1 Pyɛr 4:14 - Kálara Zyɛ̌m Edwán é mpʉ̌n

¹⁴ Mocyɛʼ mo mpom e bɨn é jɔʼ bʉr lé elwɨɨ bɨn é lɔb mo Krɨst ɨ, ebe, Mbɨambɨa Sisim, Sisim kum, nye edi é bɨn é jɔʼ yaa.

Kálar Nzyɛ̌m : Ejwán é Sáá

¹⁴ Metyɛʼ me mpóm, mé díʼee e bɨ̌n ɨ́ jɔʼ bʉ̂r bé ópya bɨ́n ɨ́ lɔ̌b búʼó bɨ́n dí ebúʼlǎ Krîst yɨ́, ebě, Sísǐm mé Nzyɛ̌m, dí Sísǐm kûm wɨ́, wé lɨ́ edi ɨ́ bɨ̌n ɨ́ jɔʼ yaá.

1 Pyɛr 4:14 ပူးပေါင်းရင်းမြစ်များ

1 Pyɛr 3:14

ǃBɨn si sia yɛɛ e mɨtuu ebe mɨmpaŋ bɨsyɛɛla bɨn lé esa nɛʼɛ, Zyɛm ósʉ bɨn mocyɛʼ mo mpom tɨ. Ajoʼo ga bʉa e bʉr. Mɨleme beʼ l'akolo bɨn tɨ.

Lʉkas 6:22

Yesʉs ze ko tɨʼ ó «Bɨn bé e mocyɛʼ mo mpom é jɔʼ bʉr lé enwim bɨn ɨ, le é jɔʼ bé lé epem bɨn, lwɨɨ bɨn, le enʉa bɨn mpʉ osyɛl be ebebe é lɔb taa buʼo bɨn lé ejyɛʼ boo Mwan mo Mʉr ɨ.

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

Mataos 5:11

Mocyɛʼ mo mpom, mé ó e bɨn é jɔʼ bé ólwɨɨ bɨn, tíile bɨn le efœʼ bɨn mɨmbi mimyɛh é lɔb wam.

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

2 Korɛnt 12:10

Ebe no ó me ndɨ e bɨsʉhʉ é leme ó, me diʼe cyɛʼ-bol, me lwɨɔ, me sia e mɨtuu, ó me tíilɔ, le ebi mosono é l'efu mo Krɨst ɨ, ebe, é jɔʼ me ndɨ é l'ecyɛʼ ɛ, é jɔʼ gwar e gwar yaa ó me ndɨ e nkul nteme.

Yʉanes 15:21

«Sa gwar, bé ótíile bɨn ó, é lɔb wam, ebe, bé agʉa mʉr a ntɨh me e.

Jacques 5:11

Bɨna bé elɛɛ ga ó, mʉr ósʉŋɔ mocyɛʼ mo mpom ɨ, nye óbe ó waa a dihbe mɨtuu ɨ. Bɨn bé a be ó si joʼo mpʉ Job a dihbe mɨtuu ɨ. Bɨn nteme bɨ bee sa Da a sa nye é jɔʼ epihe e, ebe, nye é mpwaʼ ncwɨncwɨa e njwɨʼa-nkoo.

Mɨlʉmlʉ 13:45

Mbea oYʉden, bé a bee ntuntuma bʉr yaa ɛ, bé kʉ ze taare lé esie Pol, le etɨŋɔ mɨlɛa mye, le etamɔ nye.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Galásia 1:24

No ó mɨmbɛr mɨ Zyɛm myaa, myé a ze dwe Zyɛm kum é lɔb wam ɨ.

Yʉanes 9:34

Bé e nye ó: «Ngbàa go a byɛl, go ó njɨ syɛl ebebe. Go ebuʼla ó, go e nkul eyeʼle bɨh yʉʉ sɔʼɔ ɛ?» Ntɔʼ cyelɔ nye é pɨŋ.

Yʉanes 9:28

Bé ze taare lé elwɨɨ nye. Bé e nye ó: «Gwɔɔ, go óbɛm di mpʉn we. Sa gwar, bɨh bɛɛ, bé ó ompʉn mo Moyiz.

Yʉanes 8:48

OYʉden, bé e nye ó: «Zê yé abe mpʉ bɨh lé elɛɛ ɛ? Go ó mʉr Samari! Go nteme, go ó e l'eleme!»

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

2 Pyɛr 2:2

Bé ógomlo buobuo bʉr é bebebebe zi, ó bé saʼ bɨmala zam e l'ekomo. Bé ósa ó, bʉr fœʼœ sikʉlʉ é lɔb zi ocyecye bɨna lé edu ga ɛ.

Mɨlʉmlʉ 18:6

OYʉden, bé a be ó lé epɨra mokan e nye, le elwɨɔ nye. Nye ze kuro pim é mɨkan mye. Nye ó: «ǃƗ nuu mʉr é nko paʼ win si dim cyecye nɛʼɛ, bɨn bʉr o tɨʼ ó ngo bɨha é lɔb waa; mɛm, me ó mʉr ndɨ agʉa lɔb ɨ. Taare é banana, me muno ze to boo bʉr o ndɨ abe oYʉden ɨ!»

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

Mɨlʉmlʉ 28:22

No ó, bɨh bé ekpɛl joʼo mpʉ go lé epahle mɨlɔb myaa ɛ, ebe, é nko paʼ wih, sa bɨh bɛɛ ndɨ egʉa ɛ, yé ó, é bɨgumo bibyɛh, bé etɨ-tɨ mɨlɛa mɨ tɨ.»

2 Korɛnt 4:10

Bɨjɔʼ bibyɛh, bɨh bé enkɛɛ efie mo Yesʉs é monyʉl mɨh, é mbi ndɨ ó, tiʼ mo Yesʉs nkʉʼ nyin bʉr é mih é zi bɨtiʼ bih.

2 Korɛnt 4:16

Ebe no, bɨh bé adimle nkul é monyʉl. Bɨh mu ó lé ekʉ bo é nko paʼ nyʉl lé enyin kʉl ɨ, sa gwar, sa ndɨ é nyʉl waa tʉŋlʉ ɨ, yé eto le edwanba moho wiwɛh,

1 Pyɛr 4:16

Sa gwar, mʉr lé ebɔma e bɨntɨʼa ebe nye ndɨ kristen ɨ, nye l'ayi joʼo fwon ebe bɨntɨʼa byaa. Nye gumla njɨ Zyɛm, ebe, nyi mɛʼle ó, nye nkɛŋɨ die mo Krɨst.