1 Pyɛr 2:12 - Kálara Zyɛ̌m Edwán é mpʉ̌n

¹² Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Kálar Nzyɛ̌m : Ejwán é Sáá

¹² Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

1 Pyɛr 2:12 ပူးပေါင်းရင်းမြစ်များ

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

2 Korɛnt 8:21

Bɨh bé egwɨm sa sa ndɨ é mbɨa ɛ, abe njɨ é mih mo Da Yesʉs mé ome, é bul laŋle ó é maa mo bʉr nteme.

1 Tesalonika 4:12

Kœʼœ ga mpaŋ ebò e cyen, laa mɨnjeʼe-Zyɛm, myé óbee mbɨmbɨa ɛ. Mʉr beʼ l'adɨ bono okɛma é jɔʼ yiyɛh.

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

Jacques 3:13

É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

2 Pyɛr 3:11

É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.

Rôm 13:13

Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

Rôm 12:17

Abala ga syɛɛla ebebe. Saŋa ga zi esa bʉr bɨbɛh bɨsyɛɛla ndɨ é bul mbɨa é mih mo bʉr bɨbɛh ɛ.

Ebrœ̂ 13:18

Dɨʼe sa ga mɨnjwɨʼla é l'efu lɨh. Bɨh bɨ kʉ gʉa ó, mɨpɛhla mɨleme mih, myé ó njɨ myaa ndɨ é pyɛɛɛ ɛ. Bɨh bé e gwɨma ó, bɨna kœʼœ ga ebò e cyen ndɨ cɨcyel ɨ, é bɨcye bibyɛh.

1 Timotɛ 2:2

Saʼ Zyɛm mɨnjwɨʼla nteme é l'efu e mɨnjwɨɨbʉr ndwe e baa bɨbɛh ndɨ e nkul mojwɨ̀ʼa ɛ. Ebe no ó bɨna bé ódi ga é motala, abe e ntɨʼa ɛ. É bɨtiʼ ga bina, bɨna bé ódwaabe ga Zyɛm le edwiibɨ nye.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Ebrœ̂ 13:5

Mʉr alaʼ ga lʉ é kpɛl mɔn. Filɨ ga mɨleme si é bim bɨn lé ebi ɨ, ebe, Zyɛm a lɛɛ ó: «Me abe e nkul eliʼe go é ntɛʼɛ nkʉ ntwiŋ go.»

Rôm 15:9

Nye a ze sea nteme ó, é l'efu e bʉr o bɨkul bɨfih, ó byé gʉŋa mpʉ Zyɛm lé ejwɨʼ bʉr nkoo e, byé nkʉʼ gumlo nye tɨ. Yé ó tila é Kalara Zyɛm ɨ. Yé ó tila ó: «Ebe no, me ógumlo go teme bɨkul bɨfih. Me ójɛɛ go osam lé eseʼle die lo.»

Lʉkas 19:44

Yerʉsalɛm aa! Bé ógbɛɛ go, le egbah bwan bo bɨbɛh ndɨ é bɨpɨpɨm byo tʉŋlʉ ɨ. Bé óliʼe go abe e l'ekoʼ egwar kɛla é lʉʉ kʉ, ebe, go baadweʼe jɔʼ Zyɛm a ze ó, nye jwɨʼ ó bɨn nkoo e.»

Mataos 10:25

Mpʉn saʼ mpʉ yeʼle we; syɛl mosa saʼ mpʉ masa we. No ó ndɨ ejala. Lʉ mbɛr bʉr pa taare jwɨrɔ die ó, Belzebul, a dwɛʼra e bʉr o mbɛr bʉr waa! Bé óka jwɨrɔ mie ndɨ é laŋle bebe e!»

Mataos 5:11

Mocyɛʼ mo mpom, mé ó e bɨn é jɔʼ bé ólwɨɨ bɨn, tíile bɨn le efœʼ bɨn mɨmbi mimyɛh é lɔb wam.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.

