1 Pyɛr 2:6 - Kálara Zyɛ̌m Edwán é mpʉ̌n

⁶ Ebe, yé ó tila é Kalara Zyɛm ó: «Me a be ó si pɛh ekoʼ ndɨ é buo dime e. Lé ó me a komo é nkana Sion ɨ. Lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ. Waa nyiwɛh ójyɛʼ taa buʼo ye boo nye e, nye ákwoʼ ka bil fwon.»

Kálar Nzyɛ̌m : Ejwán é Sáá

⁶ Ebě, yê cɛmá ɨ́ Mekaná mé Nzyɛ̌m ó: «Me á si pɛ̂h ekóʼ e dí ɨ́ buo ódimé lɨ́. Lé ó mê komó báánâ mpʉ ékóʼ e dí esúʼo nkân mbɛ̌r lɨ́. Waá nyɨnyɛ̂h ódyɛ̂ʼwo e lé nyá, ákóʼó kǎ soŋɔɔ.»

1 Pyɛr 2:6 ပူးပေါင်းရင်းမြစ်များ

1 Pyɛr 2:4

Dihla ga be kunokuno e mʉr ndɨ kublakubla ekoʼ, laa bʉr, bé a pyeh ɨ. Zyɛm nyɛɛ a si pɛh nye, ebe, nye a bee nye ó, mpʉ sa ndɨ é bul buo dime e.

Éfɛsɔs 2:20

Bɨn bé ó mpʉ obrik bé a bɨr pab mbɛr e be e. Nkan mbɛr nyɛɛ ó ndɨ mɨlʉmlʉ, bé e l'ogwiha o mɨlɔb. Yesʉs-Krɨst nye mʉr tɨʼ ó ndɨ ekoʼ lé esa ó bɨpab bɨ mbɛr, byé diʼe ocɨcyel ɨ.

Markus 12:10

Bɨn bé a baasi láa sa ndɨ tila ó: “Ekoʼ ofim o mbɛr bé a pyeh e, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.

Rôm 10:11

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr nyiwɛh ójyɛʼ taa buʼo ye boo Zyɛm ɨ, nye aŋa sɔma.»

2 Timotɛ 3:16

Mɨtila myaa mimyɛh, myé eduho ó boo Zyɛm. Myé e nyɔm é l'efu le edwe bɨna sikʉlʉ mpa, le edwe bɨna mobe é jɔʼ bɨna mu lé esa ebebe e. Myé eturo bɨna mɨlʉ, le etɨe bɨna mpʉ bɨna lé ejala le ekœʼ é l'ocɨcyel ɨ.

Yʉanes 7:38

Mʉr nyiwɛh lé ejyɛʼ taa buʼo ye boo me nwa ɔɔ, “Mɨsʉm montibe, myé ódɨ sah, lé eduho é leme we,” é mpʉ yé ndɨ tila é Kalara Zyɛm yi ɔɔ.»

Lʉkas 23:35

Bʉʉ bʉr o lal waa, bé a be ó si cyɛb é gumo yaa lé ebee. Otamabʉr o lal bɛɛ, bé a be ó lé etamɔ nye. Bé ó: «Nye a si tiʼ bʉr ofih. Nye kaʼ tiʼ nye mʉr tɨ, nkʉ nye ó Lœma mulo mo Zyɛm le waa Zyɛm a kʉ pɛh ɛ!»

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

2 Pyɛr 3:16

Nye elɛɛ bɨn mɨlɔb mɨmpwar myaa ó, é l'okalara bɨbɛh nye lé etile e. É bʉʉ okalara, nye a tile yɛɛ ó bɨsa ndɨ elara bʉʉ bʉr ɨ. Bʉr o ndɨ mɨmiʼ, baa ndɨ epɨŋla é l'ebò e cyen lɔɔ ɛ, é jɔʼ bé lé eláa miha mɨtila ɛ, bé ecene mɨlɔb mɨ tɨʼ guu mbi fih. Yé ó mpʉ bé lé ebɛa sa-sa nteme é jɔʼ bé lé eláa byʉʉ bɨpeh bɨ Kalara Zyɛm ɨ. Sa bé ójala e ye, yé ó nɨ!

2 Pyɛr 1:20

Gʉŋa ga sɨʼ yi: yé abe e mʉr a gwih sa ndɨ tila é Kalara Zyɛm ebe gwɨma ye anta nye.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

Mɨlʉmlʉ 1:16

«Obɨɔ ga bam aa! Yé a kʉ jala ó, yé syɛŋɨ lé edira lɔɔ ndɨ tila é Kalara Zyɛm ɨ! Peh Kalara Zyɛm yaa, yé a tilɔ ó, mpʉ Mbɨambɨa Sisim a bɛa lɛɛ bɨna ga é nʉm mo David ɨ. Nye a tile ó, é lɔb mo Yʉdas, waa a lɛʼle bʉr mpʉ bé toʼ, to naʼ Yesʉs mobo é nyʉl ɨ.

Lʉkas 20:17

Yesʉs ze dwɛʼ be. Nye ze dî e be ó: «Yé be no nɛʼɛ, wáa lɔb ndɨ tila é Kalara Zyɛm ó: “Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ”?

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.