1 Pyɛr 4:16 - Kálara Zyɛ̌m Edwán é mpʉ̌n

¹⁶ Sa gwar, mʉr lé ebɔma e bɨntɨʼa ebe nye ndɨ kristen ɨ, nye l'ayi joʼo fwon ebe bɨntɨʼa byaa. Nye gumla njɨ Zyɛm, ebe, nyi mɛʼle ó, nye nkɛŋɨ die mo Krɨst.

Kálar Nzyɛ̌m : Ejwán é Sáá

¹⁶ Sâ gwár, mʉr dí esia e bintɨ́ʼá ebe nyé dí krǐsten nyá, nyě sá ajóʼo bá sôn ɨ́ lɔ̌b bíntɨ́ʼá byaá. Nye gúmlaa njɨ Nzyɛ̌m le epɨr e díé mé Krîst.

1 Pyɛr 4:16 ပူးပေါင်းရင်းမြစ်များ

Filipi 1:29

Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.

1 Pyɛr 4:19

Ebe no, baa Zyɛm a gwɨm ó, nye ntɨh be ó mɨtuu ɨ, bé ejala le etimle bé bʉr o tɨʼ é mobo mo Zyɛm Kwihbʉr, ndɨ mʉr ebuʼla ɛ. Bé òto dolo lé esa bɨsyɛɛla bɨ ncwɨncwɨa.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

Mɨlʉmlʉ 26:28

Agripa ntɔʼ lɛɛ e Pol ó: «Go ejɨ sa kam e kam ó, me tweʼ twii e bɨn, ntɔʼ syɛŋa sama e l'okristen.»

Mɨlʉmlʉ 11:26

É jɔʼ nye a bee nye e, nye ntɔʼ bula e nye, bé e nɔɔ ze to Antios. Bé ze syɛŋa, bé e bʉr o mbɛr Zyɛm wé a be tɨʼ ɨ, tɔɔ mbu ntinɨ. Cye yaa yiyɛh, bé a be-be ó, lé eyeʼle bʉr é buobuo. Tɨʼ Antios ó bé a taare lé ejebe ompʉn mo Yesʉs ó, okristen ɨ.

Mɨlʉmlʉ 28:22

No ó, bɨh bé ekpɛl joʼo mpʉ go lé epahle mɨlɔb myaa ɛ, ebe, é nko paʼ wih, sa bɨh bɛɛ ndɨ egʉa ɛ, yé ó, é bɨgumo bibyɛh, bé etɨ-tɨ mɨlɛa mɨ tɨ.»

Jacques 2:7

Bɛɛ nteme ó ndɨ epyeh mbɨambɨa die mo Yesʉs-Krɨst, nyɛɛ mʉr bɨn mu lé egumo e nye e.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

1 Pyɛr 4:14

Mocyɛʼ mo mpom e bɨn é jɔʼ bʉr lé elwɨɨ bɨn é lɔb mo Krɨst ɨ, ebe, Mbɨambɨa Sisim, Sisim kum, nye edi é bɨn é jɔʼ yaa.