1 Pyɛr 2:4 - Kálara Zyɛ̌m Edwán é mpʉ̌n

⁴ Dihla ga be kunokuno e mʉr ndɨ kublakubla ekoʼ, laa bʉr, bé a pyeh ɨ. Zyɛm nyɛɛ a si pɛh nye, ebe, nye a bee nye ó, mpʉ sa ndɨ é bul buo dime e.

Kálar Nzyɛ̌m : Ejwán é Sáá

⁴ Síhláá gá bé bǎʼ e Tî Yésʉs. Nye ó ekóʼ e dí kublakúbla, laá bʉ̂r, bé á bene lɨ́. Nzyɛ̌m nyɨɛ á si pɛ̂h lé, bee lé le odimé.

1 Pyɛr 2:4 ပူးပေါင်းရင်းမြစ်များ

1 Pyɛr 2:7

Bɨn bʉr o ndɨ e buʼo yaa ba ɔɔ! Bɨn mu ó lé ebi kum lé eduho boo Zyɛm ɨ. Baa ndɨ abe e buʼo e, bɛɛ, bé ebee nye ó, mpʉ «Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.»

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

1 Pyɛr 1:19

Bɨn bé a dwihɔ é mozi maa ó, ebe motié mo Yesʉs-Krɨst, ndwɛa ndɨ é buo dime e. Yesʉs-Krɨst a be ó mpʉ ma ntœme ndɨ abe e sa ebebe bé a ngbaa nwahle nye e tɨ, nkʉ e l'ebar.

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Yʉanes 14:19

Yi liʼ ba titia: bʉr o ndɨ egumo e si nwaʼ ɛ, bé aŋa ka bee me. Sa gwar, bɨn bɛɛ, bé ókʉ bee me. Bɨn nteme, bé óbi tiʼ molu mo mpoʼ mɨmɛh ebe tiʼ me ndɨ e ye e.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 6:57

Sɔŋ wam, mʉr a ntɨh me e, nye ó ndɨ kublakubla. Me etiʼe ó ebe nye. Jwɨʼ gwar yaa, mʉr nyiwɛh lé ede me e, nye ó ndɨ ebi tiʼ molu mo mpoʼ mɨmɛh é zi wam.

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Yʉanes 5:40

Sa gwar, bɨn bé amɛʼle lé eze boo me, ó bɨn ntaʼ, ze bi tiʼ molu mo mpoʼ mɨmɛh.

Yʉanes 5:26

ebe, jwɨʼ gwar e gwar é mbi Zyɛm Sɔŋ ndɨ e tiʼ njʉmdia é nye mʉr tɨʼ tʉŋlʉ ɨ, no nteme ó nye a sa ó, Mwan mo Zyɛm diʼe e tiʼ yaa ɛ.

Mataos 21:42

Yesʉs ntɔʼ dî e be ó: «Bɨn bé a baasi láa mɨtila miʼ é Kalara Zyɛm ɛ? Yé ó tila ó: “Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ. Yé a syɛɛlɨ no ó, é nkul mo Da. Yé ó sa bɨna lé ejehe ga ɛ!”» Yesʉs ze ko mokan maʼ ó:

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

Mataos 11:28

«Ntaʼ ga boo me, bʉr bɨbɛh mu si cyɛʼ lé enkɛɛ bɨdiledile mɨmbeʼ e. Me ódwe bɨn egbala.

1 Korɛnt 3:11

ebe, nkan mbɛr mu ó si cyɛb. Nkan waa ó ndɨ Yesʉs-Krɨst. Abe e mʉr ndɨ e nkul eka cyel nkan fih.