1 Pyɛr 3:13 - Kálara Zyɛ̌m Edwán é mpʉ̌n

¹³ Zé a ngbaa sa bɨn cere é jɔʼ mɨleme, myé ó bɨn é ntɨɨɨŋ ó, bɨn saʼ embɨa ɛ?

Kálar Nzyɛ̌m : Ejwán é Sáá

¹³ Nzé ósâ bɨ́n ebébe ɨ́ jɔʼ mílémé mín mû ɨ́ báná báná ó, bɨ̌n sâʼ embɨa yɨ́ ɛ́?

1 Pyɛr 3:13 ပူးပေါင်းရင်းမြစ်များ

1 Tesalonika 5:15

Mʉr abuulo ebebe e l'ebebe. Saʼ ga bɨsyɛɛla bɨ ncwɨncwɨa paʼra win boo bʉr bɨbɛh.

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

1 Korɛnt 14:1

Saŋa ga zi ekpɛla. Gwɨmɨ ga bɨntɔɔ Zyɛm lé ebɛa nol bwan be e, kʉ bul be é l'efu ó, bɨn gwihɨ mɨlɔb mye.

Rôm 13:3

Baa lé esa embɨa ɛ, bé abe e bʉa é mɨleme lé ecyɛb é mih mo ojwɨʼa. To kœb ó, osyɛl be ebebe, bé ó ndɨ e bʉa waa é mɨleme myɔɔ. Zê go lé egwɨm ó, mɨpɛhla mɨ leme myo, myé diʼe é pyɛɛɛ jɔʼ yiyɛh é mih mo ojwɨʼa baa ɛ? Saʼ be embɨa, bé nkʉʼ seʼle go.

Éfɛsɔs 5:1

Ebe no, nʉŋa ga dweʼle tiʼ mo Zyɛm, ebe, bɨn mu ó bwan o kpɛl be!

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.