1 Pyɛr 3:8 - Kálara Zyɛ̌m Edwán é mpʉ̌n

⁸ Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.

Kálar Nzyɛ̌m : Ejwán é Sáá

⁸ Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

1 Pyɛr 3:8 ပူးပေါင်းရင်းမြစ်များ

Rôm 12:10

Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Éfɛsɔs 4:31

Pɛʼɛ ga edwie e leme e l'empime é mɨleme min. Adi ga okpɔɔ, e bʉr o montɛɛ ndwe e baanya-movoʼ. Pɛʼɛ ga mobebe mɨmɛh.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Éfɛsɔs 4:2

Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

1 Korɛnt 12:26

ǃƗ fum nyʉl gwar si bi tuu nɛʼɛ, byʉʉ bibyɛh, byé ósia e tuu waa nteme. ǃƗ yʉʉ fum nyʉl si dweŋɔ modile nɛʼɛ, bé e byʉʉ bɨfum bɨ nyʉl bibyɛh, byé ósoho.

Mataos 18:33

Zê yé baakʉ jala ó, go jwɨʼɨ mʉr nduo go nkoo, é mpʉ mɛm nteme jwɨʼ go nkoo e?”

1 Yʉanes 3:14

Bɨna bé egʉa ga ó, bɨna bé a pàh, ntɔʼ bi tiʼ molu mo mpoʼ mɨmɛh ó, ebe kpɛl bɨna lé ekpɛl ga obuʼla ɛ. Mʉr ndɨ akpɛl bʉr ɨ, nye dina ó ndwè.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

Mɨlʉmlʉ 4:32

Obuʼla bɨbɛh, bé a be ó leme ngwar ndwe e sisim ngwar. Abe e mʉr ngwar é sama yɔɔ a be e nkul elɛɛ ó, bɨsa bye, byé a kʉ gumo ó njɨ e nye mʉr tɨ, agumo nteme e bʉʉ bʉr. Paʼ wɔɔ, sa yiyɛh, yé a baʼlɔ-baʼlɔ ó zyɛŋa.

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

Ebrœ̂ 13:1

Kpɛl obuʼla, yé toʼ dolo lé egwɨe.

2 Pyɛr 1:7

É l'edwaabe Zyɛm, kɛlɨ ga efo paʼra obɨɔ e l'obɨɔ. É l'efo paʼra obɨɔ e l'obɨɔ, kɛlɨ ga kpɛl.

1 Pyɛr 2:17

Dwaaba ga bʉr bɨbɛh. Kpɛlɨ ga obuʼla o Mbɛr-Zyɛm. Dwaaba ga Zyɛm. Dwaaba ga mʉr lal ga wina kɛɛza.

Jacques 5:11

Bɨna bé elɛɛ ga ó, mʉr ósʉŋɔ mocyɛʼ mo mpom ɨ, nye óbe ó waa a dihbe mɨtuu ɨ. Bɨn bé a be ó si joʼo mpʉ Job a dihbe mɨtuu ɨ. Bɨn nteme bɨ bee sa Da a sa nye é jɔʼ epihe e, ebe, nye é mpwaʼ ncwɨncwɨa e njwɨʼa-nkoo.

Jacques 2:13

Mʉr ndɨ ajwɨʼ bʉr nkoo e, nye nteme, nye aŋa jwɨʼɔ nkoo é dobo Zyɛm ótiʼe lɔb we e. Njwɨʼa-nkoo, wé ekʉ doʼo é mih mo tiʼ mɨlɔb.

Filipi 3:16

Sa ndɨ tɨʼ yé ó, bɨna toʼ ga dolo lé ekœʼ ebò e cyen egwar bɨna ga ndɨ e le é bananaʼ ɛ.

Rôm 15:5

Zyɛm ó ndɨ esa ó, bɨna saʼ ga bihbe. Nye nteme ó lé egba bɨna ga nkul é monyʉl. Nye cyɛba bɨn é mɨleme, ó bɨn diʼe e mbi pɛhla ngwar, waa Yesʉs-Krɨst ótɨe bɨn ɨ,

Mɨlʉmlʉ 28:7

Tɨʼ é dine laa, yé a be ó e njwɨ̂ʼ mʉr wé a be e bii ye e, die le Publɨɔs. Nye a be ó si bɨlan e bɨh, bɨh ze ja é mbɛr we tɔɔ molu molɛl.

Mɨlʉmlʉ 27:3

É mɛn tɨ, bɨh bé a be ó si to pyal Sidɔn. No ó, Yʉlios a be ó si nʉa Pol mbɨmbɨa. Nye e nye ó, nye toʼ boo ofo be, to bee be, diŋa ó, bé ódwe nye mɨngula.

Mɨlʉmlʉ 2:1

É jɔʼ ebʉʼ e Paŋtekot, lé a pyal ɨ, obuʼla bɨbɛh, bé a be ó zyɛŋa, gumo gwar.

Lʉkas 10:33

No ó, yé a ka ze be ó, nuu mʉr Samari a be ó lé ecwɨɨ é zi ngwar waa, nye nteme ze pyal é gumo yaa. Mbea nye a bee mʉr waa ɛ, nye kʉ ze jwɨʼ nye nkoo,

Éfɛsɔs 4:32

Diʼe ga e ncwɨncwɨa e nkʉnkoo paʼra win. Pɛʼla ga bɨbaa bɨ ebebe bɨn ndɨ eniʼla paʼra win ɨ, mpʉ Zyɛm a pɛʼ byaa nye a niʼe bɨn dumo e Krɨst ɨ.

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.