1 Pyɛr 2:8 - Kálara Zyɛ̌m Edwán é mpʉ̌n

⁸ Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

Kálar Nzyɛ̌m : Ejwán é Sáá

⁸ Mekaná mé Nzyɛ̌m, mé lɨ́ elɛ́ɛ, dumo e Krîst ó: «Ekóʼ lé écwehle bʉ̂r, lé ó ebɔ̌ʼ ngá bɨma bʉ̂r ó, bé twêʼ ɨ́ nkɨ́ŋlɨ́m lɨ́.» Bé jaá twitwe ó, njɨ nko bé dí abûʼlǎ lɔ́ɔ́ mé Nzyɛ̌m yɨ́. Nkɔ̌b Nzyɛ̌m á boo dwe bé nyɨ́ ó tɨ̂ʼ nyɨ́.

1 Pyɛr 2:8 ပူးပေါင်းရင်းမြစ်များ

1 Korɛnt 1:23

É wih paʼ, bɨh bé elɛɛ ó, Mbɨambɨa Lɔɔ mo Lœma mulo mo Zyɛm a cyèlɔ é klos kʉ ɨ. Lɔɔ waa, wé ekol oYʉden ebɔʼ ndɨ edumo be e. Wé enyin é mbea byʉʉ bɨkul bɨfih ó, wé ó lɔɔ ogʉ.

1 Pyɛr 2:7

Bɨn bʉr o ndɨ e buʼo yaa ba ɔɔ! Bɨn mu ó lé ebi kum lé eduho boo Zyɛm ɨ. Baa ndɨ abe e buʼo e, bɛɛ, bé ebee nye ó, mpʉ «Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.»

Rôm 9:22

Zyɛm a sa syɛɛla yaa ó, nye lɛʼla bʉr bim nye lé ekpaa empime e be e, ndwe e mpwaʼ nkul we. Ebe no ó bɨn ndɨ ebee nye lé ebul dihbe bʉr o jala le ekpaŋɔ empime e. Bɛɛ bé ó baa bé ódim ɨ.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

1 Tesalonika 5:9

Ebe, Zyɛm a baatiile é leme we ó, nye kpaŋa empime e bɨna ga. Nye a pɛh bɨna ga ó, bɨna biʼe tiʼ molu mo mpoʼ mɨmɛh, dumo e Tî ga wina Yesʉs-Krɨst.

Lʉkas 2:34

Pie tɨ, Simeɔn ze sʉ be mocyɛʼ mo mpom le elɛɛ e Maaria, nyɔŋ mo Yesʉs ó: «Mwan nwa, nye ó waa Zyɛm a ntɨh ó, nye twehla buobuo bwa b'Ɨzraɛl, le egbɛl bʉʉ. Nye óbe ó e l'ejwɨʼ ndɨ elɛʼle nkul mo Zyɛm ɨ. Bʉʉ bʉr bɛɛ, bé ótɨ mɨlɛa mye.

Galásia 5:11

Obɨɔ ga bam, nkʉ me be ó be, to dolo lé eyɨm bʉr ó, bé saŋɔ mpʉn nɛʼɛ, mpa yé aka be e mʉr lé etíile me! Waa nyiwɛh lé enyiŋ bʉr ó, bé saŋɔ mpʉn ɨ, nye ó ndɨ waa lé edwih ebɔʼ Zyɛm a kol oYʉden ɨ. Ebɔʼ laa, lé ó mbi efie Krɨst a dwè, cyèla é klos kʉ ɨ.

1 Pyɛr 2:6

Ebe, yé ó tila é Kalara Zyɛm ó: «Me a be ó si pɛh ekoʼ ndɨ é buo dime e. Lé ó me a komo é nkana Sion ɨ. Lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ. Waa nyiwɛh ójyɛʼ taa buʼo ye boo nye e, nye ákwoʼ ka bil fwon.»