1 Pyɛr 4:17 - Kálara Zyɛ̌m Edwán é mpʉ̌n

¹⁷ É jɔʼ yi, etiʼ e mɨlɔb ga lɨna mu ó si pyal! Zyɛm, nyi taare lé etiʼe mɨlɔb ga mina, bʉr o Mbɛr-Zyɛm. Tiʼa mɨlɔb waa pa taare nyan é nko paʼ ga wina, bʉr be, a dwɛʼra e bʉr o ndɨ esa Mbɨambɨa Lɔɔ ndɨ eduho boo Zyɛm ɨ, ebɨh ɨ!

Kálar Nzyɛ̌m : Ejwán é Sáá

¹⁷ Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?

1 Pyɛr 4:17 ပူးပေါင်းရင်းမြစ်များ

2 Tesalonika 1:8

Nye óze lé eze kab bʉr o ndɨ abuʼla ɛ, bɨntɨʼa, e baa ndɨ asa mojoʼo é jɔʼ bé lé ejoʼo Mbɨambɨa Lɔɔ mo Tî ga wina Yesʉs ɨ.

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

Rôm 2:9

Bʉr bɨbɛh ndɨ esa syem ɨ, Zyɛm óbul laŋle kab be bɨntɨʼa e mɨtuu. Bé ósia e bye, taare é l'oYʉden, to pyal é bʉr o bɨkul bɨfih.

Lʉkas 23:31

Bé pa taare saŋɔ mɛm, bɨh lɨ, a dwɛʼra e bɨn, bɨdwidwe!»

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Ebrœ̂ 2:4

Zyɛm, nyi ze boʼlo nteme ó, mpaŋla waa, nye ó cyecye, ebe, nye a si ntɨh bɨdweʼle bɨ nkul we, e bɨsa bɨ jehe ndwe e mosima mɨmbi mɨmbi, to kumo kuma e mɨndwɛa Mbɨambɨa Sisim lé entɨh bɨna ga ɛ, du mpʉ nye lé egwɨm sa ɛ.

Ebrœ̂ 2:2

Bɨna bé egʉa ga ó, mpaŋla Zyɛm a lomlo bʉr e beengles ɨ, a be ó sa ndɨ ejala le enʉŋɔ é nkɔb ɨ. Mʉr nyiwɛh a ntaa etie e tɨʼ ɨ, le waa a sa mpaŋla waa ebɨh ɨ, a si bi myɛna mé a jala e l'ebɨh laa ɛ.

Galásia 5:7

Bɨn bé a taare be ó, lé ekʉ twaare é duò bɨjʉʉ. Zé a ka kamle bɨn lé edu sa ndɨ cɨcyel ɨ?

Ebrœ̂ 11:8

É zi buʼo, Abraham a si sa Zyɛm mojoʼo é jɔʼ nye a jebe nye ó, nye toʼ, to di é lal nye a be ó, nye dwe ó nye e. Tœa nye a to é lal waa ɛ, wé a be ó, nye l'agʉa simsim gumo Zyɛm a gwɨm ó, nye toʼ, to di ɨ.

Galásia 3:1

Bɨn bʉr o Galat, bé ó kʉ be bɨgʉ. Zé a pa kʉ gomlo bɨn é bebebebe buʼo yɔɔ? Me a si kʉ gʉa lɛʼle bɨn, bɨn ze bee é sʉlʉlʉ mpʉ Lœma mulo mo Zyɛm, Yesʉs, a si bomlɔ e mosen, le ebɨnɔ é klos kʉ ɨ.

Rôm 1:1

Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.