1 Pyɛr 2:19 - Kálara Zyɛ̌m Edwán é mpʉ̌n

¹⁹ ǃBé si dwe mʉr mobe mo mpene, ntɔʼ kab mʉr waa bɨntɨʼa tɨʼ nɛʼɛ, ǃɨ mʉr waa si sia e bɨntɨʼa byaa ebe nye lé edwaabe Zyɛm nɛʼɛ, nye ósʉŋɔ mocyɛʼ mo mpom mo Zyɛm.

Kálar Nzyɛ̌m : Ejwán é Sáá

¹⁹ Bé dwé mʉ̂r mebě me mpéne, ntɔ̂ʼ dwe mʉ̂r waá bintɨ́ʼá tɨ̂ʼ nɛ́ɛ: mʉ̂r waá ódûhwo bíntɨ́ʼá byaá ɨ́ lɔ̌b lémé wé dí edwáawǒ Nzyɛ̌m wɨ́ nó, syɛ́ɛla yaá, yé ɨ́ mbɨa ɨ́ míh mé Nzyɛ̌m.

1 Pyɛr 2:19 ပူးပေါင်းရင်းမြစ်များ

1 Pyɛr 2:20

ǃBɨn si sa syem, bɨn ntɔʼ dihbe ebiʼe nɛʼɛ, ebe yé bɨn lé enkɛɛ monyʉl ó, bʉr seʼla bɨn ɨ? To kœb ó, bɨn bé ósʉŋɔ mocyɛʼ mo mpom mo Zyɛm é jɔʼ bɨn bé ócwɨa e bʉr, bɨn ntɔʼ sia e bɨntɨʼa le bihbe e.

1 Korɛnt 15:10

Dam be no, me ó lʉmlʉ we, ebe mocyɛʼ mo mpom Zyɛm a sʉ me e. Nye a baasʉ me ma, mocyɛʼ mo mpom l'aliʼe bɨdweʼle. Nye a sʉ me ma ó, me nkʉʼ dɨ sea, laa myʉʉ mɨlʉmlʉ mye mimyɛh. (É l'ocyecye, ntʉʼ me lé esea. Mocyɛʼ mo mpom nye a sʉ me e, mé ó ndɨ esa ó, me sea no.

Lʉkas 6:32

Yé be ó, bɨn bé ekpɛl ó, njɨ baa lé ekpɛl bɨn nɛʼɛ, ebe yé bɨn lé enkɛɛ monyʉl ó, bʉr seʼla bɨn ɨ? Dam be bʉr o ndɨ é bul jwɨ̂ʼlɨ e mɨsyem ɨ, bé ekpɛl nteme baa lé ekpɛl be e.

Rôm 13:5

Ebe no ó bɨn lé ekʉ jala le efil monyʉl mɨn si é mih mo ojwɨɨ ɨ. Abul be njɨ lé ekpɛɛ empime le bɨntɨʼa mo Zyɛm. Bɨn bé esa nteme mojoʼo maa ó, ebe, bɨn bé egwɨm ó, mɨpɛhla mɨleme min, myé diʼe myaa ndɨ é pyɛɛɛ ɛ.

Yʉanes 15:21

«Sa gwar, bé ótíile bɨn ó, é lɔb wam, ebe, bé agʉa mʉr a ntɨh me e.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

2 Korɛnt 8:1

Obɨɔ ga bam aa! Bɨh bé ekpɛl ó, bɨn gʉŋa lɔb wi: Zyɛm a si kʉ sʉ mocyɛʼ mo mpom me é mɨmbɛr mɨ Zyɛm ndɨ é Masedwan ɨ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

Ebrœ̂ 10:2

Nkʉ mɨndwɛa mpʉ motie lé elɛɛ ɛ, myé a be ó be, be lé esa ó, Zyɛm dihla boo bʉr nɛʼɛ, mpa baa lé edwiibɨ Zyɛm é zi mɨndwɛa ɛ, bɨ bɛa pubɔ jɔʼ gwar é bɨjɔʼ bibyɛh. Bé a ngbaa be ó, si gwaʼ lé esyɛl ba e bé bʉr o tɨ, tiibe e mɨsyem myɔɔ.

1 Pyɛr 4:15

Sa gwar, mʉr ngwar é l'esama lɨn beʼ l'abɔma e bɨntɨʼa ebe syɛɛla ebebe ye. Mʉr Mbɛr-Zyɛm, nye ambɨa, be njʉl bʉr, nkʉ zilngan, nkʉ nteme mʉr lé ekpɛl laʼ lʉ é bɨsa byoonkan ɨ.