1 Pyɛr 4:2 - Kálara Zyɛ̌m Edwán é mpʉ̌n

² Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Kálar Nzyɛ̌m : Ejwán é Sáá

² Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

1 Pyɛr 4:2 ပူးပေါင်းရင်းမြစ်များ

1 Pyɛr 1:14

Mpʉ bɨn lé ebɛa sa-sa Zyɛm mojoʼo e, adu ga bɨbebebebe bɨgwɨma bɨn bé a taare be-be e bye é jɔʼ bɨn bé a be, agʉa Zyɛm ɨ.

Éfɛsɔs 6:6

Mʉr asea syɛɛ njɨ é jɔʼ bé lé epala nye e. Mʉr beʼ l'asea é l'efu e moseʼla mo bʉr. Mpʉ bɨn mu osyɛl o mosa mo Krɨst ɨ, sea ga e be syɛɛ, lé eloŋlo gwɨma mo Zyɛm, e mɨleme min mimyɛh.

Rôm 6:11

Saʼ ga nteme no. Toŋla ga ó, bɨn bé ó bʉr o b'a dwè nko paʼ mɨsyem ɨ. Toŋla ga nteme ó, bɨn mu lé eka tiʼe ó, é l'efu mo Zyɛm, é zyɛŋa win boo Yesʉs-Krɨst tʉŋlʉ.

2 Korɛnt 5:15

Nye a si jala e bʉr bɨbɛh é l'efu ó, bɨbɛh biʼe tiʼ molu mo mpoʼ mɨmɛh. Cye yiyɛh bé dina kʉ ɨ, bɨtiʼ byɔɔ, byé ejala le ebe e nyɔm é l'efu e mʉr a jala e be, ntɔʼ pàh ɛ. Bé aka jala le eka saa myɔɔ mɨnyɔm.

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.

Rôm 6:2

Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

Rôm 14:7

Abe e mʉr ngwar é sama ga yina lé etiʼe, nkʉ dwè, é l'efu le nye mʉr tɨ.

1 Pyɛr 2:1

Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.

Markus 7:21

ebe, bɨbebebebe bɨsa bibyɛh, byé eduho ó, é leme tʉŋlʉ. Byé ó: bɨbebebebe mɨpɛhla, bɨmala, díbe, ejwɨɨ e bʉr,

Markus 3:35

Mʉr nyiwɛh lé esa sa Zyɛm lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

1 Yʉanes 2:17

To kœb ó, bɨsa bɨ jobo yiʼ ndwe e byaa bʉr lé egwɨm tɨʼ ɨ, byé elaa ó laŋa. No ó, mʉr lé esa gwɨma mo Zyɛm ɨ, nyiha ó ndɨ ebi tiʼ molu mo mpoʼ mɨmɛh.

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

Ebrœ̂ 13:21

Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

1 Tesalonika 5:18

É jɔʼ yiyɛh, dweʼ ga Zyɛm ekiba é lɔb bɨsa bibyɛh, ebe, Zyɛm a gwɨm ó, bʉr o ndɨ é zyɛŋa wɔɔ boo Yesʉs-Krɨst ɨ, bé ódɨ sa no.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Éfɛsɔs 5:17

Ebe no, adimle ga pɨʼ. Saŋa ga ó, bɨn saʼ bɨsyɛɛla Da Yesʉs a gwɨm é leme we ó, bɨn saʼ ɛ.

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Rôm 7:4

Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

Mataos 21:31

É bwan oba baa, waa wáa a sa gwɨma mo sɔŋ ɨ?» Bé ze bɨha e nye ó: «Waa efoʼ.» Yesʉs ze lɛɛ e be ó: «Yé ó no! Me elɛɛ bɨn cyecye ó nɛɛ: onwɨa o tœa bé e mɨmbambama, bé ó ngo taare pyal e bɨn é jwɨ̀ʼa mo Zyɛm,

Mataos 12:50

Mʉr nyiwɛh lé esa sa Sɔŋ wam ndɨ é jobo kʉ ɨ, lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

Mataos 7:21

«Ntʉʼ mʉr nyiwɛh ólɛɛ ó: “Da ɔɔ, Da ɛɛ!” óni é jwɨ̀ʼa mo Da, njɨ waa nyiwɛh lé esa gwɨma mo Sɔŋ wam ndɨ é jobo kʉ ɨ.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

Kolosi 3:3

ebe, bɨn bɨ dwè. Tiʼ yin mu ó é l'efo boo Krɨst. Ebe no ó bɨtiʼ bin mu zyɛŋa boo Zyɛm ɨ.

Mataos 20:4

Nye ó: “Bɨn bɛɛ nteme, laŋa ga. Toʼ, to sea ga é peme yam. Me ójɛna bɨn myɛna mé ójala e bɨn ɨ.”