1 Pyɛr 3:11 - Kálara Zyɛ̌m Edwán é mpʉ̌n

¹¹ Nye gwɨma ebebe nye a dɨ sa ɛ, le edwir leme. Nye dɨʼe sa njɨ embɨa. Nye saŋa zi edi é motala paʼra bʉr e bʉr, le ekœʼ nteme tɨ.

Kálar Nzyɛ̌m : Ejwán é Sáá

¹¹ Nye túmaa koo le ebébe. Nye sɨ̂saʼ njɨ embɨa. Nye tôʼ le egbâ mépyɛbla páʼ bʉ̂r e bʉr. Nye dúʼoo nzɨ̌ dí e mepyɛbla nyɨ́.

1 Pyɛr 3:11 ပူးပေါင်းရင်းမြစ်များ

Mataos 5:9

Mocyɛʼ mo mpom e bʉr o ndɨ egba motala paʼra bʉr e bʉr ɨ, ebe, bé ójebe be ó, bwan mo Zyɛm!

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Rôm 14:19

É mpʉ yé ndɨ no e, bɨna gbaʼ ga monyʉl lé esa bɨsyɛɛla lé esa ó, sama ga yina tiʼa é motala ɛ. Saʼ ga nteme byaa byé ógwɨl bʉʉ bʉr é nko paʼ buʼo yɔɔ ɛ.

Kolosi 3:15

Krɨst cyɛba bɨn é mɨleme, ó mɨleme min loŋla e motala. Ebe no ó Zyɛm a jebe bɨn ó, bɨn syɛŋa é nyʉl ngwar ɨ. Dweʼ ga nye kum é jɔʼ yiyɛh é bɨsa nye lé esa bɨn ɨ.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Rôm 12:18

Yé bana bɨn nɛʼɛ, saʼ ga mbi wiwɛh é nko paʼ win ó, bɨn e bʉr bɨbɛh, diʼe é motala.

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.

Jacques 4:17

Ebe no, mʉr waa lé egʉa mpaŋ syɛɛla nye lé ejala le esa ɛ, ntɔʼ bula di, asa ye e, nyi sa syem.

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Rôm 8:6

Ebe, bʉr o ndɨ epahle njɨ bɨgwɨma bɨ nyʉl bɨpuno e, byé edaʼre ó efie é monyʉl mɔɔ. Gwɨma mo Mbɨambɨa Sisim yɛɛ, yé edwe bʉr tiʼ molu mo mpoʼ mɨmɛh ndwe e motala.

Rôm 7:21

No ó, sa me lé ebee é jɔʼ yiyɛh ó yi: é jɔʼ me lé egwɨm sa embɨa ɛ, ebebe lɛɛ ó me lé eka koʼo lé esa ɛ.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Yʉanes 17:15

Me ajwɨʼla ó, go pɛʼɛ be é si nwa. Me ekʉ ka jwɨʼla ó njɨ go kamla e be é nko paʼ mo Bɨbla-mʉr.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Mataos 5:45

Bɨn saʼ no é l'efu ó, bɨn nkʉʼ kœʼ ebò e cyen lé ejala e bwan mo Sɔŋ win ndɨ é jobo kʉ ɨ. Nye esa ó, dobo le, lé kaha é l'efu e bʉr o ndɨ é bebe, le baa ndɨ é mbɨa ɛ. Zyɛm, nye esa nteme ó, mpie nwɨŋɨ é l'efu le ocɨcyel e l'ozyɛhozyɛh o bʉr.

Rôm 7:19

Embɨa me lé egwɨm sa ɛ, ntʉʼ le me lé esa. Me esa ó, njɨ ebebe me lé ebul bene e.

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Lʉkas 6:9

Yesʉs ze lɛɛ e be ó: «Me edî bɨn ó: Zê embɨa ɛ? Zê ebebe ɛ? Etie ga lɨna, lé lé ekamle yé é moho saba ɛ? Zê etiʼ mʉr ɛ? Zê edimle mʉr ɛ? Yé ndɨ kɔmlʉ ɛ?»

Lʉkas 1:79

Mɨmbah, myé ókʉn bɨna ga bʉr o b'a be-be é l'edurʉ, baa b'a be-be é ka foo e. Nye ólɛʼle bɨna ga ebò e cyen bɨna lé ejala le ekœʼ ga ɛ, bɨna ga e boo nɔɔ nkʉʼ tiʼe é motala.»

Markus 14:7

Ebe, bɨn e baanteʼenteʼe ó ndɨ é jɔʼ yiyɛh. É jɔʼ yiyɛh bɨn kpɛl ɨ, bɨn bé óbɛm sa be mombɨa. To kœb ó, bɨna bɛɛ, bé ákwoʼ di ga jɔʼ yiyɛh.

1 Pyɛr 3:12

Ebe, mih mo Da, mé edwɛʼ-dwɛʼ ó, njɨ baa ndɨ ocɨcyel ɨ. Nye ejoʼlo ó mɨnjwɨʼla myɔɔ. Nye epem ó baa bɨbɛh lé esa ebebe e.»