2 Korɛnt 13:7

No ó, bɨh bé ejwɨʼla e Zyɛm ó, bɨn beʼ l'asa syɛɛla ebebe gwar. Me abul gwɨm ó, bʉr beŋɨ ó, bɨh bɛɛ, bɨ bi mokebe. Bé dam ka bee bɨh ó, bɨh bɨ ku moveʼle, me egwɨm ó, njɨ bɨn saʼ mɨmpaŋ bɨsyɛɛla.

1 Korɛnt 14:25

Bɨjwɨʼ byé a be be é mɨmo si ɨ, byé ógwiha kʉl. Bé óbɨʼ mompom mɔɔ si é mih mɨn, lé edwiibɨ Zyɛm. Bé ólɛɛ ó: «Zyɛm, nye ó kʉ be é l'esama lɨn cyecye!»

Mɨlʉmlʉ 24:13

Ebe no ó bé ndɨ abe e dweʼle gwar ndɨ elɛʼle ó, mɨ byaʼ, ó me e lɔb bé lé epur me tɨʼ é bananaʼ ɛ.

Mɨlʉmlʉ 15:14

Simɔn, nyi lɛɛ mpʉ Zyɛm a taare lé etoŋlo bʉr o bɨkul bɨfih ɨ. Nyi pɛh bʉʉ bʉr é bɨkul byaa ó, bé diʼe kul bʉr ndɨ yaa ye e.

Lʉkas 6:22

Yesʉs ze ko tɨʼ ó «Bɨn bé e mocyɛʼ mo mpom é jɔʼ bʉr lé enwim bɨn ɨ, le é jɔʼ bé lé epem bɨn, lwɨɨ bɨn, le enʉa bɨn mpʉ osyɛl be ebebe é lɔb taa buʼo bɨn lé ejyɛʼ boo Mwan mo Mʉr ɨ.

Lʉkas 1:68

«Bɨna dwiibɨ ga Da, Zyɛm mpoʼo Ɨzraɛl, ebe, nye mu ó si fulo, lé eze kʉr kul bʉr ye.

Mataos 9:8

Jɔʼ ntuntuma bʉr, yé a bee syɛɛla yaa ɛ, yé ze bil ekɛn, ntɔʼ dwiibɨ Zyɛm, ebe, nye a be ó si bana dwe bʉr mbi nkul mojwɨ̀ʼa waa.

Mɨlʉmlʉ 25:7

É jɔʼ Pol a pyal ɨ, oYʉden bé a duho Yerʉsalɛm ɨ, bé a si bʉmra nye é nka, ze buʼɔ nye mɨlɔb é buobuo. Sa gwar, bé a baabe e dweʼle, sa yé a ngbaa lɛʼle ó, nye a be ó si byaʼ nuu mʉr lɔb.

Yʉanes 13:31

É jɔʼ Yʉdas a pyal kʉl, to sa ye e, Yesʉs, nye e be ó: «Banana, kum Mwan mo Mʉr, nyi nyin. Kum mo Zyɛm Sɔŋ, nyi nyin nteme é nye.

Mɨlʉmlʉ 28:22

No ó, bɨh bé ekpɛl joʼo mpʉ go lé epahle mɨlɔb myaa ɛ, ebe, é nko paʼ wih, sa bɨh bɛɛ ndɨ egʉa ɛ, yé ó, é bɨgumo bibyɛh, bé etɨ-tɨ mɨlɛa mɨ tɨ.»

Rôm 14:18

Ebe, mʉr lé esea e Yesʉs-Krɨst é mbi waa ɛ, Zyɛm, nye ebee nye mbɨmbɨa, bʉr nteme seʼle nye.

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

1 Pyɛr 2:15

Sa Zyɛm lé egwɨm é win paʼ, yé ó: bɨn cwɨa e bʉr, bɨgʉ nkʉʼ di é jwɨm, aka lwib sa ndɨ asiŋa ɛ.