1 Pyɛr 2:7 - Kálara Zyɛ̌m Edwán é mpʉ̌n

⁷ Bɨn bʉr o ndɨ e buʼo yaa ba ɔɔ! Bɨn mu ó lé ebi kum lé eduho boo Zyɛm ɨ. Baa ndɨ abe e buʼo e, bɛɛ, bé ebee nye ó, mpʉ «Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.»

Kálar Nzyɛ̌m : Ejwán é Sáá

⁷ Ekóʼ laá, lé ɨ́ buo ódimé ɨ́ mbeá wɨ́n, bɨ̌n bʉr o b'á dyɛ̂ʼwo e lé bá. Sâ gwár, bʉr o dí ebene édyɛ̂ʼwo e lé bá, bɨ́ɛ bee lé ó mpʉ «Ékóʼ óswim ó mbɛ̌r bé á bene lɨ́. Lé ó b'á ka sûʼla ekóʼ e dí esúʼo nkân mbɛ̌r lɨ́.»

1 Pyɛr 2:7 ပူးပေါင်းရင်းမြစ်များ

Mataos 21:42

Yesʉs ntɔʼ dî e be ó: «Bɨn bé a baasi láa mɨtila miʼ é Kalara Zyɛm ɛ? Yé ó tila ó: “Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ. Yé a syɛɛlɨ no ó, é nkul mo Da. Yé ó sa bɨna lé ejehe ga ɛ!”» Yesʉs ze ko mokan maʼ ó:

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

1 Pyɛr 1:8

Bɨn bé ekpɛl nye, bɨn l'apa bee yɛɛ nye. Bɨn bé ejyɛʼ taa buʼo yin boo nye, dam be ó bɨn bé apa bee nye, ze pyal é banana. Ebe no ó bɨn ndɨ lwɨŋla e bɨsʉhʉ, é mbi ndɨ ó, mʉr, nye abe e nkul etaŋle bye é lwib ɨ. Bɨn mu ó e kum, duho tɨ.

Ebrœ̂ 11:31

É zi buʼo, Rahab, a be mbambama ɛ, a baadwè é jɔʼ bʉr ofih, bé a jʉŋɔ ɛ. Bé a si sa Zyɛm ebɨh; Rahab nyɛɛ ó b'a bɨlan e bʉr o b'a byamle lal Kanan ɨ.

Ebrœ̂ 4:11

Ebe no, bɨna gbaʼ ga monyʉl lé eni é l'egbala laa. Bɨn bé amu sa ebɨh lé ekœʼ ebò e cyen bɨmpam ga bina, bɨn ntɔʼ lɨŋa é buʼo.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Kolosi 2:10

É mpʉ bɨn ndɨ é zyɛŋa win boo Krɨst ɨ, bɨn bɨ gwɨe é mɨpaʼ mimyɛh. Krɨst ó ndɨ lʉ, waa lé ejwɨʼ mɨsisim mɨ apum mimyɛh ɛ.

Rôm 15:31

Saʼ ga mɨnjwɨʼla ó, Zyɛm syɛbɨ me é mobo mo oYʉden o lal Yʉda, baa ndɨ esa lɔɔ Zyɛm ebɨh ɨ. Saʼ ga mɨnjwɨʼla nteme ó, mɨsaŋ mɨ bʉr o ndɨ ɨ Yerʉsalɛm ɨ, bé beŋɨ syɛɛ me óto sea be e, mbɨmbɨa.

Rôm 10:21

É paʼ bwa b'Ɨzraɛl bɛɛ, Zyɛm, nye elwib, tiibe e be ó: «Me a be ó si syɛm mobo mam, tɔɔ moho ntinɨ, lé ejebe bʉr bam. Bɛɛ kʉ ka sa ó njɨ esa me ebɨh. Sa yiyɛh me lé elɛɛ be e, bɛɛ kʉ tɨ-tɨ tɨʼe.»

Mɨlʉmlʉ 26:19

«No ó, Tamamʉr Agripa, me a baasa pyeh pie jɔʼ me a bee sa jehe é lima, yaa yé a duho é jobo kʉ ɨ.

Yʉanes 4:42

Bé e mʉma nɨ ó: «Banana, bɨh bé aka buʼla njɨ ebe lɔɔ go. Bɨh bʉr o tɨʼ, bɨ joʼo lwib ye, le ekʉ gʉa ó, é si nwaʼ nyiwɛh, nye ó ndɨ Tiʼbʉr é l'efu e si nwaʼ nyiwɛh.»

Lʉkas 20:17

Yesʉs ze dwɛʼ be. Nye ze dî e be ó: «Yé be no nɛʼɛ, wáa lɔb ndɨ tila é Kalara Zyɛm ó: “Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ”?

Lʉkas 2:32

Mwan nwa, nye óbe ó myɛn wé ókʉn bʉr o bɨkul bɨfih ó, byé gʉŋa go e. Bʉr bo, bwa b'Ɨzraɛl, bé óbul seʼlɔ ebe nye.»

Lʉkas 2:34

Pie tɨ, Simeɔn ze sʉ be mocyɛʼ mo mpom le elɛɛ e Maaria, nyɔŋ mo Yesʉs ó: «Mwan nwa, nye ó waa Zyɛm a ntɨh ó, nye twehla buobuo bwa b'Ɨzraɛl, le egbɛl bʉʉ. Nye óbe ó e l'ejwɨʼ ndɨ elɛʼle nkul mo Zyɛm ɨ. Bʉʉ bʉr bɛɛ, bé ótɨ mɨlɛa mye.

1 Pyɛr 2:4

Dihla ga be kunokuno e mʉr ndɨ kublakubla ekoʼ, laa bʉr, bé a pyeh ɨ. Zyɛm nyɛɛ a si pɛh nye, ebe, nye a bee nye ó, mpʉ sa ndɨ é bul buo dime e.