1 Pyɛr 4:4 - Kálara Zyɛ̌m Edwán é mpʉ̌n

⁴ Bʉr o ndɨ abuʼla onɨ, bé mu ó lé ekʉ jehe lé ebee ó, bɨn e boo nɔɔ, bé aka lɔʼba lé enyʉl monwoʼ, le edaʼre fwon é monyʉl mpʉ bɨn e boo nɔɔ, bé a sa-sa ɛ. Bé mu ó lé elwɨɨ bɨn tɨ.

Kálar Nzyɛ̌m : Ejwán é Sáá

⁴ Ohááden ónɨ̌, bé mû ó lɨ́ ekʉ́ kâm lɨ́ ebeě mpʉ bɨ́n dí, akǎ lɔ̂ʼwa lɨ́ esâ bísyɛ́ɛla bí ébébě mpʉ bɨ́n le onɔ́ɔ́, bé á nyɛɛ sɨsâ yɨ́. Bé mû ó lɨ́ elwɨ́ɨ bɨ́n tɨ̂.

1 Pyɛr 4:4 ပူးပေါင်းရင်းမြစ်များ

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Mɨlʉmlʉ 18:6

OYʉden, bé a be ó lé epɨra mokan e nye, le elwɨɔ nye. Nye ze kuro pim é mɨkan mye. Nye ó: «ǃƗ nuu mʉr é nko paʼ win si dim cyecye nɛʼɛ, bɨn bʉr o tɨʼ ó ngo bɨha é lɔb waa; mɛm, me ó mʉr ndɨ agʉa lɔb ɨ. Taare é banana, me muno ze to boo bʉr o ndɨ abe oYʉden ɨ!»

Yʉ̂d 1:10

To kœb ó, bʉr onɨ, bé elwɨɨ-lwɨɨ ó, sa yiyɛh bé ndɨ ejeʼe e. Yaa bé lé egʉa ɛ, yé ó lé ebula dimle be! Bé ó kʉ be mpʉ otir, sa ndɨ apahle sɔʼɔ ɛ!

Mɨlʉmlʉ 13:45

Mbea oYʉden, bé a bee ntuntuma bʉr yaa ɛ, bé kʉ ze taare lé esie Pol, le etɨŋɔ mɨlɛa mye, le etamɔ nye.

2 Pyɛr 2:22

Sa yé a pyal be e, yé ebɔma e mokan bɨntuntu moba ma. Mé elɛɛ é l'ocyecye ó: «Mpye, nye efiʼ ó, bula to de bɨjʉʉlʉ bye.» Lʉʉ ekan e tɨ, lé elɛɛ ó: «Pie bɨ sil jwɨ̀ɨ nkʉ, nye ntɔʼ laa, bula to biila é bɨjyɛn.»

2 Pyɛr 2:12

Oyeʼle baa bɛɛ, bé epyeh ó, sa bé ndɨ agʉa ɛ. Bé ó mpʉ otir o montiʼ, luʼo pɨʼ. To kœb ó, tir, nye ekʉ byɛl njɨ ó, nye mɛrɔ; nye òjʉŋɔ. Jwɨʼ gwar e gwar yaa ó bʉr baa, bé ópɛʼɔ modwɛʼla ɛ.

Rôm 13:13

Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

Lʉkas 15:13

«Bwa molu, bé osi laa nɛʼɛ, waa ncyom ze nʉa we nkɔb mobi, ze to é lal wé a be jaabe e. É lal waa, nye a tiʼe-tiʼe ó, sa tiʼ asiŋa, sa tiʼ entwɨʼ, sil lé esam mɔn ye yiyɛh é pe.

Éfɛsɔs 5:18

Afwaʼ ga monwoʼ. Mé esa ó, mʉr dimla tiʼ modile ye. Diʼe ga yɛɛ lwɨŋla e Mbɨambɨa Sisim.

Mataos 23:25

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, é jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr. Bɨn bé abe e nkul emɛr mɨleme.