1 Pyɛr 2:24 - Kálara Zyɛ̌m Edwán é mpʉ̌n

²⁴ Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Kálar Nzyɛ̌m : Ejwán é Sáá

²⁴ Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

1 Pyɛr 2:24 ပူးပေါင်းရင်းမြစ်များ

Mataos 8:17

Yé a syɛɛlɨ no ó, lé edira lɔɔ Da a bɛa lɛɛ é nʉm mo ngwiha mɨlɔb we Ezayi ó: «Nye a si pɛʼ bɨjyɛm ga bina, pɛʼ bɨna ga mosyɛb é monyʉl.»

Rôm 6:11

Saʼ ga nteme no. Toŋla ga ó, bɨn bé ó bʉr o b'a dwè nko paʼ mɨsyem ɨ. Toŋla ga nteme ó, bɨn mu lé eka tiʼe ó, é l'efu mo Zyɛm, é zyɛŋa win boo Yesʉs-Krɨst tʉŋlʉ.

Mɨngwiha 22:2

lé egʉ teme mpaʼa nkana yaa. Yé a be nteme ó e lɨ tiʼ. Yé a pah ó, é l'opɨn o dibe yaa bɨbɛh oba. Lɨ yaa, yé egumo é mbu ó, zɔʼ ewʉm e zɔʼ ba. Yé egumo ó, é ngɔn nyiwɛh. Bɨka bye, byé ó ndɨ mir bʉr lé etuo, jomo bʉr o ndɨ abe oYʉden ɨ bibyɛh ɛ.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

Jacques 5:16

Ebe no, é jɔʼ bɨn bé ófuuba syɛb ɨ, mʉr nyiwɛh, nye ejala le egwih mɨsyem mye. Bɨn bé ejala le esa mɨnjwɨʼla é l'efu lɨn é l'efu ó, bɨn tiʼa ɛ, ebe, mɨnjwɨʼla mɨ cɨcyel mʉr, myé é kpahbe na.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Rôm 6:2

Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Kolosi 3:3

ebe, bɨn bɨ dwè. Tiʼ yin mu ó é l'efo boo Krɨst. Ebe no ó bɨtiʼ bin mu zyɛŋa boo Zyɛm ɨ.

Rôm 6:13

Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

Yʉanes 1:29

É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

Rôm 7:6

No ó, banana, bɨna bɨ dwihɔ é mpila motie. Bɨna mu ó si dwè ga é nko paʼ motie maa. Mé ó b'a mɛr bɨna ga é dia olʉa é molu pihe. Bɨna bé a dwihɔ tɨʼ ó, bɨna nkʉʼ di é dia osyɛl o mosa mo Zyɛm, lé esea e nye é zi dwan, waa Mbɨambɨa Sisim lé elɛʼle bɨna ga ɛ. Bɨna bé aka sea ga e nye lé edu sa okalara o motie, bé a tilɔ é l'epeb ɨ.

1 Yʉanes 3:7

Bwan bam aa! Abir ga ó, mʉr gomla bɨn é bebebebe zi. Mʉr lé esa mɨmpaŋ bɨsyɛɛla ɛ, nyiha ó ndɨ cɨcyel mpʉ mo Yesʉs-Krɨst.

Rôm 6:7

ebe, mʉr ndɨ si dwè e, nye mu ó é dia otî é nko paʼ mɨsyem.

Rôm 6:16

Bɨn bé egʉa mbɨmbɨa ó, ǃbɨn si sea e mʉr, sa nye mojoʼo mpʉ molʉa nɛʼɛ, bɨn bɨ lihba molʉa é nko paʼ mo njwɨɨ bɨn lé esa mojoʼo e. ǃBɨn si sa syem nɛʼɛ, lɛɛ ó, bɨn bɨ daʼre efie é monyʉl mɨn. ǃBɨn si mɛʼle ó, bɨn sa ó Zyɛm mojoʼo nɛʼɛ, lɛɛ ó, bɨn bé ónʉŋɔ ó, mpʉ ocɨcyel o bʉr.

2 Korɛnt 6:17

Ebe no ó Da lé elɛɛ ó: «Duha ga é sama yɔɔ. Bɔʼa ga e be. Anyamle kuna ga e sa ndɨ elœʼ mʉr é mih mo Zyɛm ɨ. No ó me ómɛʼle lé ebaʼle bɨn me ye e.

