1 Pyɛr 4:18 - Kálara Zyɛ̌m Edwán é mpʉ̌n

¹⁸ Ebe, yé ó tila ó: «Ocɨcyel o bʉr pa taare bee mokɔbla lé ebi tiʼ molu mo mpoʼ mɨmɛh, a dwɛʼra e bʉr o ndɨ adwaabe Zyɛm ɨ, ndwe bʉʉ osyɛl o mɨsyem ofih!»

Kálar Nzyɛ̌m : Ejwán é Sáá

¹⁸ Ebě, yê cɛmá ó: «Otîtyěl o bʉ̂r pǎ nyɛɛ́ bǐ twiʼ ti e mekɔbla, á dwɛʼra e bʉr o dí adwáawǒ Nzyɛ̌m bá, le osyɛ̂l o mísyóm! Bɨ́ɛ, bé ókǎ tó nyɨ̂n ɨ́ yáǎ sûm?»

1 Pyɛr 4:18 ပူးပေါင်းရင်းမြစ်များ

Lʉkas 23:31

Bé pa taare saŋɔ mɛm, bɨh lɨ, a dwɛʼra e bɨn, bɨdwidwe!»

Yʉ̂d 1:15

é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

1 Korɛnt 10:12

No ó, mʉr lé ebuʼla ó, nye ó cɨcyel é lyanbe e, nye diʼe ncye, lé ekpɛɛ ó, nye amu jaa twe, aka mʉa!

Rôm 1:18

Zyɛm, nyi lɛʼle bɨna ga mpʉ nye lé ekpaa empime é lɔb ga wina ɛ. Nye esa no ó, bʉr é sʉlʉlʉ, duho é jobo kʉ. Bɨna bé esa ga nye ebɨh ndwe e bɨsyɛɛla bɨ ebebe bibyɛh. Bɨna bé elwimla ga e l'ocyecye, du-du njɨ bɨsyɛɛla bɨ ozyɛhozyɛh.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

2 Pyɛr 3:7

Lwib mo Zyɛm gwar e gwar yaa ó ndɨ ebaʼle jobo, le ejyoo le si nwa. Yé ódɨ baʼle bye ó, to pyal é dobo le etiʼ e mɨlɔb. Byé òdiʼɔ. Bʉr o ndɨ adwaabe Zyɛm ɨ, bé ódim cyecye é moho waa.

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

Rôm 5:8

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

Ebrœ̂ 4:1

Ebe no, mpʉ Zyɛm a liʼe bɨna ga e nkɛʼ ó, nye ódib zi egbala é l'efu ga lɨna ɛ, gʉa di ga ncye! Mʉr ngwar é l'esama lɨn, nye ajala le efib we nkɔb egbala laa.

Rôm 5:6

Molu pihe, é jɔʼ bɨna bé a baapa bi nkul ɨ, Krɨst a ka ze jala e mobyaʼ ga mɨna, bɨna bʉr o b'a baadwiibɨ Zyɛm ɨ. Nye a dwè ó, é mpaŋ jɔʼ Zyɛm a bɛa pɛh ɛ.

Mɨlʉmlʉ 27:24

No ó, engles waa be ó si pyal, ze lɛɛ e me ó: “Pol, ajoʼo bʉa. Yé ekʉ jala ó, go toʼ, to cyɛb é mih mo Kɛɛza. Nye ó ngo tiʼe go lɔb. Zyɛm ótiʼ bʉr bɨbɛh bɨn e boo nɔɔ ndɨ ekœʼ cyen é titima ɛ. Yé ó ebe ncwɨncwɨa nye lé elɛʼle go e.”

Lʉkas 15:1

Onwɨa o tœa bɨbɛh ndwe e bʉr o ndɨ é bul jwɨ̂ʼlɨ e mɨsyem ɨ, bé a be ó lé edihle nko Yesʉs a be e, lé eto joʼlo nye.

Mɨlʉmlʉ 27:31

No ó, Pol a lɛɛ e njwɨɨ nter bɨzima nɨ ndwe e byʉʉ bɨzima ó: «ǃƗ bʉr ba, bé adi é titima yiʼ tʉŋlʉ nɛʼɛ, kʉ gʉa ó, bɨna bé abe e nkul etiʼe ga!»

1 Timotɛ 1:9

Bɨna bé egʉa ga nteme ó, motie, mé a baatiilɔ lé etoŋlo ocɨcyel o bʉr, njɨ ontɔɔ o motie, bé e bʉr o ndɨ esa ocyɛb be efoʼ bɔɔ ebɨh ɨ, bʉr o ndɨ adwaabe Zyɛm ɨ, osyɛl o mɨsyem, bʉr o lé epyeh Zyɛm ɨ, ndwe e baa ndɨ esa lɔɔ Zyɛm ebɨh ɨ, ojʉl be osɔŋ bɔɔ, ojʉl be onyɔŋ bɔɔ, ojʉl o bʉr,

Jacques 5:6

Bɨn bé a si dwe ocɨcyel o bʉr mobe mo twii ceme, le ejʉ be. Bɛɛ nteme, bé a be ó, abe e nkul esa bɨn mongan.