1 Pyɛr 2:22 - Kálara Zyɛ̌m Edwán é mpʉ̌n

²² «Nye a baasa syem. Nʉm we, wé a baapyɛl bɨlwib bɨkʉʉŋʉ.»

Kálar Nzyɛ̌m : Ejwán é Sáá

²² «Nye á bé asâ syóm. Lwǐb míkóo, yé aduho ɨ́ num wé.»

1 Pyɛr 2:22 ပူးပေါင်းရင်းမြစ်များ

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

1 Yʉanes 3:5

Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

Mɨngwiha 14:5

Bé asa mpʉl. Abe e sa ebebe mʉr a ngbaa nwahle be e tɨ.

1 Yʉanes 2:1

Bwa o bwan bam, me etile bɨn bɨsa bɨnɨ ó, bɨn gwaʼa lé eka sa syem. Sa gwar, yé si ka pyal yɛɛ ó, nuu mʉr, nyi sa syem nɛʼɛ, nye gʉŋa ó, nye e mʉr ndɨ ekamle e nye e: Yesʉs-Krɨst, ndɨ cɨcyel mʉr ɨ! Nye ekɛm nye ó, é mih mo Zyɛm Sɔŋ.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Lʉkas 23:41

Bɨna ó ndɨ ejala e mbi tuu wi, ebe, bɨna ó b'a sa bɨsyɛɛla ndɨ é bul bebe e. Nyɛɛ a baasa syɛɛla ebebe gwar.»

Yʉanes 8:46

Wáa mʉr é sama yin ndɨ e nkul epyɛl dweʼle yé ólɛʼle ó, me a be ó si sa syem ɨ? É jɔʼ me lé elɛɛ ocyecye e, ebe yé bɨn ndɨ abuʼla we e?

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

Lʉkas 23:47

Njwɨɨ nter bɨzima a be tɨʼ ɨ, mbea nye a bee sa yiyɛh yé a syɛɛlɨ ɨ, nye ntɔʼ dwe Zyɛm kum. Nye ó: «Mʉr nwaʼ a bana kʉ be ó cɨcyel mʉr!»

Mataos 27:19

É jɔʼ nye a be, nye dina lé elwib lɔb waa é dia tiʼà mɨlɔb ɨ, myɛl ntɔʼ lomlo nye twii ó: «Atœb lɔb wi, ebe, me be ó si bul sia e bɨlima muh é pum wiʼ é lʉ mo cɨcyel mʉr nɨ.»

Mataos 27:4

Nye ó: «Mɨ sa syem, ebe, me si kɛha mʉr nyoonkan a baakunbo e mpɨŋ ɨ!» No ó bé a ze bɨha e nye ó: «A bɨh bɛɛ, bé e wáa lɔb tɨ? Lɔb go ó nɨ!»