1 Pyɛr 3:5 - Kálara Zyɛ̌m Edwán é mpʉ̌n

⁵ Molu pihe, bʉba bé a be mɨsaŋ é mih mo Zyɛm ɨ, mɨleme myɔɔ, myé a be ó lwɨŋla e mbɛla é nko paʼ mo Zyɛm. Bé ntɔʼ gba mpaŋ ojaa waa é monyʉl mɔɔ tʉŋlʉ. Bé a dɨ sa ojʉm bɔɔ ó, njɨ mojoʼo.

Kálar Nzyɛ̌m : Ejwán é Sáá

⁵ Ɨ́ mimbú mí píhe, bʉbá bé á be tí ɨ́ míh mé Nzyɛ̌m bá, bé á si bi mpûʼla ɨ́ miléme ɨ́ páʼ mé Nzyɛ̌m, bé ntɔ̂ʼ sáa égbâ ójaá ompâ waá ɨ́ menyʉ́l mɔ́ɔ́ tʉ́ŋlʉ̌. Bé á sɨsâ ojʉ́m bɔ́ɔ́ ó, mejóʼo.

1 Pyɛr 3:5 ပူးပေါင်းရင်းမြစ်များ

1 Timotɛ 5:5

No ó, kuho wé a liʼɔ é ntɛʼɛ ɛ, leme we, wé eka liʼ lé eloŋlo e mbɛla ó, njɨ ebe Zyɛm. Moho e pum, wé ó njɨ lé ejwɨʼla e Zyɛm é l'efu le nye mʉr tɨ, ó nye fuʼa we.

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

1 Timotɛ 2:15

Nye óbi yɛɛ tiʼ molu mo mpoʼ mɨmɛh é l'ebya nye lé ebya ɛ, nkʉ nye ójyɛʼ taa buʼo ye boo Zyɛm, le ekpɛl bʉr, ndwe le ebaʼle bé bʉr o tɨʼ ti. Bé diʼe e pɨʼ é lɔb waa.

Mɨlʉmlʉ 9:36

Nuu mpʉn mʉma a be ó ɨ Yope, die le Tabita. (No yé é lwib grɛk ó, Dɔrkas.) Jɔʼ yiyɛh, nye a be ó lé ebul sa bɨsyɛɛla bɨ ncwɨncwɨa, le efuʼo-fuʼo baanteʼenteʼe.

Lʉkas 2:37

njʉm we ze dwè, nyɛɛ ntɔʼ liʼ kuho. Nye a si di é l'ekuho le, to pyal é jɔʼ nye a be, nye mu e mɨmbu mowʉm mwom e mɨnâ ɛ. Nye a baabɔʼa e jahla bii mo Zyɛm. Nye a dwiibɨ Zyɛm tɨʼ ó, moho e pum. Nye a be-be ó lé eti mode e bɨjɔʼ, le ejwɨʼla e Zyɛm.

Ebrœ̂ 11:11

É zi buʼo, nye a si bya mwan, nye osi laa jɔʼ nye a be ó, nye diʼe sɔŋ ɨ, ebe, nye a buʼla ó, waa a kɛʼ nye mwan ɨ, a be ó mʉr ebuʼla.

1 Timotɛ 2:10

Bé ejala le elɛʼle bʉr ó, bé e bɨsyɛɛla bɨ ncwɨncwɨa lé ejala e bʉba lé edwaabe Zyɛm ɨ.

Mɨlʉmlʉ 1:14

Mɨleme, myé a be ó be é ntɨɨɨŋ ó, bé gbaʼ monyʉl é syɛɛ mɨnjwɨʼla. Tɨʼ yé a be ó le obuʼla o bʉba, le Maaria, nyɔŋ mo Yesʉs, ndwe e l'obɨɔ mo Yesʉs.

Éfɛsɔs 5:33

Sa ndɨ tɨʼ yé ó, mʉrʉm nyiwɛh, nye ejala le ekpɛl myɛl we mpʉ nye lé ekpɛl nye mʉr tɨʼ ɨ. Mʉma nyɛɛ, nye dwaaba njʉm we.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.