1 Pyɛr 4:13 - Kálara Zyɛ̌m Edwán é mpʉ̌n

¹³ Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

Kálar Nzyɛ̌m : Ejwán é Sáá

¹³ Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

1 Pyɛr 4:13 ပူးပေါင်းရင်းမြစ်များ

Rôm 8:17

Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Rôm 5:3

Dam be mɨtuu e mɨndɛl bɨna lé ebɔma ga e mye e, bɨna bé ekʉ bana mɨɨla ga e mye, ebe, bɨna bé egʉa ga ó, baa lé edihbe mɨtuu ɨ, bé ójwɨʼ bihbe tɨ.

Filipi 3:10

Sa me lé egwɨm ɨ, yé ó, me gʉŋa Krɨst é kpɛhla. Me egwɨm nteme ó, Zyɛm sea é me, mpʉ nye a sea e nkul é jɔʼ nye a pɛ̀h Yesʉs-Krɨst é foo e. Me biʼe mɨtuu mɨmpwar Krɨst a bi ɨ, efie lam nkʉʼ nwɨɨla nteme e laa le.

2 Korɛnt 1:7

Mɨleme mih, myé ó lwɨŋla e mbɛla é lɔb win. Bɨh bé apɨŋla, ebe, bɨh bé egʉa ó, jwɨʼ gwar e gwar mpʉ bɨn lé ebi mɨtuu ɨ, no nteme ó Zyɛm ógba bɨn nkul é monyʉl ɨ.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

2 Korɛnt 4:10

Bɨjɔʼ bibyɛh, bɨh bé enkɛɛ efie mo Yesʉs é monyʉl mɨh, é mbi ndɨ ó, tiʼ mo Yesʉs nkʉʼ nyin bʉr é mih é zi bɨtiʼ bih.

2 Timotɛ 2:12

ǃBɨna si dihbe ga mɨtuu wa, bɨna bé ódi ga nteme ó ojwɨɨ. ǃBɨna si lɛɛ ga ó, bɨna bé agʉa ga nye wa, nye ólɛɛ nteme ó, nye a baagʉa bɨna ga.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

1 Pyɛr 5:1

Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mataos 5:12

Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Mɨlʉmlʉ 16:25

Kunokuno e teme pum nɛʼɛ, Pol bé e Silas, bé a be ó teme ejwɨʼla e Zyɛm, le ejɛɛ bɨjɛɛ é l'efu le egumlo Zyɛm, myʉʉ mɨmbʉʼ lé ejoʼlo be.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mataos 25:31

«É jɔʼ Mwan mo Mʉr óze é moncɛnba me, bé e beengles bɨbɛh ɛ, nye ódi é dia taʼa ye, yaa ndɨ é ncyɛn-nti-ncyɛn ɨ.

Mataos 25:23

«No ó masa we a ze lɛɛ e nye ó: “É mbɨa! Go ó mpaŋ syɛl mosa ebuʼlɔ, ebe, go a si gʉa baʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!

Lʉkas 17:30

Yé óbe nteme ó, jwɨʼ gwar e gwar yaa é dobo Mwan mo Mʉr óbâʼle nyin ɨ.

Markus 8:38

Bʉr o mya wi, bé ó kʉ be odul be ozyɛm ofih! Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam teme bɨbɨbla bɨ bʉr o mya wiʼ ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba mo Sɔŋ we, moncɛnba me zyɛŋa e maa beengles ndɨ mɨsaŋ ɨ.»

Rôm 8:18

Mbea wam, wé ó, mɨtuu bɨna lé ebɔma ga e mye é bananaʼ ɛ, myé ó sa ndɨ kʉ be mbɛh ɛ. Sa ndɨ é bwaʼ lɔb, laa mɨtuu myaa ɛ, yé ó kum Zyɛm ólɛʼle bɨna ga ɛ.

2 Korɛnt 1:5

Ebe, mpʉ bɨh lé ekabla mɨtuu mo Krɨst ɨ, jwɨʼ gwar e gwar yaa nteme ó bɨh lé ebi monkɔb é nkul we nye lé egba bɨh é mɨleme e.

1 Pyɛr 2:21

Zyɛm a jebe bɨn ó, bɨn saʼ nye syɛɛla yaa, ebe, Krɨst nye mʉr tɨʼ a si sia e mɨtuu é l'efu e nyɔm win. Nye a lɛʼle bɨn tɨʼ ó, dweʼle bɨn lé ejala le edu ɨ. Nye a sa no ó, bɨn nkʉʼ du mobò me. Yé ó tila ó:

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.