1 Pyɛr 4:11 - Kálara Zyɛ̌m Edwán é mpʉ̌n

¹¹ ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Kálar Nzyɛ̌m : Ejwán é Sáá

¹¹ Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

1 Pyɛr 4:11 ပူးပေါင်းရင်းမြစ်များ

1 Korɛnt 10:31

Ebe no, bɨn dam de mode nkʉ nyʉl monwoʼ, nkʉ bɨn dam sa yaa sɔʼɔ: saʼ ga syɛɛla yaa yiyɛh é l'efu le edwiibɨ Zyɛm tɨ!

Éfɛsɔs 6:10

Sa me lé eka tile bɨn é l'epihe e, yé ó: lela ga nkul é zyɛŋa win boo Da Yesʉs tʉŋlʉ, é mpwaʼ nkul we.

1 Pyɛr 4:10

Mpʉ mʉr nyiwɛh é l'esama ga lɨna a bi we mbi ndwɛa ɛ, nye bɨlana e ndwɛa we waa é l'efu le efuʼo bʉʉ bʉr o mbɛr Zyɛm win. Dɨʼe sa ga no, ebe, bɨn bé ó obɔʼlʉ o mɨlɔb mo Zyɛm, lé ekab bʉr mocyɛʼ mo mpom mo Zyɛm mɨmbi mɨmbi.

Mɨlʉmlʉ 7:38

Nye ó b'a kœʼ e bwa b'Ɨzraɛl, jɔʼ bé a be é feha si ɨ. Nye a be ó, bé e bɨmpam ga bina ndwe e l'engles a lwib e be é l'ecwɨʼ e Sinayi ɨ. Moyiz ó b'a taare bi mɨngwiha mɨlɔb é zi mo engles, ka ntɛŋ bɨmpam ga bina mya. Mɨlɔb myaa ó ndɨ edwe bʉr tiʼ molu mo mpoʼ mɨmɛh.

Éfɛsɔs 4:29

Bol lwib l'anyamle pʉʼa é nʉm win, njɨ yaa ndɨ e nyɔm é nko paʼ bʉʉ bʉr ɨ, ó bé gwɨa é buʼo yɔɔ. Yé ó é l'efu ó, Zyɛm sʉʼo bʉr o ndɨ ejoʼo bɨn ɨ, mocyɛʼ mo mpom. Lwib ye, yé diʼe sa ndɨ é bul jala ɛ.

Rôm 3:2

Yé e nyɔm é mozi mɨmɛh! Gumo nyɔm we ndɨ enyin ɨ, yé ó, Zyɛm a taare timle mɨngwiha mɨlɔb mye ó, bɨh oYʉden, ó bɨh baʼla mye.

Jacques 1:19

Obɨɔ o kpɛl bam aa! Diʼe ga é luumo, joʼlo bʉʉ bʉr. Alɨ lwib ga. Alɨ kpaa ga mompime,

Kolosi 4:6

Mokan mɨn, mé ejala le ebe é jɔʼ yiyɛh ó, é mbɨa mbɨa, lwɨŋla e nyɔm. Gʉa bɨha ga e mʉr nyiwɛh mbɨmbɨa.

1 Korɛnt 12:4

Yé é buo mɨmbi bɨntɔɔ Mbɨambɨa Sisim lé enol bɨn ɨ. Sa gwar, Sisim wɛɛ njɨ ngwar.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

Yʉ̂d 1:25

Nye ome ó ndɨ Zyɛm, nye nteme Tiʼbʉr ga wina. Kum, mpwaʼ, nkul le jwɨɨ, byé dweŋɔ Zyɛm é zyɛŋa ga wina boo Tî ga wina Yesʉs-Krɨst. Byé a bɛa be ó mbi jɔʼ yiʼ apa taare. Byé dina ó tɨ, ze pyal é banana. Byé óto dolo njʉmdia e njʉmdia. Amɛn.

Ebrœ̂ 5:12

Yi bɛa laa jɔʼ bɨn bé a jala le epam oyeʼle e. To kœb ó, yé dina lé ejɨ ó, bʉʉ bʉr bâʼla ze dwe bɨn sikʉlʉ efoʼ bɨn bé a taare dweŋɔ é mɨlɔb mo Zyɛm ɨ! Bɨn dina ó kʉ be mpʉ bɨcyee lé ede njɨ monyaŋ ɨ! Bɨn bé apa jyɛnba lé ede mode mo otamabʉr.

1 Timotɛ 6:16

Njɨ nye ome ó ndɨ abe e nkul edwè. Nye edi ó, é myɛn tʉŋlʉ, myɛn nuu mʉr ndɨ abe e nkul ekunbo e tɨʼ ɨ. Mʉr ngwar, nye apa bee nye. Mʉr abe e nkul ebee nteme nye. Kum, ndwe e nkul, byé dweŋɔ nye njʉmdia e njʉmdia. Amɛn.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

1 Korɛnt 3:10

Mocyɛʼ mo mpom mo Zyɛm, mé ó b'a sa ó, me sea mpʉ cyela nkan. Me a si dihbe ecyel nkan. Nuu mʉr nyɛɛ ze sil fumo. Yé ejala ó, mʉr nyiwɛh diʼe ncye é mbi fuma nye lé efumo-fumo e,

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

1 Pyɛr 5:11

Nkul ndwe e jwɨɨ, byé dweŋɔ nye njʉmdia e njʉmdia. Amɛn.

