1 Pyɛr 4:19 - Kálara Zyɛ̌m Edwán é mpʉ̌n

¹⁹ Ebe no, baa Zyɛm a gwɨm ó, nye ntɨh be ó mɨtuu ɨ, bé ejala le etimle bé bʉr o tɨʼ é mobo mo Zyɛm Kwihbʉr, ndɨ mʉr ebuʼla ɛ. Bé òto dolo lé esa bɨsyɛɛla bɨ ncwɨncwɨa.

Kálar Nzyɛ̌m : Ejwán é Sáá

¹⁹ Ebe nó, baá Nzyɛ̌m á tíʼe ɨ́ lémé wé ó, nyě dwé ó bé mitúú bá, bé ɨ́ jala le etímle bé bʉr o tɨ̂ʼ ɨ́ mebó mé Kwihbʉr gá wɨ́ná, dí mʉr jálá le ebúʼlɔɔ nyá. Bé otô dóló le esâ bísyɛ́ɛla bimpâ.

1 Pyɛr 4:19 ပူးပေါင်းရင်းမြစ်များ

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

1 Pyɛr 3:17

ǃƗ Zyɛm si gwɨm ó, nye kab ó go tuu nɛʼɛ, yé é bul mbɨa é nko paʼ go ó, go sia e tuu waa, duho é bɨsyɛɛla bɨ ncwɨncwɨa byo, byaa bʉr lé ebene e, abe ó, go sia e tuu waa duho é yʉʉ syɛɛla ebebe yo e.

1 Pyɛr 2:15

Sa Zyɛm lé egwɨm é win paʼ, yé ó: bɨn cwɨa e bʉr, bɨgʉ nkʉʼ di é jwɨm, aka lwib sa ndɨ asiŋa ɛ.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Mɨlʉmlʉ 7:59

É mpʉ bé a be lé elumo nye mokoʼ e, Etyɛn a be ó njɨ lé ejwɨʼla e Zyɛm. Nye ó: «Da Yesʉs! Nʉŋa sisim wam.»

Lʉkas 23:46

Yesʉs ntɔʼ jwɨʼla e Zyɛm lé eyɨm twii ó: «Da, mɨ bir sisim wam é mobo mo!» Jɨh tɨʼ nye a kʉ sil lwib, nye ntɔʼ fil mɨswɨh mɨ epihe.

1 Pyɛr 3:20

Molu pihe, bé a taare be-be ó, bʉr o pyeh, lé esa lɔɔ Zyɛm ebɨh. É til molu yaa, Zyɛm a bono-bono ó e bihbe, to pyal é jɔʼ Noe a sil kpaʼ ntwaŋ byɛl ɨ. É til molu yaa yiyɛh, yé a kʉ be ó njɨ ma dœh e bʉr, agum buo, njɨ bʉr mwom, ó b'a tiʼe é byɛl waa tʉŋlʉ ɨ. Bé a tiʼe ó, gumo bé a ngbaa dwè é modibe e.