Mɨlʉmlʉ 5:30

Zyɛm bɨmpam ga bina a si pɛ̀h Yesʉs é foo, waa bɨn bé a jʉ lé ecyèlɔ nye é klos kʉ ɨ.

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

Mataos 5:20

Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»

Ebrœ̂ 12:13

Bɨn bé à gʉa komlo mozi, cyel me é liim, ó baanya-bɨjyɛm, bé nkʉʼ kœʼ tɨʼ, mokʉ mɔɔ l'aka piha. Bé tiʼa yɛɛ tiʼa.

Mɨlʉmlʉ 13:29

Jɔʼ bé a sil sa sa yiyɛh yé a be tila é Kalara Zyɛm, tiibe e nye e, bé ze pɛʼ nye é klos kʉ, ntɔʼ dɨlɔ muu we.

Mɨlʉmlʉ 10:35

Zyɛm, nye ebee mbɨmbɨa ó, mʉr nyiwɛh lé edwaabe nye, ndwe le esa syɛɛla ndɨ cɨcyel ɨ. Nye esyɛŋ bʉr baa ó, lé edwih be é bɨkul bibyɛh.

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Kolosi 2:20

Bɨn e boo Krɨst, bé a si dwè efie egwar. É mpʉ bɨn ndɨ no e, gʉŋa ga ó, sikʉlʉ bʉr o si nwaʼ lé ekuhlo e, yé aka be e nkul é bɨn. Ebe no, mʉr beʼ l'aka bâʼle du motie mo sikʉlʉ yaa, nkʉ bâʼle sa mpʉ sa lɛɛ ó, bɨn dina ó é nkɔb bʉr o si nwa.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Mɨlʉmlʉ 10:39

Bɨh bɛɛ ó ndɨ oboʼla be, bʉr o ndɨ egʉa bɨsyɛɛla bibyɛh nye a sa ɨ Yerʉsalɛm, ndwe e myʉʉ mɨpaʼ mɨ nkɔra oYʉden ɨ. Bé a si cyèl nye é klos kʉ, jʉŋɔ nye.

Mataos 27:26

No ó Pilat a ka ze bir be Barabas. Nye ze lomo bʉr ó, bé fuura Yesʉs mɨmbihe, ze liʼe nʉm ó, bé toʼ, to cyèl nye é klos kʉ.

Éfɛsɔs 5:9

Me elɛɛ no ó, ebe, bʉr o ndɨ é myɛn ɨ, bɛɛ ó ndɨ egumo mbɨambɨa mpumo mɨmbi mimyɛh: myaa mɨ ncwɨncwɨa e l'ocɨcyel ndwe e l'ocyecye.

Yʉanes 19:1

Pilat ntɔʼ lomo bɨzima bye, dwe bye nkul ó, byé nʉŋa Yesʉs, le efuura nye mɨmbihe.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Markus 15:15

Mpʉ Pilat a bee ó, nye fuo kolo ó ntuntuma bʉr ɨ, nye ka ze bir be Barabas. É jɔʼ nye a be si lomo bʉr ó, bé fuura Yesʉs mɨmbihe e, nye ze liʼe nʉm ó, bé toʼ, to cyèl nye é klos kʉ.

1 Korɛnt 15:3

Me a be ó si ntɛŋ bɨn lɔɔ me a lɛɔ, waa ndɨ é bwaʼ nyɔm ɨ. Wé ó nɛɛ: Krɨst a si jala e mɨsyem ga mina, mpʉ yé a bɛa be tila é Kalara Zyɛm ɨ.

Kolosi 2:14

Mɨtila myé a lɛʼle-lɛʼle mobe ga mɨna ɛ, nyi cyam mye é jɔʼ gwar, lé ebomlo mye é klos. Mɨtila myaa, myé ó b'a lɛʼle mompene bɨna bé a ntaa, maa mé a dɨ nwahle bɨna ga ɛ.

Ebrœ̂ 10:5

Ebe no, é jɔʼ Krɨst a be, nye mu kunokuno le eni é si nwaʼ ɛ, nye a lɛɛ e Zyɛm ó: «Go agwɨm ó, bé dweʼ go motwina, nkʉ mɨndwɛa. Go a cye nyʉl wam ó, nye jɛna mobyaʼ mo bʉr.

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.