Jacques 1:26

ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Éfɛsɔs 5:20

É jɔʼ yiyɛh, dweʼ ga Zyɛm Sɔŋ ekiba é lɔb sa yiyɛh, é die mo Tî ga wina Yesʉs-Krɨst.

1 Korɛnt 6:20

ebe, Zyɛm a si jɛna bwaʼbwaʼ tɔɔ é jɔʼ nye a kʉr bɨn ɨ. No ó, dwiibɨ ga Zyɛm, le ebaʼle monyʉl mɨn ti.

Rôm 11:36

Yé abe e mʉr, ebe, Zyɛm ó b'a cye bɨsa bibyɛh. Byé a kwɨmlɨ nteme ó, dumo e nye. Sa yiyɛh, yé tɨʼ ó, é l'efu le. Bɨna gumla ga nye njʉmdia e njʉmdia. Amɛn.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

2 Korɛnt 9:13

Syɛɛ bɨn lé esea ɛ, yé ó bwaʼbwaʼ dweʼle, sa lé elɛʼle bʉr ó, bɨn bé ó obuʼla ɛ. Taare é jɔʼ bɨn bé a mɛʼle Mbɨambɨa Lɔɔ mo Krɨst ɨ, ze pyal é muh é dobo lɨ, bɨn bɨ fil monyʉl si, lé esa Zyɛm mojoʼo. Ebe no ó bʉr, bé ódwe Zyɛm kum ɨ, é jɔʼ bé óbee mpʉ bɨn lé egul be e mobi mɨn, kumo e bʉr bɨbɛh ɛ.

Rôm 16:27

É Zyɛm nye ome, waa ndɨ Cɨcyoo lé elaa mɨcɨcyoo mimyɛh ɛ, kum diʼe e nye é zi mo Yesʉs-Krɨst, njʉmdia e njʉmdia. Amɛn.

Yʉanes 13:31

É jɔʼ Yʉdas a pyal kʉl, to sa ye e, Yesʉs, nye e be ó: «Banana, kum Mwan mo Mʉr, nyi nyin. Kum mo Zyɛm Sɔŋ, nyi nyin nteme é nye.

Rôm 12:3

Zyɛm a si lɛʼle me ncwɨncwɨa we. É zi ncwɨncwɨa we waa ó me lé elɛɛ e mʉr nyiwɛh ndɨ é l'esama lɨn ó: mʉr beʼ l'abul láa nye mʉr tɨ. Nye seʼla nye mʉr tɨ, antaa njɨ. Mʉr nyiwɛh, nye pahla nye mʉr tɨ, nye nkʉʼ gʉa mbi mʉr nye ndɨ ɨ, lé edu mbi buʼo Zyɛm a gba nye é leme e.

2 Korɛnt 2:17

No ó, bɨh bɛɛ, bé abe mpʉ obɛma o mɨlɔb mo Zyɛm. Zyɛm a lomo bɨh ó, loma. Lwib yaa, yé eduho bɨh é mɨmo si. Bɨh bé elwib mɨlɔb mye ó, é mih mo Zyɛm, é lɔb zyɛŋa wih boo Krɨst.

Éfɛsɔs 1:19

Me ejwɨʼla nteme ó, bɨn gʉŋa mpwaʼ nkul we, waa lé elaa sa yiyɛh ɛ. Bɨn gʉŋa nteme mpʉ nye lé eze bɨna ga é nkɔm e mpwaʼ nkul waa ɛ. Nye egba nyʉl lé efuʼo bɨna ga, bʉr o b'a jyɛʼ taa buʼo yina boo nye e.

1 Tesalonika 2:4

Bɨh bé a lwib e bɨn ó, lé edu mpʉ Zyɛm lé ekpɛl ɨ. Nye a ntɨh bɨh Mbɨambɨa Lɔɔ we ó, bɨh lɛŋɨ bʉr wa. Bɨh bé a baasaa enyin mbɨmbɨa é mih mo bʉr, njɨ é mih mo Zyɛm, waa lé epahle mɨleme ga mina ɛ.

Títos 2:1

Gwɔɔ, dɨʼe dwe bʉr sikʉlʉ é sa yiyɛh lé ejala e mpaŋ sikʉlʉ bɨna lé ejwɨʼ ga ɛ.

Títos 2:15

No ó go lé ejala le elwib e bʉr, le etɨe be e. Dweʼ bʉr mobe e nkul mojwɨ̀ʼa go ndɨ e nye e. Mʉr beʼ l'apyeh go.

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

1 Pyɛr 4:16

Sa gwar, mʉr lé ebɔma e bɨntɨʼa ebe nye ndɨ kristen ɨ, nye l'ayi joʼo fwon ebe bɨntɨʼa byaa. Nye gumla njɨ Zyɛm, ebe, nyi mɛʼle ó, nye nkɛŋɨ die mo Krɨst.