1 Pyɛr 2:16 - Kálara Zyɛ̌m Edwán é mpʉ̌n

¹⁶ Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

Kálar Nzyɛ̌m : Ejwán é Sáá

¹⁶ Dúʼóó gá kʉ̌ tyen mpâ ónzyɛh o bʉ̂r jálá le edû wɨ́. Bɨ̌n damá be ónzyɛh o bʉ̂r, sâ gwár, asâ gá ebébe ɨ́ lɔ̌b dǐ bɨ́n dí tɨ̂ʼ yɨ́. Dǐ yaá, yé ajala le esûʼlǎ sá bɨ́n búbló ébébe é léme lɨ́n e tɨ̂ʼ yɨ́. Tiʼaa gá mpʉ bítúʼǎ bi dí egúmo e Nzyɛ̌m bí.

1 Pyɛr 2:16 ပူးပေါင်းရင်းမြစ်များ

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

1 Korɛnt 7:22

ebe, ǃɨ Da Yesʉs si jebe elʉa nɛʼɛ, kʉ gʉa ó, lé mu ó é dia otî é zyɛŋa wɔɔ boo Tî ga wina. ǃƗ Da si jebe mʉr ndɨ é dia otî nɛʼɛ, nye mu ó elʉa mo Krɨst pie njɨblɨ waa.

Rôm 6:18

Zyɛm a si sa ó, bɨn diʼe é dia otî é nko paʼ mɨsyem. Bɨn mu é bananaʼ ó, molʉa é l'efu le esa bɨsyɛɛla byaa ndɨ ocɨcyel ɨ.

Galásia 5:1

Krɨst a dwih bɨna ga é dia olʉa ó, bɨna diʼe ga é dia otî. Ebe no, cyɛba ga é nkʉʼʉ. Amɛʼle ga ó, nuu mʉr dwihɨ bɨn é dia otî, ntɔʼ dil bɨn é dia olʉa.

Jacques 1:25

No ó, mʉr waa lé ebee etie ndɨ mbɨmbɨa é mɨpaʼ mimyɛh ɛ, (no, yé ó etie ndɨ ecyel bʉr é dia otî ɨ), nye ó ndɨ eto dolo lé edu etie laa mbɨmbɨa. Nye abe mbi mʉr ndɨ, le ejoʼo, le ejɨha ɛ. Nye esa syɛɛla tɨ. Nyiha ó ndɨ waa Zyɛm ósʉ mocyɛʼ mo mpom é syɛɛla yiyɛh nye ósa ɛ.

Jacques 2:12

Ebe no, é jɔʼ bɨn mu lé ekpɛl pyɛl ekan efih ekan e kɛ̀l ɨ, nkʉ ó, bɨn bé ósa yʉʉ syɛɛla nɛʼɛ, bɨn bé à gʉa ó, Zyɛm ótiʼe bɨn mɨlɔb ó, pahle mokan mɨn ndwe e bɨsyɛɛla bin byaa. Nye ópahle bye lé edu etie ndɨ esa ó, bʉr diʼe é dia otî ɨ.

Éfɛsɔs 6:6

Mʉr asea syɛɛ njɨ é jɔʼ bé lé epala nye e. Mʉr beʼ l'asea é l'efu e moseʼla mo bʉr. Mpʉ bɨn mu osyɛl o mosa mo Krɨst ɨ, sea ga e be syɛɛ, lé eloŋlo gwɨma mo Zyɛm, e mɨleme min mimyɛh.

2 Pyɛr 2:19

Bé ekɛʼ be ó, bé ópɛʼ be é dia olʉa, dil be é dia otî, bɛɛ yɛɛ njɨ molʉa mo pɨʼ ontʉlontʉl, ebe, sa yiyɛh mʉr lé ebaran e ye, yɛɛ lé entaa nye é nkul ɨ, mʉr waa, nye ó elʉa é l'efu e sa yaa.

Kolosi 3:24

Gʉŋa ga ó, Tî ga wina ókʉ dwe bɨn myɛna tɨ. Bɨn bé óbi tiʼ molu mo mpoʼ mɨmɛh nye lé ekomo bʉr be e. Mpaŋ njwɨʼa bɨn lé esea e nye e, nye ó ndɨ Krɨst.

Mataos 23:13

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé ela bʉr zi lé eto gumo jwɨ̀ʼa mo Da ndɨ ɨ. Bɨn bʉr o tɨ, bɨn bé ajyɛl é zi waa. Bɨn bé adwe nteme bʉr o lé esaa ecwɨɨ tɨʼ ɨ, zi. [

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

1 Tesalonika 2:5

Bɨn bé egʉa nteme ó, bɨh bé a baabe lé ekʉa bɨn é zi moseʼla. Bɨh bé a baadwe bɨn sikʉlʉ yaa e bʉʉ otwɨɨtwɨɨ. Zyɛm, nye ó mboʼla wih é nko paʼ waa.

Yʉanes 15:22

Nkʉ me a be ó be, aze, ze lwib e be nɛʼɛ, mpa bé adweŋɔ mobe é lɔb mɨsyem myɔɔ. No ó, banana, bé aka be e nkar.