1 Pyɛr 3:21 - Kálara Zyɛ̌m Edwán é mpʉ̌n

²¹ Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Kálar Nzyɛ̌m : Ejwán é Sáá

²¹ Medíbé maá, mé mveʼle ó, ndubó dí etíʼ bɨ́n ɨ́ báánâʼ wɨ́. Ndubó gá wɨ́ná, wé atíʼ mɨ́ná gâ ɨ́ lɔ̌b wé dí epɛʼ mɨ́ná gá mebomo. Wé tíʼ mɨ́ná gá ó, ebe wé dí gwɨ́má yɨ́ná ó, Nzyɛ̌m púbaa mɨná gâ, tó kumo ɨ́ milémé gá míná tʉ́ŋlʉ̌, ó mipahlá mi tɨ̂ʼ nkʉ̂ di ɨ́ pyɛɛɛ. Wé pubo mɨ́ná gá miléme myaá ó, ɨ́ nzɨ̌ pahá sóo mé Yésʉs-Krîst.

1 Pyɛr 3:21 ပူးပေါင်းရင်းမြစ်များ

Markus 16:16

Waa ójyɛʼ taa buʼo ye boo me, ntɔʼ nʉa ndubo e, nye óbi tiʼ molu mo mpoʼ mɨmɛh. Waa óbe, ajyɛʼ taa buʼo ye boo me e, nye ókabɔ bɨntɨʼa ndɨ é laŋle bebe e.

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Galásia 3:27

Ebe, mʉr nyiwɛh é l'esama lɨn a nʉa ndubo é modibe, ntɔʼ di é zyɛŋa wɔɔ boo Krɨst ɨ, nyi «bwar» Krɨst é nyʉl!

Mɨlʉmlʉ 22:16

No ó, banana, yé go lé eka bâʼle bono e? Mʉŋa si. Nʉŋa ndubo. Go à puba é nko paʼ mɨsyem myo, lé ejebe die le.”»

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

1 Korɛnt 12:13

Bɨna ga bɨbɛh bé a si nʉa ndubo ngwar, ntɔʼ ka di nyʉl ngwar é zi Sisim ngwar. Sisim ngwar ó b'a ze di é mɨleme ga mina. Bɨna ga bé ó jwɨʼ gwar yaa, mʉr dam be Yʉden, nkʉ mʉr kul fih, nye dam be elʉa, nkʉ mʉr ndɨ é dia otî ɨ.

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Ebrœ̂ 9:24

Ebe, odia mo Zyɛm ndɨ e l'ekɛn, waa bʉr, bé a fumo e, ntʉʼ odia waa Krɨst a ni ɨ. Wiha, wé a be ó zɨze dweʼle, sa lé elɛʼle mpaŋ odia mo Zyɛm ndɨ é jobo kʉ ɨ. Mpaŋ odia waa ó nye a ni. Nye mu ó lé edi tɨʼ é jobo kʉ é l'efu ga lɨna, lé ecyɛb é mih mo Zyɛm Sɔŋ.

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

1 Korɛnt 4:6

Obɨɔ ga bam aa! Kalara me mu lé etile bɨn nwaʼ ɛ, nye e nyɔm é l'efu lɨn. Me etile wâʼ ó, é lʉ wih boo Apolos, lé enʉa bɨh mpʉ dweʼle, sa lé elɛʼle bɨn ó, mʉr, nye ajala le enkɛɛ nyʉl, nkʉ seʼle mʉr fih mʉr kɛ̀l. Me esa no ó, bɨn jwɨʼɨ sa kɨkɛna yiʼ lé elɛɛ ó: «Mʉr antaa ga sa ndɨ tila é Kalara Zyɛm» ɛ.

Mɨlʉmlʉ 16:33

Mbɔʼlʉ waa ze nʉa be é l'ewala e pum laa, ze jwɨ̀ɨ be mopɨɨ. Jɨh tɨʼ nye a kʉ sil jomo be mopɨɨ, nye mʉr tɨ, bé e mbɛr bʉr we wiwɛh, bé ntɔʼ ze nʉa ndubo.

Mɨlʉmlʉ 8:36

É mpʉ bé a to-to zi e zi ɨ, bé ze pyal é dibe. Myaʼ mʉr waa ntɔʼ lɛɛ e nye ó: «Paʼ bee modibe ma. Yé ndɨ e nkul eka kamle me lé enʉa ndubo ɛ?» [

Rôm 5:14

Dam be no, taare é Adam, to pyal é Moyiz, Efie, lé a be ó lé ejwɨʼ mʉr nyiwɛh. Yé cyecye ó, bʉr bɨbɛh bé a baasa syem mpʉ mo Adam, mʉr a taare ntaa etie mo Zyɛm ɨ. Adam, nye ó dweʼle, sa lé elɛʼle mʉr Zyɛm a tiʼe é leme we ó, nye óntɨh bɨna ga ɛ.

Ebrœ̂ 11:19

Nye a jwɨʼ ó, Zyɛm óbɛm pɛ̀h Ɨzak é foo. Bɨna bé óbɛm lɛɛ ga ó, nye a si bâʼle nʉa Ɨzak pie e l'efie le.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

Ebrœ̂ 13:18

Dɨʼe sa ga mɨnjwɨʼla é l'efu lɨh. Bɨh bɨ kʉ gʉa ó, mɨpɛhla mɨleme mih, myé ó njɨ myaa ndɨ é pyɛɛɛ ɛ. Bɨh bé e gwɨma ó, bɨna kœʼœ ga ebò e cyen ndɨ cɨcyel ɨ, é bɨcye bibyɛh.

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

Yʉanes 13:9

Simɔn Pyɛr, nye e nye ó: «Da, yé be no nɛʼɛ, ajwɨ̀ɨ me njɨ mokʉ e mokʉ. Jwɨ̀ŋɨ me nteme mobo ndwe e lʉ.»

Mɨlʉmlʉ 8:37

Filip ze bɨha ó: «Yé be ó, go ejyɛʼ taa buʼo yo boo Yesʉs e leme go wiwɛh nɛʼɛ, yé abe e sa kamle go lé enʉa ndubo.» Nye ze lɛɛ ó: «Me ebuʼla ó, Yesʉs-Krɨst, nye ó Mwan mo Zyɛm.»]