ sɔma.»

1 Pyɛr 3:7

Bɨn bɛɛ ojʉm, jyeʼla ga bʉba bɨn ndwe le edwe be duu, ebe, bɨn bé egʉa mpʉ bé ndɨ é cyɛʼ ɛ. Bé ejala le ebi tiʼ molu mo mpoʼ mɨmɛh mpʉ bɨn bɛɛ. ǃBɨn si be, asa no nɛʼɛ, yé ógba bɨn mokɔbla é mɨnjwɨʼla.

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

1 Korɛnt 15:24

É jɔʼ yaa ó esie e mbi jɔʼ yi, lé óka pyal ɨ, Krɨst ntɔʼ gbah mɨsisim mɨ apum mimyɛh: le myaa ndɨ mɨlʉ ɨ, le myaa mɨ nkul mojwɨ̀ʼa ɛ, le myaa ndɨ e monkul monɨnɨ ɨ. Nye ódwe Zyɛm Sɔŋ jwɨ̀ʼa ye yaa,

1 Korɛnt 7:29

Obɨɔ ga bam aa! Me egwɨm lɛɛ tɨʼ ó, yi liʼ ba ma jɔʼ. Taare é jɔʼ yi, yé ekʉ ka liʼ mɨmbɛa mɨ bʉr ó njɨ myé tiʼa mpʉ sa lɛɛ ó, myé ó bɨzihle.

Mataos 24:42

Ebe no, diʼe ga nkehe, ebe, bɨn bé agʉa dobo Tî win óbula ze e.

Lʉkas 21:36

Diʼe ga nkehe. Jwɨʼla ga é jɔʼ yiyɛh, ó bɨn nkʉʼ syɛhle bɨsyɛɛla bɨ moho waa bibyɛh. Jwɨʼla ga nteme ó, bɨn nkʉʼ be e nkul ecyɛb é mih mo Mwan mo Mʉr.»

Mataos 25:13

Yesʉs ze lɛɛ e be ó: «Ebe no, diʼe ga nkehe, ebe, bɨn bé agʉa dobo nkʉ ewala me óbula ze e.»

Ebrœ̂ 9:26

Nkʉ Krɨst a be ó be, be lé edwe Zyɛm nyʉl we zɔʼ e zɔʼ tɔɔ motwina nɛʼɛ, mpa nye a be ó si bee tuu zɔʼ e zɔʼ, duho é l'etɛɛrɨ e si nwaʼ ɛ. To kœb ó, nye a kʉ ka nyin é si nwaʼ ó njɨ é jɔʼ gwar e gwar é kpɔŋ. Yé a be ó é jɔʼ esie e mbi jɔʼ yi, lé a pyal bɨna ga ɛ. Nye ze kɛha nyʉl we, lé epɛʼ bʉr bɨbaa Zyɛm a niʼe be é lɔb mɨsyem myɔɔ é jɔʼ gwar é bɨjɔʼ bibyɛh.