1 Pyɛr 3:1 - Kálara Zyɛ̌m Edwán é mpʉ̌n

¹ Bɨn bʉba ɛɛ! Saʼ ga ojʉm bɨn mojoʼo. ǃƗ nuu mʉr é sama bʉrʉm baa si sa lɔɔ Zyɛm ebɨh nɛʼɛ, nye óbana buʼla yɛɛ ebe mbɨambɨa ebò e cyen myɛl lé ekœʼ œ. Yé aŋa jɨ é nko paʼ mʉma nɨ ó, nye lɛŋɨ njʉm lʉʉ ekan,

Kálar Nzyɛ̌m : Ejwán é Sáá

¹ Ɨ́ jwɨʼ gwár yaá, bɨ̌n bʉbá, sáʼ gá ojʉ́m bɨ́n mejóʼo. Nyʉ́ʉ́ mʉ̂r ngwár ɨ́ sɔ́má ójʉ́m bɨ́n béné ébûʼla mílɔ̌b mé Nzyɛ̌m nó, nye óbɛ̌m kǎ bûʼla yɨ́ɛ ó, ɨ́ lɔ̌b kʉ̌ tyen mʉ́má wé dí edû wɨ́. Yé ajɨ ɨ́ páʼ mʉ́má ó, nye lɛ́yɨɨ njʉ̂m lʉ́ʉ́ ékǎn eswîh.

1 Pyɛr 3:1 ပူးပေါင်းရင်းမြစ်များ

Kolosi 3:18

Bɨn bʉba, saʼ ga ojʉm bɨn mojoʼo. Baa ndɨ é zyɛŋa wɔɔ boo Da Yesʉs ɨ, bé ejala le edi no.

Éfɛsɔs 5:33

Sa ndɨ tɨʼ yé ó, mʉrʉm nyiwɛh, nye ejala le ekpɛl myɛl we mpʉ nye lé ekpɛl nye mʉr tɨʼ ɨ. Mʉma nyɛɛ, nye dwaaba njʉm we.

1 Korɛnt 11:3

Me egwɨm ó, bɨn gʉŋa ó, Krɨst, nye ó njwɨʼa mo mʉrʉm nyiwɛh. Njʉm, nye ó njwɨʼa mo myɛl. Zyɛm Sɔŋ, nye ó Njwɨʼa mo Krɨst.

1 Korɛnt 7:16

Mʉma ndɨ mbuʼla ɛ, go ógʉa é yé? Diŋa ó, go ó ndɨ e nkul etiʼ njʉmo. Yé abe no? Mʉrʉm ndɨ mbuʼla ɛ, gwɔɔ nteme, go ógʉa é yé? Diŋa ó, go ó ndɨ e nkul etiʼ myɛlo.

1 Pyɛr 3:7

Bɨn bɛɛ ojʉm, jyeʼla ga bʉba bɨn ndwe le edwe be duu, ebe, bɨn bé egʉa mpʉ bé ndɨ é cyɛʼ ɛ. Bé ejala le ebi tiʼ molu mo mpoʼ mɨmɛh mpʉ bɨn bɛɛ. ǃBɨn si be, asa no nɛʼɛ, yé ógba bɨn mokɔbla é mɨnjwɨʼla.

Rôm 7:2

Me paʼ dwe dweʼle: Motie, mé elɛɛ ó, mbɛa mʉma, wé edi nɛra e njʉm we ó, cye yiyɛh njʉm we dina kʉ ɨ. ǃƗ njʉm waa si ka dwè nɛʼɛ, mʉma waa, nyi duho é mpila eba laa é pololo.

1 Korɛnt 14:34

yé ejala ó, bʉba diʼe otitil é mɨmbɛr mɨ Zyɛm tʉŋlʉ. Bé abe e nkul lwib. Bé ejala le edi ó, njɨ é jwɨ̀ʼa mo bʉʉ bʉr, mpʉ motie mo Zyɛm lé elɛɛ ɛ.

Mataos 18:15

«ǃƗ mɨɔ go si sa syem é paʼ go nɛʼɛ, toʼ, to saa nye. Go à láa nye baa ebebe tɨ, bɨn e nɔɔ oba. ǃNye si mɛʼle ó, nyi sa syem nɛʼɛ, lɛɛ ó, gɨ dwih mɨɔ go é mpila ebebe é pololo. Bɨn bé óbâʼle duula.

Kolosi 4:5

É jɔʼ bɨn lé ekœʼ ebò e cyen lɨn teme bʉr o ndɨ abe okristen ɨ, dɨʼe sa no e gwɨma ó, bé mɛʼla ó, bɨn bé ó mɨcɨcyoo. Dɨʼe sa ga ó, bɨjɔʼ bin bibyɛh, byé ó bɨn e mpaŋ nyɔm.

Ebrœ̂ 11:8

É zi buʼo, Abraham a si sa Zyɛm mojoʼo é jɔʼ nye a jebe nye ó, nye toʼ, to di é lal nye a be ó, nye dwe ó nye e. Tœa nye a to é lal waa ɛ, wé a be ó, nye l'agʉa simsim gumo Zyɛm a gwɨm ó, nye toʼ, to di ɨ.

2 Tesalonika 1:8

Nye óze lé eze kab bʉr o ndɨ abuʼla ɛ, bɨntɨʼa, e baa ndɨ asa mojoʼo é jɔʼ bé lé ejoʼo Mbɨambɨa Lɔɔ mo Tî ga wina Yesʉs ɨ.

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

1 Pyɛr 4:17

É jɔʼ yi, etiʼ e mɨlɔb ga lɨna mu ó si pyal! Zyɛm, nyi taare lé etiʼe mɨlɔb ga mina, bʉr o Mbɛr-Zyɛm. Tiʼa mɨlɔb waa pa taare nyan é nko paʼ ga wina, bʉr be, a dwɛʼra e bʉr o ndɨ esa Mbɨambɨa Lɔɔ ndɨ eduho boo Zyɛm ɨ, ebɨh ɨ!

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Rôm 10:16

É jɔʼ oYʉden, bé a joʼo Mbɨambɨa Lɔɔ ɛ, ntʉʼ bɨbɛh, bé a mɛʼle we. Ngwiha mɨlɔb Ezayi nye mʉr tɨʼ a lɛɛ ó: «Da, zé a buʼla lɔɔ go bɨh bé a lɛɛ be e?»

1 Pyɛr 3:2

ebe, ojʉm bɔɔ baa, bé óbee mpʉ bɨn lé edwaabe Zyɛm ɨ. Bé óbee ebò e cyen bɨn ndɨ ekœʼ é pememe e.