1 Pyɛr 2:21 - Kálara Zyɛ̌m Edwán é mpʉ̌n

²¹ Zyɛm a jebe bɨn ó, bɨn saʼ nye syɛɛla yaa, ebe, Krɨst nye mʉr tɨʼ a si sia e mɨtuu é l'efu e nyɔm win. Nye a lɛʼle bɨn tɨʼ ó, dweʼle bɨn lé ejala le edu ɨ. Nye a sa no ó, bɨn nkʉʼ du mobò me. Yé ó tila ó:

Kálar Nzyɛ̌m : Ejwán é Sáá

²¹ Nzyɛ̌m á jébe bɨ̌n ó, bɨ̌n sâʼ nye syɛ́ɛla yaá ó, ebě, Krîst mʉr tɨ̂ʼ á si sia e mitúú lɨ́ esú é nyɔm wɨ́n. Ɨ́ tɨ̂ʼ, nye á si lɛ̂ʼle bɨ̌n mveʼle bɨ́n jálá le edû yɨ́. Nye á sâ nó ó, bɨ̌n nkʉ̂ dû mébo mé. Yê cɛmá ɨ́ Mekaná mé Nzyɛ̌m ó:

1 Pyɛr 2:21 ပူးပေါင်းရင်းမြစ်များ

1 Yʉanes 2:6

Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

Mataos 16:24

Yesʉs ze lɛɛ e l'ompʉn be ó: «Yé be ó, mʉr, nye ekpɛl du me nɛʼɛ, nye bena nye mʉr tɨ. Nye à nkɛɛ klos ye, nye òdu me,

Yʉanes 13:15

Me edwe bɨn ó, dweʼle, ó bɨn nteme nkʉʼ dɨ sa mpʉ me sa bɨn ɨ.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

1 Korɛnt 11:1

Nʉŋa ga dweʼle tiʼ yam mpʉ me lé enʉa dweʼle tiʼ mo Krɨst ɨ!

1 Pyɛr 4:1

Ebe no ó Krɨst a sia e mɨtuu é nko paʼ nyʉl ɨ. Bɨn bɛɛ, bé ejala le ebɛa bi mbi pɛhla ngwar we, ebe, mʉr mu si sia e mɨtuu é bɨpuno bye e, nyi gwaʼ lé eka sa syem.

Filipi 2:5

Diʼe ga e leme ncwɨncwɨa, mpʉ Yesʉs-Krɨst a kpɛl bɨn ɨ.

Mataos 11:29

Niʼe ga é jwɨ̀ʼa yam. Bɨn bé à joʼlo motɨɨ mam, ebe, me é tala njwɨr e nyʉl fila si. Bɨn nkʉʼ bi egbala é mɨsisim min,

Rôm 8:29

Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Mataos 10:38

Waa ndɨ ankɛɛ klos ye, du me e, nye é dwɛhba. Nye ajala e me.

1 Pyɛr 3:9

Mʉr beʼ l'abala ebebe e l'ebebe. Laa ó, go bala molwɨɨ go lwɨɔ ɛ, fuo sʉ yɛɛ baanya-molwɨɨ mocyɛʼ mo mpom. Zyɛm a jebe bɨn ó, bɨn saʼ no, bɨn nkʉʼ sʉŋɔ nkɔb é mocyɛʼ mo mpom nye lé esʉ bʉr be e.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Mɨngwiha 12:11

Obɨɔ ga bɨna nteme, bɨ ntaa nye é dɔm, bula e l'esaa é koo, ebe motié mo Ma Ntœme, ndwe e mboʼla bé a boʼlo, tiibe e Yesʉs ɨ. Bim bé a kpɛl bɨtiʼ byɔɔ ɛ, bé a baaliʼa lé ebir bye, ntɔʼ jʉŋɔ, ebe mboʼla waa.

Ebrœ̂ 2:10

Sa yiyɛh, yé ó é l'efu mo Zyɛm, nyɛɛ waa a cye sa yiyɛh ɛ. É mpʉ nye a gwɨm liʼle buobuo bwan é gumo bé e boo nɔɔ, bé ódi e moncɛnba ɛ, no ó yé a jala ó, nye taara ntɨh Yesʉs mɨtuu, nyɛɛ mʉr ndɨ Etin e tiʼ ɨ, ó nye kuma é l'ombɨmbɨa é mɨpaʼ mimyɛh, duho é mɨtuu nye a sia e mye e.

2 Timotɛ 3:12

Mʉr nyiwɛh lé ekpɛl dwiibɨ Zyɛm, waa ndɨ é zyɛŋa wɔɔ boo Yesʉs-Krɨst ɨ, nye ótíilɔ.

1 Pyɛr 1:20

Zyɛm Sɔŋ a be ó si bɛa gʉa ó, Krɨst ójɛna mobyaʼ maa, taare é jɔʼ kʉ e si, byé a baapa cyeŋɔ ɛ. Nye ze nyin é jɔʼ yi, é l'esie e mbi jɔʼ yiʼ ó, é l'efu lɨn.

1 Tesalonika 4:2

Bɨn bé egʉa sikʉlʉ bɨh bé a dwe bɨn é die mo Da Yesʉs ɨ.

1 Tesalonika 3:3

Mpʉ bʉr mu lé edwe bɨn mɨtuu e mɨndɛl é bananaʼ ɛ, bɨh bé a lomo nye ó, bɨn beʼ l'adimle buʼo, duho tɨ. Bɨn bʉr o tɨ, bɨn bé egʉa ó, bɨntɨʼa bɨnɨ, byé ó sa Zyɛm a bɛa tiile é leme we ó, nye ókab bɨna ga ɛ.

Mɨlʉmlʉ 17:3

Pol a sa-sa ó, pɛʼle sa ogwiha o mɨlɔb bé a lɛɛ é lʉ mo Lœma mulo mo Zyɛm ɨ, é l'efu ó, bé gʉŋa ebe yé nye a jala le edihbe mokpaa, dwè, ze pàh é foo e. Nye a si lɛɛ nteme be ó: «Yesʉs me lé elwib e bɨn, tiibe e nye e, nye ó mʉr Zyɛm a lœm mulo e!»

Mɨlʉmlʉ 9:16

Me mʉr tɨ, me ólɛʼle nye bim mɨtuu nye lé ekʉ jala le esia e mye é lɔb wam ɨ.»

Lʉkas 24:26

Zê yé a baasi jala ó, Lœma mulo mo Zyɛm, nye sia e mɨtuu, lé edu gwɨma mo Zyɛm, ó nye niʼe é moncɛnba me e?»

1 Pyɛr 4:13

Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.