1 Pyɛr 3:16 - Kálara Zyɛ̌m Edwán é mpʉ̌n

¹⁶ Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

Kálar Nzyɛ̌m : Ejwán é Sáá

¹⁶ Sáʼ gá nó e njwɨr ɨ́ tala tala, ndu e bʉ́á. Mipahlá mílémé mín, myé díʼee njɨ myaá mi dí ɨ́ pyɛɛɛ mí. Bɨ́n dú mbɨambɨa kʉ̌ tyen ɨ́ Krîst, bʉ̂r kǎ swêʼ bɨ́n míe náǎ tɨ̂ʼ nɛ́ɛ: bé ósûʼlǎ kǎ jóʼo sôn, ebe bé dí bʉr o mélwɨ́ɨ.

1 Pyɛr 3:16 ပူးပေါင်းရင်းမြစ်များ

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Ebrœ̂ 13:18

Dɨʼe sa ga mɨnjwɨʼla é l'efu lɨh. Bɨh bɨ kʉ gʉa ó, mɨpɛhla mɨleme mih, myé ó njɨ myaa ndɨ é pyɛɛɛ ɛ. Bɨh bé e gwɨma ó, bɨna kœʼœ ga ebò e cyen ndɨ cɨcyel ɨ, é bɨcye bibyɛh.

1 Pyɛr 2:15

Sa Zyɛm lé egwɨm é win paʼ, yé ó: bɨn cwɨa e bʉr, bɨgʉ nkʉʼ di é jwɨm, aka lwib sa ndɨ asiŋa ɛ.

Títos 2:8

Lwib yo, yé duʼo mpaŋ sikʉlʉ bɨna lé ejwɨʼ ga ɛ. Ebe no ó bʉr bé óbe, akœb sa elɛɛ é l'ebebe, tiibe e lwib yo e. Bʉr o dɔm onɨ, bé óka joʼo fwon nteme, bé l'abe e sa ebebe bé ólɛɛ, tiibe e bɨna ga.

Mataos 5:11

Mocyɛʼ mo mpom, mé ó e bɨn é jɔʼ bé ólwɨɨ bɨn, tíile bɨn le efœʼ bɨn mɨmbi mimyɛh é lɔb wam.

1 Pyɛr 2:19

ǃBé si dwe mʉr mobe mo mpene, ntɔʼ kab mʉr waa bɨntɨʼa tɨʼ nɛʼɛ, ǃɨ mʉr waa si sia e bɨntɨʼa byaa ebe nye lé edwaabe Zyɛm nɛʼɛ, nye ósʉŋɔ mocyɛʼ mo mpom mo Zyɛm.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

Rôm 9:1

Me ekʉ lɛɛ ocyecye é zyɛŋa wih boo Yesʉs-Krɨst. Me alɛɛ mpʉl. Mɨpɛhla mɨ leme wam, myé ekʉ boʼlo lɔɔ waa é zi mo Mbɨambɨa Sisim.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

2 Timotɛ 1:3

Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.

1 Timotɛ 1:19

Go óbaʼle buʼo yo e mɨpɛhla mɨ leme ndɨ é pyɛɛɛ ɛ. Bʉʉ bʉr, bé a si tine buʼo yina, buʼo yɔɔ yaa ntɔʼ lɨra, mpʉ titima lé edɨ é modibe, dim ɨ.

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

Mɨlʉmlʉ 28:22

No ó, bɨh bé ekpɛl joʼo mpʉ go lé epahle mɨlɔb myaa ɛ, ebe, é nko paʼ wih, sa bɨh bɛɛ ndɨ egʉa ɛ, yé ó, é bɨgumo bibyɛh, bé etɨ-tɨ mɨlɛa mɨ tɨ.»

1 Pyɛr 4:4

Bʉr o ndɨ abuʼla onɨ, bé mu ó lé ekʉ jehe lé ebee ó, bɨn e boo nɔɔ, bé aka lɔʼba lé enyʉl monwoʼ, le edaʼre fwon é monyʉl mpʉ bɨn e boo nɔɔ, bé a sa-sa ɛ. Bé mu ó lé elwɨɨ bɨn tɨ.