1 Pyɛr 4:6 - Kálara Zyɛ̌m Edwán é mpʉ̌n

⁶ Ebe no ó Mbɨambɨa Lɔɔ, wé a lɛɔ boo «odwè» e. Zyɛm a dwe be mobe cye yiyɛh bé a be, bé dina kʉ ɨ, é l'efu ó, é jɔʼ bé ódime mih mpʉ bʉr bɨbɛh lé edime mih ɨ, bé diʼe e mɨsisim mɨkublakubla, mpʉ Zyɛm ndɨ ɨ.

Kálar Nzyɛ̌m : Ejwán é Sáá

⁶ Nó ntémé ó Mbɨambɨa Lɔ́ɔ wé á túnɔɔ kwá odwe yɨ́. Wé á túnɔɔ gʉ̂ʼ ó, Nzyɛ̌m nkʉ̂ dwe bʉ̂r o tɨ̂ʼ mebě, duho ɨ́ bisyɛ́ɛla ményʉ́l mɔ́ɔ́. Bé e bʉr bɨ́bɛ̂h oswîh, bé ódweŋɔɔ mébě jwɨʼ gwár e gwár. Bé okǎ tíʼe píe tɨ̂ʼ ɨ́ nkǒ páʼ mísísǐm mi dí mikublakúbla, nwɨɨla e Nzyɛ̌m mí.

1 Pyɛr 4:6 ပူးပေါင်းရင်းမြစ်များ

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

1 Pyɛr 3:19

É nyʉl sisim we ó nye a to lɛɛ lɔɔ mpa boo mɨsisim myé a be mɨmbʉʼ ɨ.

Galásia 5:25

É mpʉ yé ndɨ ó, tiʼ ga yina mu ó zyɛŋa e Mbɨambɨa Sisim ɨ, bɨna bé ejala le ekœʼ ga ebò e cyen Sisim waa lé etɨe bɨna ga ɛ.

Mataos 24:9

«É jɔʼ yaa ó bé ókɛha bɨn é mobo mo bʉr ofih, baa bé ótíile bɨn ɨ. Bé ójʉ bɨn bʉʉ bʉr. Bʉr o ndɨ abe oYʉden ɨ, bé ónwim bɨn é lɔb wam.

Galásia 2:19

É jɔʼ me a taare be é monkara mo mɛra motie mo Moyiz ɨ, me a be ó si ntaa motie maa, é ntaa ntaa, me ntɔʼ dwè. É jɔʼ me a dwè ebe motie maa ɛ, efie lam, lé ó b'a sa ó, me pʉʼa tɨ, ó me l'aka nyamle cwɨɨ tɨ. Sa yaa yiyɛh, yé a syɛɛlɨ no ó, me nkʉʼ nʉa edwan e tiʼ yam, ze dwe le Zyɛm nye mʉr tɨ.

Mɨngwiha 14:18

Nuu engles ze pyal, duho é l'empom e taa mɨndwɛa. Nyiha a be ó e nkul etira siʼe é taa mɨndwɛa kʉ. Nye ze jebe nuu engles a be e pa é mbo é bɛbla bɛbla ɛ. Nye a lwib e nye lé eyɨm twii ó: «Nʉŋa njèba pa go. Toʼ é l'etin e rezɛŋ ndɨ é si nwaʼ ɛ. Toʼ, to pɛʼ mpumo rezɛŋ we nyiwɛh, ebe, nye mu ó si tɨ!»

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.