1 Pyɛr 3:18 - Kálara Zyɛ̌m Edwán é mpʉ̌n

¹⁸ Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Kálar Nzyɛ̌m : Ejwán é Sáá

¹⁸ Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

1 Pyɛr 3:18 ပူးပေါင်းရင်းမြစ်များ

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Ebrœ̂ 9:26

Nkʉ Krɨst a be ó be, be lé edwe Zyɛm nyʉl we zɔʼ e zɔʼ tɔɔ motwina nɛʼɛ, mpa nye a be ó si bee tuu zɔʼ e zɔʼ, duho é l'etɛɛrɨ e si nwaʼ ɛ. To kœb ó, nye a kʉ ka nyin é si nwaʼ ó njɨ é jɔʼ gwar e gwar é kpɔŋ. Yé a be ó é jɔʼ esie e mbi jɔʼ yi, lé a pyal bɨna ga ɛ. Nye ze kɛha nyʉl we, lé epɛʼ bʉr bɨbaa Zyɛm a niʼe be é lɔb mɨsyem myɔɔ é jɔʼ gwar é bɨjɔʼ bibyɛh.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

1 Pyɛr 4:6

Ebe no ó Mbɨambɨa Lɔɔ, wé a lɛɔ boo «odwè» e. Zyɛm a dwe be mobe cye yiyɛh bé a be, bé dina kʉ ɨ, é l'efu ó, é jɔʼ bé ódime mih mpʉ bʉr bɨbɛh lé edime mih ɨ, bé diʼe e mɨsisim mɨkublakubla, mpʉ Zyɛm ndɨ ɨ.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

1 Yʉanes 1:9

To kœb ó, yé be ó, bɨna bé si gwih ga mɨsyem ga mina nɛʼɛ, Zyɛm ósa sa ndɨ cɨcyel ɨ, ebe, nye ó mʉr ebuʼlɔ. Nye ópɛʼ bɨbaa bɨ ebebe bibyɛh nye a niʼe bɨna ga ɛ, le epubo bɨna ga é bɨsyɛɛla bɨ ozyɛhozyɛh ga bina bibyɛh.

Rôm 4:25

Nye waa bʉr, bé a kɛha ɛ. Nye ze jala e motie bɨna bé a ntaa ga ɛ. Pie tɨ, Zyɛm ze pɛ̀h nye é foo ó, bɨna biʼe ga mokebe é nye pɛʼɛ bɨna ga é nkar, ó bɨna sɔba ga é feerɨ.

1 Pyɛr 4:1

Ebe no ó Krɨst a sia e mɨtuu é nko paʼ nyʉl ɨ. Bɨn bɛɛ, bé ejala le ebɛa bi mbi pɛhla ngwar we, ebe, mʉr mu si sia e mɨtuu é bɨpuno bye e, nyi gwaʼ lé eka sa syem.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

2 Korɛnt 13:4

Yé cyecye ó, nye a si bomlɔ e mosen, bɨnɔ é klos kʉ ebe ecyɛʼ le. Sa gwar, nye mu ó lé etiʼe é nkul mo Zyɛm. Banana, bɨh bé é cyɛʼ é zyɛŋa wih boo Krɨst. Sa gwar, ebe nkul mo Zyɛm, bɨh e boo nɔɔ, bé ótiʼe é nyɔm win.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Rôm 1:4

É nko paʼ mo Sisim we ndɨ ti ɨ, nye a si jwɨrɔ ó «Mwan mo Zyɛm» e bwaʼbwaʼ nkul ebe pɛ̀ha foo: Tî ga wina Yesʉs-Krɨst.

Jacques 5:6

Bɨn bé a si dwe ocɨcyel o bʉr mobe mo twii ceme, le ejʉ be. Bɛɛ nteme, bé a be ó, abe e nkul esa bɨn mongan.

Mɨlʉmlʉ 3:14

Bɨn bé a bana ó, kɛha mʉr nyoonkan a baagʉa lɔb, waa ndɨ ti ɨ, ze dî e Pilat ó, nye birɨ bɨn mʉrʉm fih, waa a be njʉl bʉr ɨ.

2 Korɛnt 1:24

Bɨh bé alɛʼle bɨn mpel é nko paʼ buʼo. Bɨna ga bé ó é l'empomo e syɛɛ egwar é l'efu ó, bɨn soha é buobuo. Taa buʼo bɨn bé a jyɛʼ boo Zyɛm ɨ, yé ó ndɨ esa ó, bɨn cyɛba é nkʉʼʉ.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Mɨlʉmlʉ 22:14

No ó nye a lɛɛ e me ó: “Da Zyɛm, Sɔŋ bɨmpam ga bina a bɛa pɛh go ó, go gʉŋa gwɨma ye, ó go beŋɨ waa ndɨ Cɨcyel Mʉr ɨ, ó go joʼa nteme nye lé elwib e nʉm we nye mʉr tɨ.

Mataos 27:19

É jɔʼ nye a be, nye dina lé elwib lɔb waa é dia tiʼà mɨlɔb ɨ, myɛl ntɔʼ lomlo nye twii ó: «Atœb lɔb wi, ebe, me be ó si bul sia e bɨlima muh é pum wiʼ é lʉ mo cɨcyel mʉr nɨ.»

Mataos 27:24

Mpʉ Pilat a bee ó, bé a baakpɛl joʼo nye e, ndwe nteme ó, ntuntuma bʉr, yé amu jaa sa bɨntʉ ɨ, no ó nye a ze nʉa modibe, ze jwɨ̀ɨ mobo me é mih mo ntuntuma bʉr yaa. Nye ó: «É paʼ efie mo mʉr nwa, me ó mʉr ndɨ agʉa lɔb ɨ! Lɔb win ó nɨ!»

Yʉanes 16:10

Nye ólɛʼle be sa ndɨ ocɨcyel ɨ, ebe, me ebula ó, to nko Sɔŋ wam ndɨ ɨ. Bɨn bé aŋa ka bee me.

Éfɛsɔs 3:12

É zyɛŋa ga wina boo Krɨst, bɨna mu ó lé ecyɛb ga Zyɛm é mih, abe e bʉa, é zi ejyɛʼ taa buʼo ga yina boo nye. Bɨna ga mu ó e cɨcyel zi lé eto cyɛb é mih me e.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

1 Pyɛr 3:19

É nyʉl sisim we ó nye a to lɛɛ lɔɔ mpa boo mɨsisim myé a be mɨmbʉʼ ɨ.